ምላሽ

Wednesday, 17 August 2016 12:18

 

1

ጭላንጭሏ መበርታቴ

      በክፋት ቁር ላደደረህ

በጥቂት ትጋት ውልደቴ

      ልብህ ተንኮል አመንዠጎ

            ቂም ጥላቻ ላስቆጠረህ

ምስጋና ላንተ ጠላቴ

      ሀዘኔ ላስደነክረህ

በቃል በትር ቀጥቅጠኸኝ

በቅናት ጅራፍ ጠብሰኸኝ

በሀሜት ስል ተፍትፈኸኝ

በልቅደምህ አትቅድመኝም

      ባለመድከኝ ጥብቅ አባሮሽ

            ያላቅሜ አሯሩጠኸኝ

ዕድሜ ላንተ ለገፊዬ

      ይኸው ዛሬ እስቃለሁ

            ያን ክፉ ቀን አሻግረኸኝ

2

ድካም አቅሙን መጦት

      ላይቆም ተሸመድምዶ

ከተንደረደርነው

      ህይወት ግፊያችን ጥልቅ

            ሁለናው ተጋምዶ

ተንፏቆ ለሚድህ

      ለዚያ ለደካማው

            ይብላኝ ለጠላቴ

ከአፋፉ ዘልዬ

      እኔስ አምልጫሁ

            አቅፎኝ ብልሃቴ

ዞር ብዬ ባየው. . .

ከገረጣ ገላው

      ትወጣ ይመስል

            አፈትልካ ነብሱ

ደም ቋጥሯል ገፅታው

      ፍም ጸንሷል አይኑ

            ፀፀት ነክሷል ጥርሱ

3

በል ተነሳ በርታ

      ቀና በል ጠላቴ

            እንካ እጄን ተመርኮዝ

                  ክንዴን ተንተራሰው

አንተን አይደለሁም

      የለኝ ድንጋይ አንጀት

            ተራምጄ አላልፍም

                  ቀን የጣለውን ሰው።

                              ውለዳት -በኤልያስ ቦጋለ

ይምረጡ
(0 ሰዎች መርጠዋል)
261 ጊዜ ተነበዋል

ተጨማሪ ጽህፎች ከ መስከረም አያሌው

Sendek Newspaper

Bole sub city behind Atlas hotel

Contact us