የአንድ ኢትዮጵያዊ ቴሌቪዥን አጭር የሕይወት ታሪክ

Wednesday, 03 May 2017 12:19

 

ቴሌቪዥኑ

ሰውዬውን ዐየው

ሰውዬው ያፈጣል

ሻጋታ መረጃ ባ’ይኑ ያላምጣል።

ዐይኑን ላፍታ ማርገብ ከሽንፈት ቆጥሮ

ያይኖቹን ሽፋሽፍት በችካል ወጥሮ

ባዶና ት’ይንቱን በቅጡ ሳይለዬው

ያፈጣል፣ ያፈጣል፣ ያፈጣል ሰውዬው።

እግዜሀር ደግ ነው

ዐይንን ባ’ምፖል አምሳል ግንባር ላይ ቢተክልም

ሲያበሩበት ቢያድሩ ላይን አያስከፍልም።

ግን ቴሌቪዥኑ

ታካች የፈጠረው ታካች በመኾኑ

ለውጥ እየተመኘ

ክፍሉን ባ’ይኑ ቃኘ

ካፍጣጩ ሰው በቀር ምንም አላገኜ

ስለዚህ ሰለቸው፣ ታከተው ተከፋ

እኩለ ሌሊት ላይ ራሱን አጠፋ።

                              ስብስብ ግጥሞች /በዕውቀቱ ስዩም/

ይምረጡ
(0 ሰዎች መርጠዋል)
154 ጊዜ ተነበዋል

Sendek Newspaper

Bole sub city behind Atlas hotel

Contact us