ህፃኑ ለቀጣዮቹ 47 ዓመታት ያዘጋው ስልክ

Wednesday, 14 March 2018 13:04

 

ሰሞኑን ከወደቻይና የተሰማ አንድ ዜና ተንቀሳቃሽ ስልኮቻቸውን አዘውትረው ለህፃናት የሚሰጡ ሰዎችን ያስጠነቀቀ ይመስላል፡፡ ጉዳዩ እንዲህ ነው፡፡ ሉ የተባለችው ቻይናዊት እናት የሁለት ዓመት ልጇ ትምህርታዊ ቪዲዮዎችን ከአይፎን ስልኳ ላይ እንዲመለከት በማለት ስልኳን ትሰጠዋለች፡፡ ህጻኑም በዘፈቀደ ሲነካካ ያልተፈለገ መተግበሪያ ውስጥ በመግባት ስልኩ ለቀጣዮቹ 47 ዓመታት በፊት አገልግሎት እንዳይሰጥ አድርጎታል፡፡ ቴክኒሺያኖች እንደተናገሩት ህጻኑ በዘፈቀደ ስልኩን እየነካካ ሳለ ስልኩ ዝግ ሆኖ የሚቆይበትን የጊዜ ገደብ የሚስተካከልበት ሲስተም ውስጥ በመግባት የጊዜ ገደቡን 47 ዓመታት ወይም ከ25 ሚሊዮን ደቂቃ በላይ አድርጎ መርጦታል፡ ይህ ሊሆን የቻለውም ህጻኑ በተደጋጋሚ የተሳሳተ የይለፍ ኮድ በማስገባቱ ነው ተብሏል፡፡ ሉ ስልኩ አገልግሎት እንዲሰጥ ለቀጣዮቹ 47 ዓመታት መጠበቅ ካልሆነም እንደአዲስ በላዩ ላይ ያሉ መረጃዎችን አጥፍቶ ማስጀመር እንዳለበት የአፕል አይፎን ቴክኒሺያኖች የገለፁላት ሲሆን እርሷም አስገራሚ መለስ ሰጥታለች፡፡ “እውነቱን ለመናገር ለቀጣዮቹ 47 ዓመታት ስልኬ እስከሚከፈት መጠበቅ እና ለልጅ ልጇም የአባቱ ስህተት እንደሆነ መናገር አልፈለገም” ስትል እስከዚያ ልጇም አባት እንደሚሆን እርሷም አያት እንደምትሆን የጊዜውን ርዝመት አስረድታለች ሲል ያስነበበው ኢዲቲ ሴንትራል ነው፡፡

ይምረጡ
(0 ሰዎች መርጠዋል)
83 ጊዜ ተነበዋል

Sendek Newspaper

Bole sub city behind Atlas hotel

Contact us