የአባይ ግድብና ጃንሆይ

Wednesday, 11 April 2018 14:45

ቤተመንግስቱ ውስጥ መከፋት፣ ድፍረት ማጣት፣ ነገ ስለሚመጣ ነገር ባለ ፍርሃት የተሞላ ጥበቃ ነበር። ጃንሆይ ድንገት አማካሪዎቸውን ጠርተው ልማትን ስለመዘንጋታቸው ከወቀሱና ከነቀፏቸው በኋላ አባይ ላይ ግድብ ልንሰራ መሆኑን አሳወቁ። “ነገር ግን ክፍለ ሀገሮቹ እየተራቡ ባለበት፣ ህዝቡ ሰላም ባጣበት፣ ወገኖቹ ስርዓተ መንግስቱን ስለማቅናት በሚንሾካሾኩበት፣ ወታደራዊ መኮንኖቹ በመኳንንት ላይ ባመፁበትና በከበቧቸው ሰዓት እንዴት ነው ግድቦችን የምናቆመው?” ሲሉ ግራ የተጋቡ አማካሪዎች አጉረመረሙ። “የግድቦቹን ነገር ረስቶ ረሃብተኞቹን መርዳት ይሻላል።” የሚል ጉርምርምታ በየመተላለፊያዎቹ ላይ ተሰማ። ለዚህ ገንዘብ ሚኒስትሩ መልስ ሰጡ። “ግንቦቹ ከተገነቡ ውሃ ውደ መስክ መልቀቅ የሚቻል ይሆናል፤ ከዚያ ይሄ በቂ ሰብልና ከረሃብ የተነሳም እልቂት እንዳይኖር ያደርጋል።


“እሺ ይሁን፣ ግድቦችን መስራት ስንት ጊዜ ይፈጃል?” ሲሉም አጉረመረሙ። “በመሃሉ ህዝቡ በረሃብ ያልቃል።” “ህዝቡ አይሞትም” ገንዘብ ሚኒስትሩ ገለፁ።


“እስካሁንኮ አልሞተም፣ ስለዚህም አሁንም አይሞትም። ግን ግድቦችን ካልገነባን እንዴት ነው ሌሎች ላይ ልንደርስ ወይም ልንቀድማቸው የምንችለው?”


“ግን ከነማን ጋር ነው እየተወዳደርን ያለነው?” ወሬኞቹ አጉረመረሙ። “ከነማን ስትሉ ምን ማለታችሁ ነው? ግብጽስ?” “ግንኮ ጌታዬ ግብጽ ከኛ በሀብት ትበልጣለች፣ ግን ራሷ ግብጽ እንኳን ከኪሷ አውጥታ ግድቦችን መስራት አልቻለችም። ለግድቦችን ታዲያ ፈንድ የምናገኘው ከየት ነው?” በዚህ ጊዜ ሚኒስትሩ በትክክል በጥርጣሬ ተበሳጨ። እናም ማስተማር ጀመሩ፣ አንድ ሰው ለአገሩ እድገት ሲል ራሱን መሰዋቱ ምን ያህል አስፈላጊ እንደሆነ ይነግሯቸው ጀመር። በተጨማሪም፤ ጃንሆይ አዘዋል። አይደለም እንዴ? የምናድገው ለቅፅበት ሳናርፍ ልባችንና ነፍሳችንን እዚያው አሳርፈን ነው። የማስታወቂያ ሚኒስቴሩም የግርማዊነታቸው ውሳኔ አዲስ ድል መሆኑን አስታወቁ። ወዲያውም ግድቦቹ ተሰርተው ሲጠናቀቁ ሁሉም ሰው እንደሚበለጽግና አሉባልተኞችም እንደሚያፍሩ የሚናገሩ መፈክሮች በከተማይቱ አውራ ጎዳናዎች ላይ ታዩ።


ምንም እንኳን ይሄ ጉዳይ አመፀኞቹን ቢያበሳጫቸውም የግድቦቹን ስራ ለመቆጣጠር ልዩ ተግባር በንጉሱ የተቋቋመው ዘውዳዊ ምክር ቤት አባላት የግድቦቹ ነገር ከሙስናና ረሃቡን ከማባባስ ውጭ ምንም ጥቅም ባለማስገኘቱ ከጥቂት ቀናት በኋላ ወደ እስር ቤት ተወረወሩ። ያም ቢሆን ይሄ በባለስልጣናቱ በኩል የተወሰደው ርምጃ ጃንሆይን ሳያሳዝናቸው አልቀረም ስል ሁል ጊዜ አስባለሁ።


አይበገሬው አመቱ ሁሉ በየጊዜው በሚጨምር ጫና ትከሻውን እየከበዳቸው መሆኑ ተሰምቷቸዋል። በመሆኑም አለምን የሚያስደንቅ ቆንጆ ሀውልት ጥለው ለማለፍ ፈልገዋል። እንዲህ ከሆነ ከብዙ ዓመታትም በኋላ ዘውዳዊዎቹን ግድቦች ያዩ ሁሉ “ተመልከቱ! ከንጉስ ነገስቱ በቀር እነዚህን ነገሮች ማን ሊሰራቸው ይችል ነበር እነዚህን እጅግ የተለዩ፣ አስደናቂዎች! ተራሮች ሁሉ ወንዞችን አቋርጠው የሚመለከቷቸው!” ሲሉ ይጮሃሉ። ወይም በሌላ አቅጣጫ ብንመለከተው፣ ንጉሰ ነገስቱ ግድቦችን ከመገንባት ይልቅ ረሃብተኞችን መመገብ ይሻላል። ለሚሉት ወሬዎችና ጉርምርምታዎች ጆሮ ሰጥተው ቢሆን ኖሮ ረሃብተኞቹኮ ቢጠግቡም ኖሮ ቀስ በቀስ ቀናቸው ሲደርስ መሞቸው አይቀርም ነበር፤ የሚታወሱበት ምንም ምልክት ሳይተው እነሱም ሆኑ ንጉሰ ነገስቱ።

 

ሚስጥራዊው ንጉሥ - ዮሐንስ ካሳ

ይምረጡ
(1 ሰው መርጠዋል)
159 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 944 guests and no members online

Sendek Newspaper

Bole sub city behind Atlas hotel

Contact us