በእጅ ተጓዡ ኢትዮጵያዊ

Wednesday, 18 April 2018 13:08

 

ኢትዮጵያዊው ወጣት ከእግሮቹ ይልቅ በሁለት እጆቹ በመራመድ እና በርካታ ተግባራትን በማከናወን አለምን አስደምሟል ይላል ቢቢሲ። በትግራይ ክልል ነዋሪ የሆነውና የ32 ዓመቱ ወጣት ድራር አቦሆይ ከቢቢሲ ጋር ያደረገውን ቃል ምልልስ ጠቅሶ ዜናውን ያስነበበው ኦዲቲ ሴንትራል ነው። ድራር ገና ከልጅነቱ ጀምሮ የቻይና እና የአሜሪካ ፊልሞችን ሲመለከት እንዳደገ እና በፊልሞቹ ላይ ይመለከታቸው የነበረቱን እንቅስቃሴዎችም ይለማመድ እንደነበር ተናግሯል። በአሁኑ ጊዜም ጠዋት ላይ ለሶስት ሰዓታት እንዲሁም ማታ ላይ ለሶስት ሰዓታት ልምምድ የሚደረግ ሲሆን፤ በሁለት እጆቹ በመራመድ እና እግሮቹን ወደ ላይ በመስቀል ተራሮችን መውጣት፤ መኪና መጎተት፣ እንዲሁም ሰዎችን በጀርባው ላይ አዝሎ መጓዝ እንደሚችል ለቢቢሲ አሳይቷል ተብሏል። ወጣቱ በዚህ አስደናቂ ድርጊቱ ስሙን በዓለም ድንቃድንቅ መዝገብ ላይ የማስፈር ፍላጎት እንዳለውም ገልጿል። ሁለቱም እግሮቹ ጤናማ መሆናቸውንም ዘገባው አስነብቧል።

ይምረጡ
(0 ሰዎች መርጠዋል)
63 ጊዜ ተነበዋል

Sendek Newspaper

Bole sub city behind Atlas hotel

Contact us