የኪራይ ጥሎሽ

Wednesday, 18 April 2018 13:12

 

በታይዋን የሚንቀሳቀስ አንድ ኩባንያ እናንተ ለመጋባት ወስኑ እንጂ የጥሎሹን ነገር በእኔ ጣሉት እያለ ነው። ሮማንቲስ የተባለው ይህ ኩባንያ ሙሽሮች በሰርጋቸው እለት ለወላጆቸው የሚሰጡትን ጥሎሽ በኪራይ መልክ ማቅረብ ከጀመረ ሶስት ወራትን ማስቆጠሩ ተገልጿል። በታይዋን ከጥንት ጀምሮ በጋብቻ ወቅት ለሙሽሪት ቤተሰብ ጥሎሽ መስጠት ልጃቸውን በጥሩ ሁኔታ በማሳደጋቸው የሚገባቸውን ክብር መስጠት ተደርጎ ይቆጠራል። ታዲያ በርካታ ወንዶች ማግባት ቢፈልጉም ይሄን ጥሎሽ መስጠት ባለመቻላቸው ብቻ ሲቸገሩ በማየታቸው ይሄንን ኩባንያ ማቋቋማቸውን መስራቾቹ ተናግረዋል። ኩባንያው ለጥሎሽ የሚሆኑ የወርቅ፣ የብር እንዲሁም የገንዘብ ጥሎሽ የሚያከራይ ሲሆን፤ ሁሉንም ጥሎሾች ለሚከራዬ ጥንዶችም መኪና ያለ ኪራይ ይመርቃል። ተከራዮች የጥሎሽ እቃዎቹን ከመውሰዳቸው በፊት ስምምነት መፈረም ይኖርባቸዋል።

ሃሳቡን ለየት የሚያደርገው ግን እነዚህን የጥሎሽ እቃዎች መንካት እንኳን አለመፈቀዱ ነው። ሙሽሮቹም ሆኑ ጥሎሽ የሚገባቸው የሙሽሪት ወላጆች እነዚህን የጥሎሽ እቃዎች ከማየት ውጪ በእጃቸው መንካት አይፈቀድላቸውም። ገንዘቡን ጨምሮ እቃዎቹ ለሰርጉ ማድመቂያ ብቻ በመድረክ ላይ እንዲቀመጡ ይደረጋል እንጂ ለምንም አይነት አገልግሎት አይውሉም። እቃዎቹን ማንም ሰው አቅም አለኝ ብሎ መግዛትም ሆነ ለሌላ አላማ መከራየት የማይፈቀድለት ሲሆን፤ ከተቀመጡበት የሚነሱት ጭምር በኩባንያው ሰራተኞች ብቻ ነው። ኩባንያው በእነዚህ ሶስት ወራት ውስጥ በዚህ አዲስ የንግድ ሃሳብ ከፍተና ትርፈ ማግኘቱን ጠቅሶ ያስነበበው ሮይተርስ ነው።

ይምረጡ
(0 ሰዎች መርጠዋል)
111 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 72 guests and no members online

Sendek Newspaper

Bole sub city behind Atlas hotel

Contact us