ሎሬት ፀጋዬ ገ/መድህን በዛሬዋ ዕለት

Wednesday, 25 February 2015 12:35

በጥበቡ በለጠ


ታላቁ ኢትዮጵያዊ ባለቅኔ፣ ፀሐፌ-ተውኔት፣ መራሔ-ተውኔት፣ ታሪክ ፀሐፊ እና የስነ-ሰብ ተመራማሪ የነበረው ፀጋዬ ገ/መድህን ከዚህች ዓለም በሞት የተለየው የካቲት 18 ቀን 1998 ዓ.ም ነበር።

ፀጋዬ በ1950ዎቹ ውስጥ ብቅ ካሉት የኢትዮጵያ ብዕረኞች መካከል ከግንባር ቀደሞቹ አንዱ ነበር። ልዩ የግጥም ችሎታ፣ ልዩ የቴአትር ፀሐፊና ተመራማሪ ነበር። በዓለም ታሪክ፣ በኢትዮጵያ ታሪክ ላይ ሰፊ ምርምር ያደረገ የጥበብ ሰው ነበር።

ፀጋዬ ከፃፋቸው ታሪካዊ ቴአትሮች መካከል ጴጥሮስ ያችን ሰዓትዘርአይ በሮማ አደባባይ፣ ቴዎድሮስ፣ እና ምኒልክ ይገኙበታል። ከእነዚህ ቴአትሮች ውስጥ ምኒልክ እስከ አሁን ድረስ በመድረክ አልተሰራም። ጉዳዩ እንቆቅልሽ ነው። ይህን የመሰለ ታላቅ ተውኔት እስከ አሁን ድረስ ተሰርቶ አለመቅረቡ ችግሩ እምኑ ላይ እንደሆነ መገመት አይቻልም። ነገር ግን ታሪኩ ጐበዝ አዘጋጅ ይፈልጋል። አርቲስት ስዩም ተፈራ ወደፊት አዘጋጀዋለሁ ብሎ በአንድ አጋጣሚ ተናግሮ ነበር። እስከ አሁን ድረስ እርሱም አላዘጋጀውም። ብሔራዊ ቴአትር፣ ሀገር ፍቅርና ማዘጋጃ ቤቱ ዝም ብለዋል። ቢያንስ የአድዋ በዓል በሚከበርበት ወቅት የዚህን ታላቅ ባለቅኔ ቴአትር መስራት እንዴት አልቻሉም!?

     ፀጋዬ እጅግ ግዙፍ የሚባሉ የጥበብ ስራዎችን አበርክቶ ከዚህች ዓለም የተሰናበተው በዛሬዋ እለት የካቲት 18 ቀን 1998 ዓ.ም ነበር። ዘጠኝ ዓመት ሆነው። ይህን ሰው ለመዘከር ስራዎቹን ማቅረብ ግድ ይለናል። ፀጋዬ የኢትዮጵያ ሼክስፒር ነውና!

ይምረጡ
(16 ሰዎች መርጠዋል)
3045 ጊዜ ተነበዋል

Sendek Newspaper

Bole sub city behind Atlas hotel

Contact us