ግብፅ የኑኩሌር ኃይል ባለቤት ለመሆን የሚያስችላትን ፊርማ አኖረች

Wednesday, 13 December 2017 12:17

 

ግብፅ ያለባትን የኤሌክትሪክ ኃይል አቅርቦትና ፍላጎት ለማጣጣም ጥረት በማድረግ ላይ ስትሆን ከሰሞኑም የዚሁ አካል የሆነውን የኑሉሌር የአሌክትሪክ ኃይል ለመገንባት የሚያስችላትን ሥምምነት ከሩስያ ጋር ተፈራርማለች። የስምምነቱ ፊርማ ሥነስርዓት የተካሄደው በካይሮ ሲሆን በዚሁ ስምምነት ላይም የግብፁ ፕሬዝዳንት አብዱል ፈታህ አልሲሲ እና የሩስያው አቻቸው ቭላድሚር ፑቲን ተገኝተዋል።

 

 ይሄው ዳባ በሚል የሚታወቀው ግዙፍፕሮጀክት 21 ቢሊዮን ዶላር ወጪን የሚጠይቅ መሆኑ ሮይተርስ በዘገባው ያመለከተ ሲሆን ሙሉ በሙሉ ይጠናቀቃል ተብሎ የሚጠበቀውም እ.ኤ.አ በ2027/2028 መሆኑን ዘገባው ጨምሮ ያመለክታል።

 

በተደረሰው ስምምነት መሰረትም ሩስያ የግንባታውን ወጪ 85 በመቶ የምትሸፍን ይሆናል። በ2015 በተደረሰው የሁለቱ ሀገራት የሁለትዮሽ ስምምነት መሰረት ሩስያ እያንዳንዳቸው 1 ሺህ 2 መቶ ሜጋ ዋት ለማመንጨት የሚያስችሉ 4 የኑኩሌር ማብላያዎችን በግብፅ ምድር መገንባት ይጠበቅባታል። በዚህም ግብፅ ከዚህ ፕሮጀክት ሙሉ በሙሉ መጠናቀቅ በኋላ አሁን ካላት አጠቃላይ የኤሌክትሪክ ኃይል መጠን ተጨማሪ 4 ሺህ 8 መቶ ሜጋ ዋት የኑኩሌር ኃይልን የምታገኝ ይሆናል።

 

ሁለቱ ሀገራት ከተወሰኑ ዓመታት ወዲህ ያላቸውን የንግድ ግንኙነት እያጠናከሩ ሲሆን ግንኙነቱም በአካባቢው ጆኦፖለቲካ፣ በኢኮኖሚና በወታደራዊ ግንኙነት ዘርፎች ላይ ተጠናክሮ የቀጠለ መሆኑን የአህራም ኦንላይን ዘገባ ያመለክታል። ሁለቱ ሀገራት ከኢኮኖሚ ግንኙነቱ ባሻገር በአካባቢው ላለው የሰላም እጦት መፍትሄ ለማፈላለግ በጋራ እየሰሩ መሆኑን መረጃዎቹ ያመለክታሉ።

 

 በዚህም በእስራኤል ፍልስጤም የሰላም ጉዳይ እንደዚሁም በሶርያና በሊቢያ ጉዳይም ሁለቱ ሀገራት በጋራ ለመስራት በፑቲን የካይሮ ቆይታ ወቅት ሰፊ ውይይት የተደረጋበቸው መሆኑ ታውቋል። ሁለቱ ሀገራት ያላቸውን  ኢኮኖሚያዊ ግንኙነት በማጠናከር በአሁኑ ሰዓት ያላቸው ዓመታዊ የሁለትዮሽ የንግድ ግንኙነት መጠን 4 ቢሊዮን ዶላር የደረሰ መሆኑን የአህራም ኦንላይን ዘገባ ጨምሮ ያመለክታል።

ይምረጡ
(0 ሰዎች መርጠዋል)
165 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 193 guests and no members online

Sendek Newspaper

Bole sub city behind Atlas hotel

Contact us