ኢትዮ ቴሌኮም የጥራት ሽልማት ማግኘቱን ገለፀ

Wednesday, 20 December 2017 12:37

 

ኢትዮቴሌኮም  international Diamond prize for Excellence in Quality 2017 አሸናፊ መሆኑን ለዝግጅት ክፍላችን በላከው መግለጫ አስታውቋል። ሽልማቱን ያዘጋጀው መቀመጫውን ሲውዘርላንድ ያደረገው Eurpean Society for Quality Research መሆኑን ይሄው መግለጫ ጨምሮ ያመለክታል።

 

ሽልማቱን የኢትዮ ቴሌኮም ዋና ሥራ አስፈፃሚ ዶክተር አንዷለም አድማሴ ህዳር 30 ቀን 2010 ዓ.ም በቦታው በመገኘት መቀበላቸው ታውቋል። እንድ ኩባንያው መረጃ ከሆነ የሽልማቱ አሸናፊ ተቋማት ምርጫ የተደረገው በደንበኞች አስተያየትና የገበያ ጥናት፣ ከተጠቃሚዎች በተገኘ መረጃ እንደዚሁም ይህንኑ ሽልማት ከዚህ በፊት በወሰዱ ተቋማት የሚሰበሰቡ ውጤቶችን መሰረት ያደረገ ነው።

በተያያዘ ዜና ኢትዮ ቴሌኮም የአፍሪካ የ2017 ምርጥ ቀጣሪ ኩባንያ ሽልማትን ያሸነፈ መሆኑንም አመልክቷል፡፡ በዚህም የአፍሪካ ምርጥ የገፅታ ብራንድ በተሰኘ መድረክ ላይ ለሁለተኛ ጊዜ ይሄንኑ ሽልማት የተቀበለ መሆኑን መረጃው ጨምሮ ገልጿል፡፡

 

እንደ ኩባንያው መረጃ ከሆነ ኩባንያው ከቀጠራቸው ከ17 ሺህ በላይ ቋሚና ጊዜያዊ ሰራተኞች ባለፈ በ2 ሺህ የገጠር ቴሌኮም ማስፋፊያ ሥራ አስር ሺህ ወጣቶችን ተጠቃሚ ማድረግ በመቻሉ ለሽልማቱ አብቅቶታል፡፡ ይህ ብቻ ሳይሆን የሰራተኞች ሥራ የመልቀቅ መጠንም ከ አንድ በመቶ በታች መሆኑ ሌላው ለዚሁ ሽልማት አሸናፊነት ምክንያት ተደርጎ የሚጠቀስ መሆኑን ድርጅቱ የላከልን መረጃ ጨምሮ ያመለክታል፡፡ 

ይምረጡ
(0 ሰዎች መርጠዋል)
39 ጊዜ ተነበዋል

Sendek Newspaper

Bole sub city behind Atlas hotel

Contact us