ዒድ ኤክስፖ በመካሄድ ላይ ነው

Wednesday, 06 June 2018 13:44

 

ባለፈው ግንቦት 23 በአዲስ አበባ ኤግዚብሽን ማዕከል የተከፈተው ኢድ ኤክስፖ በመካሄድ ላይ ነው። ዝግጅቱም እስከ ሰኔ 7 ቀን 2010 ዓ.ም የሚካሄድ መሆኑ ታውቋል። በዚህ ኤክስፖ ላይ በርካታ ድርጅቶች ምርቶቻቸውንና አገልግሎቶቻቸውን ይዘው የቀረቡ ሲሆን ከህንድ ከሶሪያና ከፓኪስታን የመጡ ተሳታፊዎችም የተገኙበት መሆኑ ታውቋል።

 

ይሄው በየዓመቱ በኢድ አልፈጥር ፆም ወቅት የሚካሄደው ኤክስፖ ማህበራዊ ኃላፊነትን ከመወጣት አንፃር በየጊዜው ከተለያዩ ተቋማት ጋር የሚሰራ ሲሆን በዚህ ዓመትም ከአዲስ አበባ ትራፊክ ማኔጅመት ጋር በጋራ በመሆን በትራፊክ አደጋ አስከፊነት ዙሪያ ለጎብኚዎች ግንዛቤ የሚሰጥበትን ሁኔታ ያመቻቸ መሆኑ ታውቋል።

በኤክስፖው ላይ፣አልባሳት የሃይማኖት መፃህፍት፣ የቤት እቃዎች፣ ጌጣጌጦችና የመሳሰሉት ምርቶች በስፋት ቀርበው ተመልክተናል። የዚሁ ዝግጅት አዘጋጅ የሆነው ሀላል ፕሮሞሽን በቀጣይ ኤክስፖውን በዓመት ሁለት ጊዜ ለማድረግ እቅድ ያለው መሆኑ በመክፈቻው ዕለት በተሰጠው ማብራሪያ ተገልጿል።

ይምረጡ
(0 ሰዎች መርጠዋል)
14 ጊዜ ተነበዋል

Sendek Newspaper

Bole sub city behind Atlas hotel

Contact us