የዓለም ረዥሙ መንገደኞች አውሮፕላን በረራ ሪከርድ ሊሰበር ነው

Wednesday, 13 June 2018 12:55

 

የሲንጋፖር አየር መንገድ የዓለምን ረዥሙን የአየር በረራ ሊጀምር መሆኑን አስታውቋል። በረራው ከሲንጋፖር ሻንጋይ ኤርፖርት አሜሪካ ኒውዮርክ የሚደረግ መሆኑን ቢቢሲን ጨምሮ የተለያዩ መገናኛ ብዙኃን አስታውቋል። ይህም ያለማቋረጥ የሚደረግ የ19 ሰዓት በረራ መሆኑን ዘገባዎቹ ጨምረው አመልክተዋል። ይህም ረዥም በረራ 16 ሺኅ 7 መቶ ኪሎ ሜትሮችን ይሸፍናል ተብሏል።

 

እንደ ትራቭለር ድረገፅ ዘገባ ከሆነ በመጪው ጥቅምት ወር አዲሱ በረራ የሚጀመረው በኤር ባስ A-350-900 ULR አውሮፕላን ነው። ሲንጋፖር 21 ይህ አይነት አውሮፕላን ያላት መሆኑን ዘገባዎች ያመለክታሉ።

 

እንደ ቢቢሲ ዘገባ ከሆነ እስከ ዛሬ ረዥሙ የማያቋርጥ የመንገደኞች አውሮፕላን በረራ ሪከርድ የተያዘ ሲሆን 17 ነጥብ 5 ሰዓታትን የሚፈጅ በረራ ነው። ይህም በረራ ከዶሃ እስከ እስከ ኦክላንድ የሚካሄድ ነው። አሁን ግን በአዲሱ የዓለማችን የመንገደኞች አውሮፕላን ሪከርዱ ተሻሽሏል።

ይምረጡ
(0 ሰዎች መርጠዋል)
980 ጊዜ ተነበዋል

Sendek Newspaper

Bole sub city behind Atlas hotel

Contact us