You are here:መነሻ ገፅ»ዜና

አንከር ወተት ለወላጅ አልባ ህፃናት፣ የዓመት የወተት ፍጆታቸውን ለመሸፈን ወሰነ

Wednesday, 21 December 2016 14:09

አንከር ኢትዮጵያ ውስጥ መመረት የጀመረበትን አንደኛ ዓመቱን በአከበረበት ታህሳስ 1 ቀን 2009 ዓ.ም. አገር በቀል የወላጅ አልባ ህፃናት ማሳደጊያ ድርጅት ለሆነው ስለእናት ህፃናት ማሳደጊያ የአንድ ዓመት የወተት ፍጆታቸውን ለሕፃናቱ እንደሚያቀርብ ይፋ አድርጓል።

የወተት ልገሳው በስለእናት የወላጅ አልባ ህፃናት ማሳደጊያ ይፋ ሲደረግ በአንከር አንደኛ ዓመት ላይ የተገኙት የኒውዚላንድ ሚልክ ፕሮዳክትስ ኢትዮጵያ ዋና ስራ አስኪያጅ አቶ ዜኮ “ድርጅታቸው ለማሳደጊያው ህፃናት ዋነኛ ምርቱ የሆነውን አንከር የበለፀገ ወተት  ለአንድ ዓመት የየቀን ፍጆታቸው በልገሳ መልክ መስጡን ካስታወቁ በኋላ፣ አንድ ዓመት እና ከዚያ በላይ የሆኑ 70 የማሳደጊያው ህፃናት የህፃናትን ጤናማ ዕድገት ለማረጋገጥ አስፈላጊው የንጥረነገር ምጣኔ ተሟልቶለት የተመረተውን አንከር ወተት በየቀኑ ለአንድ ዓመት እንደሚያገኙ ማረጋገጫ ሰጥተዋል። 

ዋና ሥራ አስኪያጁ አቶ ዜኮ አያይዘውም፣ አንከር ወተት በኢትዮጵያ ውስጥ በአለፈው ዓመት መመረት ሲጀምር ዓላማው ከፍተኛ ጥራት ያለውን የወተት ምርት በተመጣጣኝ ዋጋ ለኢትዮጵያዊያን ህፃናት ተደራሽ ማድረግ ነው። እንዲሁም ድርጅቱ ካለበት ማሕበራዊ ኃላፊነት በመነሳት ለማህበረሰብ ድጋፍ ማድረግ አስፈላጊ መሆኑን ይገነዘባል። ለችግረኛ ህፃናት ወተት በነፃ በማቅረብ የጤና ይዞታቸው እንዲሻሻል ለማድረግ ከስለእናት ጋር በጋራ መስራት ለእኛ በህፃናቱ ህይወት ውስጥ ልዩነት ለማምጣት የድርሻችንን የምናደርግበት አንዱ መንገድ ነው በመሆኑ ደስተኞች ነን” ብለዋል።

ኢትዮጵያ ውስጥ መቅረብ በጀመረበት አንድ አመት ጊዜ ውስጥ አንከር ኢትዮጵያ ውስጥ ካሉ ግንባር ቀደም የዱቄት ወተት ምርቶች  አንዱ ተጠቃሽ ምርት ለመሆን የበቃ ሲሆን በ2016 ዓ.ም. ብቻ በመላ ሀገሪቱ ከ40 ሚሊዮን ብርጭቆ ወተት በላይ ማቅረቡን ለማወቅ ተችሏል።

አንከር የበለፀገ ወተት የሚዘጋጀው በጥራቱ ከሚታወቀው ከኒውዚላንድ ወተት ነው። በዓለም ከ70 በላይ ሃገራት ውስጥ ላሉ ቤተሰቦች ጥራት ያለው የዱቄት ወተት ያቀርባል። ከተመሰረተ 130 ዓመታትን አስቆጥሯል።

ኒውዚላንድ ሚልክ ፕሮዳክትስ ኢትዮጵያ ፎንቴራ በተሰኘው የኒውዚላንድ የወተት አምራች ህብረት ስራ እና በአገር በቀሉ ሸሪክ በፋፋ ፉድስ የጋራ ባለቤትነት የሚንቀሳቀስ ኩባንያ ነው።

ፎንቴራ ባለቤትነቱ የ10,500 የኒውዚላንድ ገበሬዎች ሲሆን፣ በዓመት ከ22 ቢሊዮን ሊትር በላይ ወተት በማምረት  ለበርካታ ህዝቦች የሚያቀርብ የዓለማችን ትልቁ የወተት ላኪ ተቋም ነው።

አንከር ኢትዮጵያ ውስጥ በኦገስት 2015 ዓ.ም ስራ ሲጀምር በኒውዚላንድ ሚልክ ፕሮዳክትስ ኢትዮጵያ እና በኢትዮጵያ የምግብ እና ኒውትሬሽን ሶሳይቲ የጋራ ምክክር እና ጥናት መሰረት ኢትዮጵያዊያን ህፃናት አዘውትረው በሚመገቧቸው ምግቦች ውስጥ የማያገኟቸው ለዕድገት እጅግ አስፈላጊ ንጥረነገሮች የተካተቱበትን አንከር የበለፀገ ወተት አምርቶ ለገበያ በማቅረብ መጀመሩ የሚታወስ ነው።¾

ይምረጡ
(0 ሰዎች መርጠዋል)
322 ጊዜ ተነበዋል

Sendek Newspaper

Bole sub city behind Atlas hotel

Contact us