You are here:መነሻ ገፅ»ዜና

የኢትዮ-ምህዳር ጋዜጣ አዘጋጅ ይግባኝና አቤቱታ ዛሬ ይሰማል

Wednesday, 21 December 2016 14:16

የኢትዮጵያ ኦርቶዶክስ ተዋህዶ ቤተክርስቲያን በስም ማጥፋት ወንጀል ክስ ተመስርቶበት በአንድ ዓመት ቀላል እስራትና የ1 ሺህ 500 ብር የገንዘብ ቅጣት የተጣለበት የኢትዮ-ምህዳር ጋዜጣ ዋና አዘጋጅ፤ ይግባኝና አቤቱታን ለመስማት ዛሬ ፍርድ ቤት ይቀርባል።

በፌዴራሉ ከፍተኛ ፍርድ ቤት አራዳ ምድብ 6ኛ ወንጀል ችሎት ዛሬ ረቡዕ (ታህሳስ 12 ቀን 2009 ዓ.ም) ሲቀርብ ለችሎቱ በጠበቃው አማካኝነት ያቀረበው ይግባኝና አቤቱታ የሚታይበት ሲሆን፤ በጽሁፍ ባቀረበው አቤቱታም የይግባኙ ጉዳይ ታይቶ እስኪያልቅ ድረስ የስር ፍርድ ቤት የጣለበት የእስር ቅጣት ተገድቦ በውጪ ሆኖ እንዲከራከር የሚጠይቅ መሆኑን ሰምተናል።

ጋዜጠኛ ጌታቸው ወርቁን፤ ለእስር ቅጣት የዳረገው ታሪካዊው የእንጦስ ገዳም ፅላት በአርቴፊሻል ተቀይሯል፤ ጥንታዊ ብራና መፅሐፍትና የወርቅ ጽንሐት ወጥቷል፤ የስለትና የስጦታ የብርና የወርቅ ጌጣጌጦች በየመሸታ ቤቱ እየተሸጡ ነው እና አንዳንድ የቤተክርስትያኒቱ ሰዎች ከስነ-ምግባር ውጪ የሆነ ተግባር እየፈፀሙ ነው በሚል በሰራው ዘገባ እንደሆነ ይታወሳል፡፡ ያም ሆኖ ቤተክርስትያኗ ስሜን አጥፍቷል ስትል በመሠረተችው ክስ ማሸነፏን ዘግበን ነበር፡፡  የፌዴራሉ የመጀመሪያ ደረጃ ፍ/ቤት አራዳ ምድብ 6ኛ ወንጀል ችሎት የቀረቡለትን የሰውና የሰነድ ማስረጃዎች መርምሮ በጋዜጠኛው ላይ የአንድ ዓመት ቀላል እስራትና በ1ሺህ 500 ብር ቅጣት እንደጣለበት የሚታወስ ሲሆን፤ በኢትዮ-ምህዳር ሁለንታ ህትመትና ማስታወቂያ ኃ.የተ.የግ.ማኅበር ላይ ደግሞ የ10 ሺህ ብር የገንዘብ መቀጮን እንደጣለበት ይታወሳል።¾

ይምረጡ
(0 ሰዎች መርጠዋል)
315 ጊዜ ተነበዋል

Sendek Newspaper

Bole sub city behind Atlas hotel

Contact us