You are here:መነሻ ገፅ»ዜና

ኮማንድ ፖስቱ 9 ሺ 800 ተጠርጣሪዎችን በዛሬው ዕለት ከእስር ይለቃል

Wednesday, 21 December 2016 14:22

በአስቸኳይ ጊዜ አዋጁ መሠረት በኮማንድ ፖስቱ በቁጥጥር ስር ውለው ሥልጠና የተሰጣቸው 9 ሺህ 800 ተጠርጣሪዎች በዛሬው ዕለት ማለትም  ረቡዕ ታህሳስ 12 ቀን 2009 ዓ.ም እንደሚለቀቁና 2ሺ 449 ተጠርጣሪዎች ላይ ክስ እንደሚመሰረት ይፋ ሆነ።

የኮማንድ ፖስቱ ሴክሬታሪያትና የመከላከያ ሚኒስትሩ አቶ ሲራጅ ፈጌሳ ከትላንት በስቲያ በሰጡት መግለጫ በመጀመሪያው ዙር የተሰወሩ ተጠርጣሪዎችና አዋጁ ከወጣ በኋላ አዋጁን የተላለፉና በሁከት ውስጥ ያሉ አካላትን የመያዙ ተግባር መቀጠሉንና በዚህም መሠረት  በሁለተኛ ዙር 12 ሺህ 500 ተጠርጣሪዎች በቁጥጥር ስር መዋላቸውን ጠቁመዋል። በተጨማሪም 19 የተለያዩ የሽብር ቡድኖችም በቁጥጥር ስር ውለዋል ብለዋል።

በዛሬው ዕለት የሚለቀቁት ተጠርጣሪዎች ተገቢውን የተሀድሶ ሥልጠና የወሰዱና በተጠረጠሩበት ተግባር የተጸጸቱ መሆናቸውን ተናግረዋል።

ሆኖም ከሚለቀቁት ተጠርጣሪዎች መካከል የተቃዋሚ ፖለቲካ ፓርቲ አባላት የሆኑ ግለሰቦች መኖር ወይም ያለመኖራቸው ጉዳይ በተመለከተ ያሉት ነገር የለም።

የአስቸኳይ ጊዜ አዋጁ ወደ ተግባር ከገባ ጀምሮ ከህብረተሰቡ ጋር በመሆን በርካታ ስራዎች በመሰራታቸው የሃገሪቱ ሰላምና መረጋጋት በከፍተኛ ደረጃ መሻሻል የታየበት መሆኑን ኮማንድ ፖስቱ አስታውቋል። 

ይምረጡ
(1 ሰው መርጠዋል)
174 ጊዜ ተነበዋል

Sendek Newspaper

Bole sub city behind Atlas hotel

Contact us