You are here:መነሻ ገፅ»ዜና

ከ9 ሚሊዮን በላይ ዜጎች የአካባቢና ንጽህና አጠባበቅ ተጠቃሚ ይሆናሉ

Wednesday, 28 December 2016 13:57

የኤሊኖ ክስተትን ተከትሎ በተፈጠረው ጎርፍ እና የተለያዩ አደጋዎች ጉዳት የደረሰባቸውን ከዘጠኝ ሚሊዮን በላይ ኢትዮጵያዊያን በ2017 በንፅህና አጠባበቅ እና በአካባቢ ፅዳት ለማገዝ እቅድ መያዙን ወሽ ክላስተር ገለፀ።

 

ትኩረቱን በንጽህና ላይ አድርጎ የሚሰራው ዓለም አቀፉ ወሽ ክላስተር (waSH cluster) ባለፈው ሰኞ ባወጣው መግለጫ እንደጠቆመው በቀጣዩ የፈረንጆች ዓመት ለችግር የተጋለጡ 9 ነጥብ 2 ሚሊዮን ኢትዮጵያዊያንን በንጽህና አጠባበቅ እና አካባቢ ፅዳት ለማገዝ እቅድ አውጥቷል። ድርጅቱ እንደለገፀው የአየር ለውጥ ክስተቱን ተከትሎ በርካታ ሰዎች ከውሃ ጋር ለተያያዘ አጣዳፊ ተቅማጥ እና ለምግብ እጥረት ተጋልጠዋል፤ እንስሳትም ለበሽታ እና ለሞት ተጋልጠዋል። ይሄንን ከግምት ውስጥ በማስገባት ድርጅቱ አስፈላጊውን ዝግጅት ማድረጉን ገልጿል። በአሁኑ ወቅት ለችግር በተጋለጡ አካባቢዎች ያለው የውሃ ሀብት እየተመናመነ በመምጣቱ በርካታ የውሃ ጣቢያዎች አገልግሎት እየሰጡ እንዳልሆነ የገለፀው ድርጅቱ፤ ይህ ክስተት በቀጣዩ የፈረንጆች አመትም በተለይ በሀገሪቱ የምስራቅ እና ደቡብ አካባቢዎች ሊቀጥል ይችላል የሚል ስጋት እንዳለው ገልጿል። በመሆኑም ድርጅቱ አገልግሎት የማይሰጡ የውሃ ጣቢያዎችን በማበልፀግ፣ የአካባቢ ፅዳት እና ንፅህናን በማስፋፋት እንዲሁም አዳዲስ የውሃ ጉድጓዶችን በመቆፈር እና ውሃን በቀላል ዘዴ ማውጣት የሚቻልበትን ሁኔታ በማመቻቸት ረገድ በርካታ ስራዎችን የመስራት እቅድ እንዳለው ገልጿል።

 

በሀገሪቱ የአየር ለውጡ ከተከሰተበት ጊዜ ጀምሮ ድርጅቱ ዜጎችን ለመርዳት የውሃ ማከሚያ ኬሚካሎች ማሰራጨትን ጨምሮ በርካታ ስራዎችን መስራቱን ያስታወሰ ሲሆን፤ አገልግሎቶቹን በአካባቢው ማህበረሰብ ለመስጠት ይመቸው ዘንድም የተለያዩ የግንዛቤ እና የክህሎት ማስፋፊያ ስልጠናዎችን መስጠቱን ጠቅሷል። በዚህም መሠረት በርካታ ሰዎችን በስነ-ምግብ፣ በቤት አያያዝ፣ አመጋገብ፣ በመሬት አጠቃቀም ቴክኒክ እና መሰል ጉዳዮች ዙሪያ ማሰልጠኑን አስታውሷል።

ይምረጡ
(1 ሰው መርጠዋል)
42 ጊዜ ተነበዋል

Sendek Newspaper

Bole sub city behind Atlas hotel

Contact us