You are here:መነሻ ገፅ»ዜና

የብሔራዊ የደረቅ ጭነት ትራንስፖርት ማኅበራት ኅብረት ተቋቋመ

Wednesday, 28 December 2016 14:11

ታህሳስ 15 ቀን 2009 ዓ.ም በራስ ሆቴል የመስራች ጉባኤያቸውን ያደረጉት 46 የደረቅ ጭነት ትራስፖርት ማሕበራት በጋራ በመሆን የብሔራዊ የደረቅ ጭነት ትራንስፖርት ማሕበራት ሕብረት አቋቁመዋል።

በመስራች ጠቅላላ ጉባኤው ማሕበራቱን የሚመሩ አስራ አንድ የቦርድ አባሎች እና ሶስት የኦዲትና ኢንስፔክሽን ኃላፊዎችን መርጠዋል። በዚህ መሰረት አቶ ብርሐኔ ዘሩ የቦርድ ሊቀመንበር፣ አቶ መሰለ ሀጎስ ምክትል ሊቀመንበር ሲሆኑ አቶ ደረጀ ለገሰ የቦርዱ ፀሐፊ ሆነው ተመርጠዋል።

የኅብረቱ ዓላማ ተብለው በመተዳደሪያ ደንቡ ላይ የተዘረዘሩት፤ የመንግስት የትራንስፖርት ፖሊሲዎች፣ ሕጎች፣ ደንቦችና መመሪያዎች በኅብረቱ አባል ማኅበራት ዘንድ እንዲታወቁ፣ እንዲከበሩ፣ ማድረግና አስፈላጊ በሆነ ጊዜ ለአስቸኳይ ሃገራዊ ጥሪ ማኅበራትን ማስተባበር፤ አባል ማኅበራት ከልማዳዊ አሠራር እንዲላቀቁና ፈጣን የኢኮኖሚ እድገት አስከትሎ የመጣውን የሃገሪቱን ከፍተኛ የትራንስፖርት ፍላጎት ለማስተናገድ የሚያስችል ውስጣዊ አደረጃጀትና የማኔጅመንት አቅም እንዲኖራቸው ማስቻል፤ በአባል ማኅበራት ሥር የተደራጁት የግል የጭነት ተሽከርካሪ ባለንብረቶች እና ሠራተኞች ስለትራንስፖርት የንግድ እንቅስቃሴ ሥራና የትራፊክ ደህንነት የተሻለ ግንዛቤ እንዲኖራቸው ሥልጠናዎች እንዲያገኙና በጠንካራ የሥራ ዲሲፕሊን እየታገዙ ብቁና ተወዳዳሪ የጭነት ትራንስፖርት አገልግሎት እንዲያበረክቱ ማገዝ፤ በደረቅ ጭነት የትራንስፖርት ሥራ ዙሪያ ወቅታዊ የትራንስፖርት መረጃዎችን ማሰባሰብና ለአባል ማኅበራትና ለሌሎች አግባብነት ላላቸው አካላት ማሰራጨት፤ በአባል ማኅበራት መካከል አለመግባባት ቢፈጠር በግልግል ማስማማት፣ ለአባል የትራንስፖርት ማኅበራት የጋራ ችግሮች መፍትሄዎችን መሻት፣ መብትና ጥቅሞቻቸው በሕግ አግባብ ማስከበር፤ በአስጫኞችና በትራንስፖርት ማኅበራት እንዲሁም በሌሎች ባለድርሻ አካላት መካከል ገበያ መርህ መሠረት ጤናማ የጭነት ማጓጓዝ የሥራ ግንኙነት እንዲሰፍንና ደህንነቱ የተጠበቀ የትራንስፖርት ሥርዓት እንዲኖር ማድረግ ናቸው።  

የኅብረቱ የገቢ ምንጮችም፤ ከአባል ማኅበራት ለአባልነት መመዝገቢያ ከሚከፈል ክፍያ፤ አባል ማኅበራት በየዓመቱ ከሚከፍሉት ዓመታዊ የአባልነት ክፍያ፤ በጠቅላላ ጉባኤ በልዩ ሁኔታ የሚወሰኑ መዋጮዎች፤ ከባለ ድርሻ አካላት ወይም ከተለያዩ ተቋማት የሚገኙ እርዳታዎችና ስጦታዎች፤ የኅብረቱን የአስተዳደር ወጪዎችን ለመደጎም ከሚዘጋጁ ዝግጅቶች የሚገኙ ገቢዎች ናቸው።¾

ይምረጡ
(0 ሰዎች መርጠዋል)
89 ጊዜ ተነበዋል

Sendek Newspaper

Bole sub city behind Atlas hotel

Contact us