You are here:መነሻ ገፅ»ዜና

አዲስ የሆልቲካርቸርና የግብርና ኢንቨስትመንት ባለስልጣን መቋቋሙ እያነጋገረ ነው

Wednesday, 11 January 2017 13:59

የቀድሞዎቹን የሆልቲካርቸር ኤጀንሲ እና የግብርና ኢንቨስትመንት ኤጀንሲን በማጣመር የሆልቲካርቸርና የግብርና ኢንቨስትመንት ባለስልጣን መስሪያቤት ከታህሳስ 26 ጀምሮ መቋቋሙ ተገለጸ፡፡

አቶ ያቆብ ያላ የአዲሱ የሆልቲካርቸርና የግብርና ኢንቨስትመንት ባለስልጣን መስሪያቤት ዋና ዳሬክተር ተደርገው ተሹመዋል፡፡ በስራቸው ሶስት የም/ዋ ዳሬክተር ሹመቶች ይጠበቃሉ፡፡ እነሱም፣ ለሆልቲካርቸር፣ ለግብርና ኢንቨስትመንትና ለሪፎርም አስተዳደር ናቸው፡፡

በሆርቲካልቸር ኤክስፖርት ልማት ላይ የተሰማሩ ብዙ አልሚዎች ይህ ትኩረትን የሚበታትንና ከፍተኛ ችግር ሊያመጣ የሚችል ውህደት አደጋው ብዙ  እንደሆነ ስጋታቸውን እየገለጹ  ይገኛሉ፡፡ ይኽውም፣ በኤክስፖርት ልማት ዘርፍ ላይ ያተኮረን ዘርፍ ለሀገር ውስጥ ፍጆታና ለኢንዱስትሪ ግብዓትነት ምርት ከሚያቀርብ ዘርፍ ጋር ማወሀዱ፤ የካርጎና የአየር መንገድ ትራንስፖርት እንዲሁምበቀላሉ ለብልሽት የሚዳረጉ (Perishable) ምርቶችን ለማገዝ የማቀዝቀዣ ፋሲሊቲ መሰረተ ልማት በተሟላበት አካባቢ ላይ ተመሰርቶ የሚንቀሳቀስ የልማት ዘርፍን በየብስ አማራጭን ተጨማሪ ፋሲሊቲ ከሚፈልግ ዘርፋ ጋር ማዋሀዱ፤ ከፍተኛ ውጪን የሚጠይቅ ምርትን ትንሽ መሬት ላይ የሚያመርት ዘርፍን (ቢያንስ ከ20-50 ሄክታር) ማካናይዝድ የሆነ ምርትን ሰፊ በሆነ መሬት ላይ (ከ1000- 300 000 ሄክታር መሬት ላይ) ከሚያመርት ዘርፍን ጋር ማዋሃዱ፤ በቂ የስራ የእድልን የሚፈጥር ዘርፍ በቂ የስራ እድል ከማይፈጥር መካናይዝድ እርሻ ጋር በውጭ ቀጥተኛ ኢንቨሰትመንትና በተወሰነ የሀገር ውስጥ ብድር ላይ የተመሰረተ ዘርፍን ሙሉ በሙሉ በሀገር ውስጥ ብድር ላይ ካዘነበለ ዘርፍ ጋር ማወሀዱ፤ መሬትን ከክልሎች በመረከብ በውክልና በማስተዳደደር የብድር ኮላተራል ድጋፍ ከሚሰጥ ተቋም ጋር ከክልል ጋር ተቀናጅቶ አቅም ያለው ባለሀብትን  በማፈላለግና በመመልመል የብድር ኮላተራል ድጋፍ ከማይሰጥ ተቋም ጋር ማዋሀዱ፣ በሌላ በኩል፣ “እጅግ በችግር የተተበተበውን የኢትዮጵያ የግብርና ኢንቨስትመንት መሬት አስተዳደር ኤጀንሲ ችግር ለመፍታት በሚኒስትሮች ምክር ቤት ደንብ ቁጥር 152/2008 ከተቋቋሙት ከኢትዮጵያ ሆርቲካልቸር ልማት ኤጀንሲ ጋር ማወሀድ መጥፎን በሽታ ከታማሚ ወደ በሽተኛ እንደማስተላለፍ የሚቆጠር ነው” በማለት አንዳንድ በሆርቲካልቸር ኤክሰፖርት ልማት የተሰማሩ ኩባንያ ባለቤቶች  በአደባባይ እየተናገሩ ነው፡፡

የሆርቲካልቸር ልማትና ኮሜርሺያል እርሻዎች ባለስልጣን ደረጃ እንዲቋቋም የተፈለገበት ምክንያት መነሻ ለብዙዎች ግራ የሚያጋባ መሆኑን አስረድተዋል፡፡ ይኽውም፣ መንግስት ከድጋፍ  አሰራር (ከኤጀንሲ) ወደ ቁጥጥር አሰራር (ባለስልጣን) ለመግባት ፈልጎ እንደሆነና፤ ይህ ደግሞ ከ 1652  ሄክታር በማይበልጥ የመሬት ስፋት ላይ የሆርቲካልቸር ሰብሎችን አምርቶ ከ75 በመቶ በላይ ለውጭ ገበያ በማቅረብና በሀገራችን ውስጥ በ4ኛ ደረጃ የውጭ ምንዛሪን በማስገኘት በስራ እድል ፈጠራ አሰገራሚ ውጤት  በመምጣት /በሄክታር 25 ሰው የስራ እድልን በመፍጠር/ በአጭር ጊዜ ውስጥ የደረሰውን የጨቅላ የሆርቲካልቸር ኢንዱስትሪ (INFANT INDUSTRY) ልማት ጠቀሜታ ግንዛቤ ውስጥ ሳያስገባ የተደረገ ጭፍን እርምጃና የዘርፉን አለም አቀፍ ተወዳዳሪነት ገደል የሚከት እንደሆነ፤ መንግስት በውስን መሬት ላይ የሀገሪቱን የውጭ ምንዛሪ ግኝትን በከፍተኛ ደረጃ  ለማሳደግና በቂ የስራ እድልን ለሚፈጥር ከክልል ጋር በተሳለጠ መልኩ በክልል ቦርድ በቅንጅት ተወስኖ የሚፈጸመው የሆርቲካልቸር ኤክስፖርት ልማት  አሰራር ለሆርቲካልቸር ኤክስፖርት ልማት ዘርፍ ከፍተኛ ትኩረት ሰጥቻለው እያለ በሚገኝበት ሁኔታ ከመጠን ያለፈ ሰፊ መሬትን ይዞና ለዜጎች በቂ የስራ እድል መፍጠር ከተሳነው የኢትዮጵያየግብርናኢንቨስትመንትመሬትአስተዳደርኤጀንሲ ጋር መዋሀዱ መነሻው ብቻ ሳይሆን ውጤቱም አነጋጋሪ ሆኗል፡፡

ይምረጡ
(0 ሰዎች መርጠዋል)
289 ጊዜ ተነበዋል

Sendek Newspaper

Bole sub city behind Atlas hotel

Contact us