You are here:መነሻ ገፅ»ዜና

አቶ ተፈራ ደርበው የኢትዮ-ቴሌኮም ቦርድ ሰብሳቢ ሆነው ተሾሙ

Wednesday, 08 February 2017 14:14

አቶ ተፈራ ደርበው የኢትዮ-ቴሌኮም የቦርድ ሰብሳቢ ሆነው በመገናኛና ኢንፎርሜሽን ቴክኖሎጂ ሚኒስትሩ በዶ/ር ደብረጽዮን ወ/ሚካኤል ተሾሙ፡፡

አቶ ተፈራ ደርበው በጠቅላይ ሚኒስትር ጽ/ቤት በተዋቀረው አዲስ አደረጃጀት በዴሞክራሲ ሥርዓት ግንባታ ማስተባበሪያ ማዕከል የፖለቲካ ፓርቲዎችና ሲቪል ማህበራት ጉዳዮች አስተባባሪ ሆነው በጠቅላይ ሚኒስትር ኃ/ማሪያም ደሳለኝ ደብዳቤ ጥቅምት 22 ቀን 2009 ዓ.ም. መሾማቸው የሚታወስ ነው፡፡

እንዲሁም በቀድሞ የእርሻና የተፈጥሮ ሐብት ሚኒስቴር ሚኒስትር በመሆን አገልግለዋል፡፡ የዓለም የምግብ ድርጅት ፋኦ አቶ ተፈራ ደርበው በግብርና ዘርፍ ላበረከቱት አስተዋፅኦ ከፍተኛ ሽልማት ያበረከተላቸው መሆኑ ይታወሳል፡፡ 

አቶ ተፈራ ደርበው ከጥር 1 ቀን 2009 ዓ.ም ጀምሮ የቦርዱን ሥራዎች ማከናወን እንደጀመሩ ተገልጿል፡፡

የቀድሞ ኢትዮ-ቴሌኮም ቦርድ ሰብሳቢና የሥራና የከተማ ልማት ሚኒስትር የነበሩት አቶ መኩሪያ ኃይሌ የጠቅላይ ሚኒስትሩ አማካሪ ተደርገው ከቦታቸው መነሳታቸው የሚታወስ ነው፡፡ በአሁን ሰዓት አቶ መኩሪያ ኃይሌ በደቡብ ኮሪያ የፒ.ኤች.ዲ ትምህርታቸውን እየተከታተሉ መሆኑ ይታወቃል፡፡¾

ይምረጡ
(3 ሰዎች መርጠዋል)
722 ጊዜ ተነበዋል

Sendek Newspaper

Bole sub city behind Atlas hotel

Contact us