You are here:መነሻ ገፅ»ዜና

የኢትዮጵያ የኮንስትራክሽን ሥራ ተቋራጮች ማህበር 25ኛ ዓመቱን ያከብራል

Wednesday, 15 February 2017 13:19

የኢትዮጵያ ኮንስትራክሽን ሥራ ተቋራጮች ማህበር የተመሰረተበትን 25ኛ ዓመት የብር ኢዮበልዩ ክብረ በዓል ሀሙስ የካቲት 9 ቀን 2009 ዓ.ም በሸራተን አዲስ ሆቴል ያከብራል። ማህበሩ በዚሁ እለት ጠቅላላ ጉበኤውን የሚያካሂድ መሆኑንም የማህበሩ የቦርድ ሊቀመንበር ኢነጂነር አበራ በቀለ ለሰንደቅ ገልፀዋል።

 

በዕለቱም የማህበሩን የ25 ዓመታት ጉዞ የሚያሳይ ፊልምና አጠር ያለ የዳሰሳ ጥናት ለታዳሚ እንግዶችና ለማህበሩ አባላት የሚቀርብ መሆኑ ታውቋል። ማህበሩ ቀደም ብሎ በተለያዩ ፕሮግራሞች የተመሰረተበትን 25ኛ ዓመት ሲያከብር የቆየ ሲሆን የሀሙሱ ፕሮግራምም የማጠቃለያው ፕሮግራም መሆኑን ኢንጂነር አበራ ጨምረው ገልፀውልናል። ከዚሁ ጋር በተያያዘም ማህበሩ እውቅና የሚሰጣቸው አጋር ድርጅቶች መኖራቸውም ታውቋል። ማህበሩ በይፋ የተቋቋመው በ1984 ዓ.ም ሲሆን በአሁኑ ሰዓት ወደ 1632 የሚሆኑ አባላትን አቅፏል።

 

የኢትዮጵያ ኮንስትራክሽን ሥራ ተቋራጮች ማኅበር በኮንስትራክሽን ኢንዱስትሪው ዘርፍ እየተንቀሳቀሱ ያሉ ሙያተኞችንና የኢንዱስትሪው ተዋንያንን በጥላነት ያቀፈ ማህበር ነው። ማህበሩ ከዚህም በተጨማሪ በኮንስትራክሽኑ መስክ በሚወጡ አዳዲስ ህጎችና ደንቦች ዙሪያ  የራሱን ሙያዊ አስተያየቶች በመስጠት ለክፍለ ኢኮኖሚው እድገት የራሱን ሚና ሲጫወት ቆይቷል። ከዚህም በተጨማሪ ባለፉት 25 ዓመታት የአባላቱን ቅሬታዎችና ችግሮች እንደዚሁም በሥራ ላይ የሚታዩ ሳንካዎችን እየሰበሰበ ለሚመለከተው አካል በማቅረብ የመፍትሄ ሀሳቦች የሚገኙበት መንገዶችንም ሲያመቻች የቆየ መሆኑን ከማህበሩ ያገኘነው መረጃ ያመለክታል።

ይምረጡ
(0 ሰዎች መርጠዋል)
351 ጊዜ ተነበዋል

Sendek Newspaper

Bole sub city behind Atlas hotel

Contact us