You are here:መነሻ ገፅ»ዜና

ኤርትራ ለግብፅ ወታደራዊ ጦር ሰፈር ለመስጠት ፈቀደች

Wednesday, 19 April 2017 12:25

 

የቀይ ባሕር አፋር ዴሞክራቲክ ድርጅት፤ የኤርትራ መንግስት በኤርትራ ግዛት ውስጥ ለግብፅ ወታደራዊ ጦር ሰፈር እንድትገነባ ፈቃድ መስጠቷን አስታውቋል።

የሱዳን ትሪቡን በድረ ገጽ የቀይ ባሕር አፋር ከፍተኛ ኃላፊን በመጥቀስ እንደዘገበው፣ አስመራ ለካይሮ በኖራ ቀበሌ በዳህላክ ደሴት አካባቢ የጦር ሰፈር ላልተወሰነ ጊዜ መፍቀዷን አጋልጧል።

ባሳለፍነው ሳምንት ከፍተኛ የግብፅ ልዑካን አስመራን መጎብኘቱ ታውቋል። ከ20ሺ እስከ 30ሺ የሚደርሱ የግብፅ የባህር ሃይሎች በቅርቡ በወታደራዊ ጦር ሰፈር እንደሚሰፍሩ ይጠበቃል።

አስመራ ከዚህ ቀደምም የአሰብ ወደብን ለሳዑዲ ዓረብያ እና ለተባበሩት ዓረብ ኤምሬቶች በሊዝ ማከራየቷ የሚታወስ ነው።

የኢትዮጵያ መንግስት ለመካከለኛ ምስራቅ ሀገሮች በተደጋጋሚ አስመራ ኢትዮጵያን ለማተራመስ የያዘችውን አጀንዳ ለማገዝ የሚደረግ ማንኛውም ፖለቲካዊ ሆነ ወታደራዊ ጥረት ዋጋው የከፋ መሆኑን መናገሩ የሚዘነጋ አይደለም።

ግብፅ ከዚህ ቀደም በሞቃድሾ፣ በሶማሌላንድ እና በጅቡቲ ወታደራዊ ጦር ሰፈር ለመገንባት ያደረገችው እንቅስቃሴ ውጤት አልባ መሆኑ ይታወቃል።

የግብፅ መንግስት በቀንዱ ሀገሮች የሚያደርገው እንቅስቃሴ ከኢትዮጵያ የሕዳሴ ግድብ ሥራዎችን ከመተናኮል አንፃር እንደሆነ አጠቃላይ ግንዛቤ አለ። በሌላ መልኩም ትርጉም የሌለው እንቅስቃሴ በማድረግ የኢትዮጵያ ሕዝብ እና መንግስትን የመረበሽ ሥራዎች እንደሚሰሩ ይጠበቃል።

በዚህ ጉዳይ የኢትዮጵያ የውጭ ጉዳይ ሚኒስትር ቃል አቀባይን ለማነጋገር ያደረግነው ጥረት አልተሳካም።¾

ይምረጡ
(3 ሰዎች መርጠዋል)
790 ጊዜ ተነበዋል

Sendek Newspaper

Bole sub city behind Atlas hotel

Contact us