You are here:መነሻ ገፅ»ዜና

የሳዑዲ አረቢያ መንግስት በህጋዊ ነዋሪዎች ላይ ሕግ አወጣ

Wednesday, 09 August 2017 12:41

 

-    ህጉ በነዋሪዎች ላይ ጫና ያሳድራል ተብሏል

 

የሳዑዲ አረቢያ መንግስት ያለህጋዊ ሰነድ በሀገሪቱ የሚኖሩ ዜጎች እንዲወጡ ያወጣውን የምህረት አዋጅ የሚታወስ ሲሆን በቅርቡም ህጋዊ ነዋሪዎችን የሚመለከት ህግ ያወጣ መሆኑ ታውቋል። ህጉ በህጋወዊ ነዋሪዎች ላይ ጫናን በማሳደር በራሳቸው ፍላጎት ሀገሪቱን ለቀው እንዲወጡ የሚያሳድር ነው ተብሏል።

በጄዳ የሚገኘው የኢትዮጵያ ቆንስላ ፅህፈት ቤት መረጃ እንዳመለከተው ከሆነ ህጉ ጥገኞች እያለ በሚጠራቸው ህጋዊ ነዋሪዎች ላይ ለእያንዳንዱ የቤተሰብ አባል በየዓመቱ ከ1 ሺህ 2 መቶ ሪያል ጀምሮ እያደገ በመሄድ እስከ 4 ሺህ 8 ሪያል የሚደርስ ግብር መክፈልን ያስገድዳል። ይሄው ህግ ለእያንዳንዱ ቤተሰብ አባል የመኖሪያ ፈቃድ ለማደስ ከሚከፈለው ገንዘብ በተጨማሪም የኢንሹራንስ ክፍያንም ጭምር እንዲከፈል የሚያስገድድ መሆኑ ታውቋል።

መንግስት ከዚህም በተጨማሪ በፍጆታ ዕቃዎች ላይ ጭምር ታክስ በመጣሉ በገቢ ለመተዳደርም አስቸጋሪ ሁኔታዎችን የሚፈጥር መሆኑን መረጃዎች ያመለክታሉ።በዚያ በጅዳ የሚገኘው የኢትዮጵያ ቆንስላ ፅህፈት ቤት በዚሁ ዙሪያ በሳዑዲ የሚገኙ ህጋዊ ነዋሪዎችን ከሰሞኑ ያወያየ መሆኑ ታውቋል።በዚሁ ዙሪያ አስተያየቶቻቸውን የሰጡ ተሰብሳቢዎች አዋጁ የመኖር አቅማቸውን የሚፈትን መሆኑን ገልፀዋል።

 እንደ ቆንስላ ፅህፈት ቤቱ መረጃ ከሆነ ከዚሁ ህግ ጋር በተያያዘ አንዳንዶች የመመለስ ፍላጎትን ያሳዩ ሲሆን ይሁንና ለመመለስ ግን የተለያዩ ጥያቄዎችን አንስተዋል። ነዋሪዎቹ አነሷቸው ከተባሉት ጥያቄዎች መካልም “መኪና ከቀረጥ ነፃ እንድናስገባ ትብብር ይደረግልን፣ከአገር ከወጣን ረዥም ጊዜ ስለሆንና ሄደንም የምንገባት ስለሌለ የቤት መሥሪያ ቦታ ይመቻችልን” የሚሉት የሚገኙበት መሆኑን የቆንስላ ፅህፈት ቤት መረጃ ያመክታል።¾

ይምረጡ
(2 ሰዎች መርጠዋል)
193 ጊዜ ተነበዋል

Sendek Newspaper

Bole sub city behind Atlas hotel

Contact us