You are here:መነሻ ገፅ»ዜና

የእሳት ቃጠሎ ለማድረስ የሞከረችው ግለሰብ በጽኑ እስራት ተቀጣች

Wednesday, 16 August 2017 11:51

ተከሳሽ ድንቅነሽ በየነ ኦማ በንፋስ ስልክ ላፍቶ ክፍለ ከተማ ወረዳ 2 ክልል ልዩ ቦታው ጀርመን አደባባይ አካባቢ ሰኔ 15 ቀን 2009 ዓ.ም በግምት ከለሊቱ 9፡00 ሰዓት አካባቢ የኢ.ፌ.ዴ.ሪ የወንጀል ህግ አንቀጽ 27/1/ እና 494/1/ ስር የተመለከተውን በመተላለፍ ፍርድ ቤት ተከሳ ቀርባለች።

የክሱ ዝርዝር መረጃ እንደሚያመለክተው ተከሳሽ ወንጀሉን የፈጸመችው የግል ተበዳይ አለነ ዘላለም እና ጓደኞቻቸው ስራ ተቋራጭ ህብረት ሽርክና ማህበር ንብረት የሆነውን አጠቃላይ የዋጋ ግምቱ 25.450 /ሃያ አምስት ሺ አራት መቶ ሃምሳ/ ብር የሆነውን ንብረት ለማቃጠል አስባ ጋዝ በማርከፍከፍ በክብሪት ልታቃጥል ስትል በመያዟ በፈጸመችው የእሳት ቃጠሎ ማድረስ ሙከራ ወንጀል ተከሳ በህግ ጥላ ስር እንደዋለች የወንጀል ዝርዝር ሁኔታው ያስረዳል።

ከሳሽ  የፌዴራል ዐቃቤ ህግ  በተከሳሽ ላይ 2 የሰው ምስክሮችን ያቀረበ ሲሆን ተከሳሽ በሰራችው ወንጀል ጥፋተኛ ተብላለች። ፍርድ ቤቱም ዐቃቤ ህግ ያቀረበለትን  ክስ ተቀብሎ ተከሳሽ እንድትከላከል ብይን ቢሰጥም ተከሳሽ መከላከል አልቻለችም።

በመሆኑም ፍርድ ቤቱ  ሀምሌ 21 ቀን 2009 ዓ.ም በዋለው የፌደራል የመጀመርያ  ደረጃ ፍርድ ቤት ንፋስ ስልክ ላፍቶ ክፍለ ከተማ ምድብ ጽ/ቤት ወንጀል ችሎት ተከሳሽ ጥፋተኛ በተባለችበት የእሳት ቃጠሎ ማድረስ ሙከራ ወንጀል 3 ዓመት ከ5 ወር ፅኑ እስራት  እንድትቀጣ ወስኖባታል ሲል የፌዴራል ጠቅላይ ዐቃቤ ህግ የህዝብ ግንኙነትና የኮሙኒኬሽን ጉዳዮች ዳይሬክቶሬት የላከልን ዜና ያስረዳል።¾

ይምረጡ
(2 ሰዎች መርጠዋል)
95 ጊዜ ተነበዋል

Sendek Newspaper

Bole sub city behind Atlas hotel

Contact us