You are here:መነሻ ገፅ»ዜና

የኢትዮጵያ አየር መንገድ የበረራ የዋይፋይ አገልግሎት ሊሰጥ ነው

Wednesday, 06 September 2017 13:27

የኢትዮጵያ አየር መንገድ በበረራ ወቅት መንገደኞች የሚጠቀሙበትን የዋይፋይ አገልግሎትን ለመስጠት በዝግጅት ላይ መሆኑን የአየር መንገዱ አለም አቀፍ አገልግሎቶች ማኔጂግ ዳይሬክተር አቶ ኢሳያስ ወልደማርያም አመልክተዋል።

 እንደ አቶ ኢያሳያስ ገለፃ አውሮፕላኖቹ ከመጀመሪያው ሲሰሩ መሰል ቴክኖሎጂን መጠቀም በሚያስችላቸው ደረጃ የተሰሩ መሆኑን አመልክተው፤ ይህም በቀጣይ አገልግሎቱን በቀላሉ ለማስጀመር ያስችላል ብለዋል።

 ይህም አየር መንገዱን ይህንን አገልግሎት ከሚሰጡ ሌሎች አየር መንገዶች ጋር ተወዳዳሪ የሚያደርገው ይሆናል ተብሏል። ይህ ብቻም ሳይሆን ተጓዦች በአውሮፕላን ውስጥ ካሉት ሌሎች መዝናኛዎች በተጨማሪ የዋይፋይ አገልግሎቱም ተጨማሪ መዝናኛና መረጃ መለዋወጫም ከመሆን ባሻገር የቢዝነስ ተጓዦች በየትኛውም ቦታ ሆነው በጉዞ ላይ እያሉ ሥራቸውን ለመስራት የሚያመቻቸው መሆኑን አቶ ኢሳያስ ጨምረው አመልክተዋል። ከዚሁ ጋር በተያያዘ ቴክኖሎጂውን ከሚያቀርብ ኩባንያ ጋር ውይይትና ድርድር እየተካሄደ ነው ተብሏል። በዚህም ሁሉም የአየር መንገዱ አውሮፕላኖች በቀጣይ የዋይፋይ አገልግሎት እንዲያገኙ የሚደረግ መሆኑ ታውቋል።¾

ይምረጡ
(1 ሰው መርጠዋል)
88 ጊዜ ተነበዋል

Sendek Newspaper

Bole sub city behind Atlas hotel

Contact us