You are here:መነሻ ገፅ»ዜና

ዋና ኦዲተሩ በአጥፊዎች ላይ እርምጃ እየተወሰደ አይደለም አሉ

Wednesday, 13 September 2017 12:04

የፌዴራል ዋና ኦዲተር አቶ ገመቹ ዱቢሶ በፌዴራል መ/ቤቶች ከኦዲት ግኝት ጋር ተያይዞ ሕጋዊ እርምጃ በወቅቱ ባለመወሰዱ ስህተቶቹ በተደጋጋሚ እንደሚታዩ ተናገሩ፡፡

ዋና ኦዲተሩ ሰሞኑን ለንባብ ከበቃው «ዘመን» መጽሔት ጋር ባደረጉት ቃለምልልስ «የኦዲት ግኝት ማለት ካሉ ሕጎች፣ አዋጆችና መመሪያዎች ውጪ የተደረጉ ነገሮች ናቸው፡፡ ምክንያቶች ቢኖሩ እንኳን ተቀባይነት ያላቸው ምክንያቶች አይሆኑም፡፡ ስለዚህ ይህን ጉድለት የፈጸሙ መቀጣት አለባቸው፡፡ እነዚህ ግድፈቶች የሚያሳዩት ብሩ በሰው እጅ መግባቱን ነው» ብለዋል፡፡

አያይዘውም በፈጸሙት ድርጊት እርምጃ ያልተወሰደባቸው አካላት «ምን እሆናለሁ፣ እገሌ ምን ሆነ፣ አምናም ካቻምናም አድርጌዋለሁ፣ ምንም አልተደረኩም» በሚል በሕገወጥ ተግባራቸው እንደሚቀጥሉበት የጠቆሙት አቶ ገመቹ በአጥፊዎች ላይ  «እርምጃ መውሰድ ያስፈልጋል» ሲሉ መክረዋል፡፡

የዋና ኦዲተር መ/ቤት በግንቦት ወር 2009 ዓ.ም ለፓርላማው ባቀረበው የ2008 የፌዴራል የመንግሥት ተቋማት የሂሳብ ሪፖርት የሚያመለክተው በ113 መ/ቤቶች 5 ነጥብ 3 ቢሊየን ብር በወቅቱ ሳይወራረድ መገኘቱን ነው፡፡ ሪፖርቱ እንዲህ ይላል «በሚኒስትሮች ምክር ቤት የፋይናንስ አስተዳዳር ደንብ ቁጥር 190/2002 አንቀጽ 32 እስከ 35 በተደነገገው መሠረት የሰነድ ሂሳብ በወቅቱ መወራረዱ ሲጣራ 113 /ቤቶችና 28 //ቤቶች ብር 5 ቢሊየን 262 ሚሊየን 275 ሺህ 550 ብር ከ73 ሳንቲም በደንቡ 6 መሠረት በወቅቱ ሳይወራረድ ተገኝቷል፡፡ ከዚህ ውስጥ ብር 375 ሚሊየን 557 ሺህ 284 ብር ከ38 ሳንቲም  6 /ቤቶችእና 6 //ቤቶች ከመቼ ጀምሮ በተሰብሳቢነት እንደተመዘገበ፤ ከማን እንደሚሰበሰብ በቂ ማስረጃ ሊቀርብለት ያልቻለ ሂሳብ በመሆኑ ትክክለኛ ነቱን ማረጋገጥ ያልተቻለ ተሰብሳቢ ሂሳብ ተገኝቷል፡፡

ከዚህ ውዝፍ ተሰብሳቢ ሂሳብ ውስጥ ከፍተኛው ንድርሻ የያዙት፤ የብሔራዊ አደጋ ሥጋትና ሥራ አመራር ኮሚሽን ብር 2 ቢሊየን 388 ሚሊየን 942 ሺህ ከ192 ብር ከ66 ሳንቲም፤ አዲስ አበባ ዩኒቨርሲቲ ብር 720 ሚሊየን 059 ሺህ 425 ብር ከ92 ሳንቲም፤ የአዲስ አበባ ሳይንስና ቴክኖሎጂ ዩኒቨርስቲ ብር 461 ሚሊየን 024 ሺህ 828 ብር ከ37 ሳንቲም፤ የመንግስት ግዥና ንብረት ማስወገድ አገልግሎት ብር 352 ሚሊየን 267 ሺህ 320 ብር ከ48 ሳንቲም፣ የሀገር መከለከያ ሚኒስቴር ብር 172 ሚሊየን 017 ሺህ 623 ብር ከ31 ሳንቲም፤ የኢትዮጵያ ብሮድካስቲንግ ኮርፖሬሽን ብር 122 ሚሊየን 357 ሺህ 333 ብር ከ28 ሳንቲም፤ በእርሻና ተፈጥሮ ሀብት ሚኒስቴርና በሥሩ ባሉት 7 ተጠሪ ተቋማት ብር 120 ሚሊየን 806 ሺህ 110 ብር ከ43 ሳንቲም፤ ገቢዎችና ጉምሩክ ባለስልጣን ዋና/ቤት ብር 119 ሚሊየን 048 ሺህ 306 ብር ከ24 ሳንቲም፣ ደብረብርሃን ዩኒቨርሲቲ ብር 108 ሚሊየን 320 ሺህ 687 ብር ከ31 ሳንቲም፤ የትምህርት ሚኒስቴር ብር 82 ሚሊየን 078 ሺህ 962 ብር ከ89 ሳንቲም፣ የከተማ ልማትና ቤቶች ሚኒስቴር እና ሶስት ተጠሪ ተቋማት ብር 57 ሚሊየን 915 ሺህ 537 ብር ከ72 ሳንቲም እና ሀገር አቀፍ የትምህርት ምዘናና ፈተናዎች ኤጀንሲ ብር 55 ሚሊየን 650 ሺህ 002 ብር ከ 47 ሳንቲም ይገኙበታል፡፡

ከእነዚህ ተቋማት መሪዎች አንዳንዶቹ ለፈጸሙት የኦዲት ጉድለት ምንም ሳይጠየቁ በሹመት ከቦታቸው ዞር እንዲሉ እየተደረገ መሆኑ አነጋጋሪ ጉዳይ ሆኖ መሰንበቱ የሚታወስ ነው፡፡

ይምረጡ
(0 ሰዎች መርጠዋል)
287 ጊዜ ተነበዋል

Sendek Newspaper

Bole sub city behind Atlas hotel

Contact us