You are here:መነሻ ገፅ»ዜና

የቴሌኮም ማጭበርበርን ሊከላከል የሚችል ሥርዓት መዘርጋቱን ኢትዮቴሌኮም አስታወቀ

Wednesday, 20 September 2017 12:25

ከቴሌኮም ማጭበርበር ጋር በተያያዘ ሀገሪቱ በብዙ መቶ ሚሊዮን ብሮችን የምታጣ ሲሆን ኢትዮቴሌኮም ሰሞኑን እንዳስታወቀው ከሆነ ኩባንያው ይሄንን የቴሌኮም ማጭበርበር ሥራን ሊከላከል የሚያስችለው ቴክኖሎጂን ሲስተምን በቅርቡ   ዘርግቷል።

 ኩባንያው በቅርቡ የሞባይል ቀፎዎች በኔትወርኩ ውስጥ ሊሰሩ የሚችሉት በራሱ ኔትወርክ ውስጥ የተመዘገቡ ሲሆኑ ብቻ የሚያደርግ ቴክኖሎጂን ይፋ ያደረገ ሲሆን፤ አሁን ወደ ሥራ የገባውም የቴሌኮም ማጭበርበር መቆጣጠሪያ ሥርዓትም ከዚሁ ቴክኖሎጂ ጋር የተያያዘ መሆኑን የኢትዮቴሌኮም የህዝብ ግንኙነት ኃላፊ አቶ አብዱራሂም አህመድ ለሰንደቅ ገልፀዋል።

 በዚሁ ዙሪያ ማብራሪያ ተጨማሪ ማብራሪያ የሰጡን በመገናኛና ኢንፎርሜሽን ቴክኖሎጂ ሚኒስቴር የስታንዳርድና ሬጉላቶሪ ዳይሬክተር ዶክተር ባልቻ ሬባ በበኩላቸው ከውጭ የሚደወሉ ስልኮችን ወደ ሀገር ውስጥ ጥሪ በመቀየር ሀገሪቱ ከአለም አቀፍ ጥሪ ማግኘት የሚገባትን ገቢ የሚያሳጡ ግለሰቦች በአዲሱ ቴክኖሎጂ ሙሉ በሙሉ ማስወገድ ባይቻል እንኳን ትርጉም በማይሰጥ ደረጃ እንዲዳከሙ ማድረግ ያስችላል። እንደ እሳቸው ገለፃ በዚህ የማጭበርበር ሥራ ውስጥ የተሰማሩ ግለሰቦችና ቡድኖች በርካታ ሲሞችን በአንድ ጊዜ በመቀበል ይሄንኑ አለም አቀፍ ጥሪን ወደ ሀገር ውስጥ ጥሪ ለመቀየር የሚያስችሉና ሲም ቦክስ በመባል የሚታወቁ ማሽኖችን በመጠቀም ነው። አዲሱና አሁን በሥራ ላይ ያለው ቴክኖሎጂ ግን ይህንን የቴሌኮም የማጭበርበር ድርጊት በከፍተኛ ደረጃ በመቆጣጠር ሀገሪቱ ከአለም አቀፍ ጥሪ ማግኘት የሚገባትን ትክክለኛ ገቢ እንድታገኝ የሚያደርጋት መሆኑን ዶክተር ባልቻ ጨምረው አመልክተዋል።¾

ይምረጡ
(0 ሰዎች መርጠዋል)
95 ጊዜ ተነበዋል

Sendek Newspaper

Bole sub city behind Atlas hotel

Contact us