You are here:መነሻ ገፅ»ዜና

የአሜሪካ መንግሥት ግጭቱ እንዲረግብ ምክሩን ለገሠ

Wednesday, 20 September 2017 13:24

 

ተቀማጭነቱ በአዲስ አበባ የሆነው የዩናይትድ ስቴትስ አሜሪካ ኤምባሲ ትላንት ባወጣው መግለጫ በኦሮሚያ እና በሶማሌ ክልሎች ሰሞኑን የተከሰተው ግጭት እንዳሳሰበው በመጥቀስ የኢትዮጵያ መንግሥት በአጥፊዎች ላይ ሕጋዊ እርምጃ እንዲወስድ መከረ።

ኤምባሲው አያይዞም በኦሮሚያ እና ሶማሌ አዋሳኝ አካባቢዎች በተለይም በሐረርጌ  የጎሳ ግጭትን እና የበርካታ ሰዎችን መፈናቀል አስመልክቶ በሚወጡ አሳሳቢ ዘገባዎች ተረብሸናል፤ ብሏል። 

በመሆኑም የኢትዮጵያ መንግሥት ግጭቱን ግልጽ በሆነ አካሄድ እንዲያጣራ እና አጥፊዎችን ተጠያቂ እንዲያደርግ እንጠይቃለን። በተመሳሳይ ሁኔታ፤ ግጭቱ በተከሰተባቸው አካባቢዎች የሚኖሩ የኅብረተሰብ ክፍሎች ለችግሩ ሰላማዊ መፍትሔ እንዲሹ መበረታታት ይኖርባቸዋል ሲል አስተያየቱን በመግለጫው አስፍሯል። 

ኢትዮጵያ ጠንካራ፤ የበለጸገች እና ዴሞክራሲያዊት ሀገር መሆን የምትችለው፤ ግልጽና ሁሉን አቀፍ የፖለቲካ ውይይት፤ ግልጽ የመንግሥት አሰራር፤ እንዲሁም የዴሞክራሲ እና የፍትህ ተቋማትን ማጠናከር ስትችል እንደሆነ እናምናለን ያለው መግለጫው  የሰሞኑ ሁነቶች በተጠቀሱ ዘርፎች ይበልጥ ፈጣን እና ተጨባጭ ለውጥ አስፈላጊ እንደሆነ አመላካች ናቸው በማለት መግለጫውን አጠቃሏል።¾

ይምረጡ
(0 ሰዎች መርጠዋል)
237 ጊዜ ተነበዋል

Sendek Newspaper

Bole sub city behind Atlas hotel

Contact us