You are here:መነሻ ገፅ»ዜና

ጠቅላይ ሚኒስትሩ አወዛጋቢ ሹመት በድጋሚ ሰጡ

Wednesday, 20 September 2017 13:27

·           የመንግሥት ቃል አቀባይ የሥልጣን ወሰን አለመግባባት እንዳያስከትል ተሰግቷል

 

 

NewsNews2ጠቅላይ ሚኒስትር ኃ/ማሪያም ደሳለኝ ለጽ/ቤታቸው በሚኒስትር ማዕረግ የሚዲያና ሕዝብ ግንኙነት ዴሊቨሪ ዩኒቲ ለተባለ ዘርፍ አወዛጋቢ ሹመት ሰጡ።

በጠቅላይ ሚኒስትሩ በሹመት ደብዳቤያቸው ላለፈው አንድ ዓመት በመንግሥት ኮምኒኬሽን ጉዳዮች ጽ/ቤት ሚኒስትር ዴኤታ በመሆን ሲያገለግሉ የነበሩትን አቶ ዛዲግ አብርሃ ከመስከረም 1 ቀን 2ዐ1ዐ ዓ.ም  ጀምሮ በሚኒስትር ማዕረግ የጠቅላይ ሚኒስትሩ የሚዲያና ሕዝብ ግንኙነት ዴሊቨሪ ዩኒት ኃላፊ ሆነው መሾማቸውን የጠቅላይ ሚኒስትር ፅሕፈት ቤት ለመገናኛ ብዙሃን ይፋ አድርጓል።

የመንግስት ኮሚኒኬሽን ጉዳዮች ጽ/ቤት ሚኒስትሩ የጠቅላይ ሚኒስትሩ እና የሚኒስትሮች ምክር ቤት ቃል አቀባይ መሆናቸው በሕግ ተደግጎ እያለ፣ መስሪያቤቱ በሕግ ሳይፈርስ ተመሳሳይ ሥራዎች የሚሰራ የሚዲያና ሕዝብ ግንኙነት ዴሊቨሪ ዩኒቲ ማቋቋማቸው የሹመቱን አወዛጋቢነት ይበልጥ ከፍ አድርጓታል።

ከዚህ በፊት በመንግስት ኮሚኒኬሽን ጉዳዮች ጽ/ቤት ሚኒስትር በነበሩት በአቶ ሬድዋን ሁሴን እና የጠቅላይ ሚኒስትሩ የሚዲያና ሕዝብ ግንኙነት ኃላፊ በኋላም አማካሪ በነበሩት በአቶ ጌታቸው ረዳ መካከል የቃላ አቀባይነት ሚና የማነው በሚል ከፍተኛ የአሰራር ውዝግቦች መፈጠራቸው ያስታወሱት አስተያየት ሰጪዎቹ፤ “ለመሆኑ ጠቅላይ ሚኒስትሩ ሚዲያን በተመለከተ ከጽ/ቤታቸው ሆነ ከሚኒስትሮች ምክር ቤት የሚያሰራጩት መረጃዎች በሚኒስትር ማዕረግ ደረጃ ባለ አደረጃጀት ማዋቀሩ አስፈላጊነቱ ላይ ጥያቄ አንስተዋል። እንዲሁም በመንግሥት ኮሚኒኬሽን ጉዳዮች ጽ/ቤት ሚኒስትር እና በጠ/ሚኒስትሩ ጽ/ቤት የሚዲያና ሕዝብ ግንኙነት ደሊቨሪ ዩኒት ሚኒስትር ደረጃ የሚመራና የሚተዳደር የመረጃ ቋት ጽ/ቤቱ አለወይ ሲሉም ጠይቀዋል።

የኮሚኒኬሽን ሚኒስትሩ ዶ/ር ነገሪ ሌንጮ ከተሾሙ ገና አንድ አመት ማስቆጠራቸው ይታወቃል። 

ይምረጡ
(8 ሰዎች መርጠዋል)
616 ጊዜ ተነበዋል

Sendek Newspaper

Bole sub city behind Atlas hotel

Contact us