You are here:መነሻ ገፅ»ዜና

ብአዴን ለ8 ሺህ ነባር ታጋዮቹ ዕውቅና ሊሰጥ ነው

Wednesday, 22 November 2017 11:59

የ37ኛ ዓመት የምስረታ በዓሉን እያከበረ የሚገኘው የብሔረ አማራ ዴሞክራሲያዊ ንቅናቄ (ብአዴን) ከትጥቅ ትግሉ ዘመን አንስቶ ባለፉት የልማትና የዴሞክራሲ ግንባታ ሂደት የህይወትና የጉልበት መስዋዕትነቶች ለከፈሉ ታጋዮቹ ዕውቅና እንደሚሰጥ አስታወቀ።

 

የብአዴን ማዕከላዊ ኮምቴ ሰሞኑን በሰጠው መግለጫ እንዳስታወቀው በፕሮግራሙ ከ1983 ዓ.ም በፊት አንስቶ ለታገሉና 8 ሺህ ለሚደርሱ ታጋዮች በህዝባዊነታቸውና በዓላማ ጽናታቸው ገፍተው በመዝለቃቸው የአኩሪ ተጋድሎ ዕውቅና ይሰጣቸዋል።


ብአዴን አያይዞም “ይህ የዕውቅና መድረክ ለነባር ታጋዮች ምስጋናና እውቅና የምንሰጥበት ብቻ ሳይሆን ከ1983 ዓ.ም ወዲህ ድርጅቱን ተቀላቅለው እየታገሉ የሚገኙና በጠቅላላው አዲሱ ትውልድ ክቡር አላማቸውንና የሚያካሂዱትን ትግል አጠናክረው እንዲቀጥሉ መነሳሳትን እንደሚፈጠር ይታመናል” ብሏል።


ማዕከላዊ ኮምቴው በዚሁ መግለጫው በብአዴን አመራርና አባላት ውስጥ አጋጥሞ የነበረውን የህዝባዊነት አስተሳሰብ መዳከምና በተግባር ውጤታማ ያለመሆን ችግር ተከትሎ በህዝቡ ግፊትና በድርጅቱ ጣምራ ጥረት የጥልቅ ተሀድሶ እየተካሄደ እንደሚገኝ ያስታውሳል። የጥልቅ ተሀድሶ የአንድ ዓመት ንቅናቄያችን የድርጅቱን አመራር ወደ ቀድሞ ህዝባዊ ባህሪው መመለስ የሚያስችሉ የአስተሳሰብ ግልጽነቶችን ማስጨበጡን ጠቅሷል።


የለውጥ ንቅናቄው አመራሩ ልማታዊ ዴሞክራሲያዊ ባህሪውን በህዝቡ ተሳትፎ የበለጠ እያጎለበተ በሚሄድበት ደረጃ ላይ እንዲገኝ አስችሎታል ሲል ጠቅሷል።


የ37 ዓመት ጎልማሳው ብአዴን በሚያስተዳድረው የአማራ ክልል ዕድሜውን የሚመጥን ልማትና እድገት አላስመዘገበም በሚል በተቀናቃኞቹ በተደጋጋሚ ትችት የሚቀርብበት መሆኑ ይታወሳል። 

 

ይምረጡ
(0 ሰዎች መርጠዋል)
313 ጊዜ ተነበዋል

Sendek Newspaper

Bole sub city behind Atlas hotel

Contact us