You are here:መነሻ ገፅ»ዜና

ሰማያዊ ፓርቲ በወቅታዊ ጉዳዮች ላይ የሚያተኩር የምክክር መድረክ አዘጋጀ

Wednesday, 06 December 2017 12:56

 

·        ዶ/ር አክሎግ ቢራራ እና ፕ/ር አለማየሁ ገ/ማርያም

በኦንላይን ተሳታፊ ይሆናሉ

በይርጋ አበበ

በወቅታዊ አገራዊ ጉዳዮች ላይ የሚያተኩር የውይይት መድረክ ለተከታታይ አራት ሳምንታት ሊያካሂድ መሆኑን ሰማያዊ ፓርቲ አስታወቀ።

የፓርቲው ምክትል ሊቀመንበርና የምርጫ ጉዳይ ኃላፊ አቶ ጌታሁን ባልቻ በተለይ ለሰንደቅ ጋዜጣ እንደተናገሩት የፊታችን እሁድ የሚካሄደው የመጀመሪያው የውይይት ርዕስ “ምሁራንና የአገር ሸማግሌዎች በወቅታዊ የአገሪቱ ጉዳዮች ላይ የሚኖራቸው ሚና” የሚል ነው።

“የሰብዓዊ መብት ተሟጋቹ ፕ/ር መስፍን ወልደማሪያም፣ የህግ ባለሙያው ዶ/ር ያዕቆብ ኃ/ማሪያም፣ የቀድሞው የኢፌዲሪ ፕሬዝዳንት ዶ/ር ነጋሶ ጊዳዳ እና የአፍሪካ ሰላምና እርቅ ኢንስቲትዩት ሊቀመንበር ዶ/ር ሸዋፈራው ኩራቱ ውይይቱን ይመሩታል ሲሉ አቶ ጌታሁን ተናግረዋል።

ከላይ ከተጠቀሱት ምሁራን በተጨማሪም ከኢትዮጵያ ውጭ የሚገኙት ዶ/ር አክሎግ ቢራራ እና ፕ/ር አለማየሁ ገብረማርያም በኦንላይን የውይይቱ ተሳታፊ እንደሚሆኑ የገለፁት አቶ ጌታሁን፤ ውይይቱ በቀጥታ በኦንላይን የሚተላለፍ መሆኑንም ተናግረዋል።

የምክክር ውይይቱ ለአራት ተከታታይ ሳምንታት የሚቀጥል ሲሆን የፊታችን እሁድ የሚጀመረው የውይይት መድረክ ከጠዋቱ 2፡30 እስከ 7፡00 በአምባሳደር ሲኒማ አዳራሽ ይካሄል ሲሉ አቶ ጌታሁን ገልጸዋል።

ይምረጡ
(1 ሰው መርጠዋል)
105 ጊዜ ተነበዋል

Sendek Newspaper

Bole sub city behind Atlas hotel

Contact us