You are here:መነሻ ገፅ»ዜና

በአገር አቀፍ ደረጃ ለመጀመሪያ ጊዜ የሂሳብ ትምህርት ውድድር ሊካሄድ ነው

Wednesday, 14 February 2018 11:39

በይርጋ አበበ

 

“ማይንድ ፕላስ ማትስ” የተሰኘ የአካዳሚ ተቋም በስድስት ክልሎች የሂሳብ ትምህርት ውድድር ማዘጋጀቱን ገለጸ።


ድርጅቱ ለሰንደቅ ጋዜጣ በላከው መግለጫ እንዳስታወቀው በውድድሩ አሸናፊ ለሚሆኑ ተማሪዎች እስከ አስር ሺህ ብር ሽልማት አዘጋጅቷል።


ውድድሩ በቅድሚያ በአዲስ አበባ ተጀምሮ በአምስት የክልል ከተሞች ማለትም መቀሌ፣ ባህርዳር፣ ድሬዳዋ፣ አሰላ እና አዳማ ውድድሮቹ የሚካሄዱባቸው ከተሞች ናቸው።


ማይንድ ፕላስ ማትስ በአዲስ አበባ ዩኒቨርስቲ የሂሳብ ትምህርት ክፍል አንጋፋ ምሁራን የሚመሩት ሲሆን ስልጠናውን በተለያዩ የግል ትምህርት ቤቶችና የመንግስት ተቋማት ይሰጣል። “ከዚህ ቀደም በአውሮፓ እና ሩቅ ምስራቅ ሀገራት በሰፊው ጥቅም ላይ ውሎ ውጤት ያጣውን የሳሮባ (የሂሳብ ቃላዊ ስሌት) ስልጠና በመንግስት እና በግል ትምህርት ቤቶች በማስተዋወቅ ተማሪዎች በቀላሉ ውጤታማ የሚሆኑበትን ስራ ሰርቷል” ሲል ተቋሙ ለዝግጅት ክፍላችን በላከው መግለጫ አክሎ ገልጿል።


ተቋሙ አሁን ለማዘጋጀት ካሰበው አገር አቀፍ ውድድር በተጨማሪ ከዚህ ቀደም ለሁለት ጊዜያት በትምህርት ቤቶች መካከል አዘጋጅቶ ለአሸናፊዎች ሽልማት ማበርከቱን አስታውቋል።


በዚህ ውድድር ለመሳተፍ በየክልል ከተሞቹ የሚገኙ የግል እና የመንግስት ትምህርት ቤት ተማሪዎች በትምህርት ቤቶቻቸው በኩል ተመዝግበው የክልሎቹ ትምህርት ቢሮዎች ደግሞ የተወዳዳሪዎችን እና የትምህርት ቤቶቹን ስም አያይዞ ለአወዳዳሪው ተቋም በመላክ ነው። በዚህ መሠረትም በውድድሩ የሚሳተፉ ተማሪዎች በአሸናፊዎች አሸናፊ ውድድር አንደኛ ለሚወጣው ተማሪ አስር ሺህ ብር የሚሸለም ሲሆን ሁለተኛ ለሚወጣው ሰባት ሺህ ብር ሶስተኛ ለሚወጣው ደግሞ አምስት ሺህ ብር ተሸላሚ ይሆናሉ።

ይምረጡ
(1 ሰው መርጠዋል)
1794 ጊዜ ተነበዋል

Sendek Newspaper

Bole sub city behind Atlas hotel

Contact us