የኦሮሚያ ተቃውሞ በትላንትናው ዕለትም ቀጥሎ ውሏል

Wednesday, 14 February 2018 11:57

 

ባለፈው ሰኞ እና በትላንትናው እለት የተነሳውን ህዝባዊ ተቃውሞ ተከትሎ በበርካታ የኦሮሚያ ክልል ከተሞች ተከታታይ የተቃውሞ ሰልፎች ተካሂደዋል፡፡ የተቃውሞ ሰለፍና አድማ ከተካሄደባቸው ከተሞች መካከልም ሻሸመኔ፣ ነቀምቴ፣ አምቦ፣ ወሊሶ፣ ጅማ፣ ሐረር እና ቢሾፍቱ ይገኙበታል፡፡ በዚህ ተቃውሞና አድማ አዲስ አበባን ጨምሮ ወደ ተለያዩ አካባቢዎች የሚያመሩ ዋና ዋና ዋና መንገዶች ተዘግተዋል፡፡


በክልሉ ያሉ በርካታ የንግድ ተቋማትም አገልግሎት መስጠት አቁመዋል፡፡ ከተለያዩ የተቃውሞ አካባቢዎች በማህበራዊ ሚዲያዎች የሚለቀቁ ተንቀሳቃሽ ምስሎችና ፎቶዎች የተካሂዱት የተቃውሞ ሰልፎች ወደ ሁከት አምርተው ጎማ ማቃጠል፣ መንገዶችን በድንጋይ መዝጋት፣ ተሽከርካሪዎች ላይ ጥቃት ማድረስና አንዳንድ የማምረቻ ተቋማትን ማቃጠል እንደዚሁም ንብረትን የመዝረፍ አዝማሚያዎች ታይተዋል፡፡


ከንግድ ተቋማት ጋር በተያያዘ አንዳንዶች ተቃውሞውን በመደገፍ ሌሎች ደግሞ ሁኔታውን በመፍራት እንደዚሁም በየአካባቢው በሚንቀሳቀሱ ወጣቶች በደረሳቸው ማስጠንቀቂያ ነጋዴዎች ሱቆቻቸውን የዘጉበት ሁኔታ እንዳለ ከተወሰኑ አካባቢዎች የደረሱን መረጃዎች ያመለክታሉ፡፡


ተቃውሞዎቹ ከአንዳንድ የኦሮሚያ ክልል አካባቢዎች ባለፈ በአዲስ አበባ ዙሪያ ባሉ ከተሞችና አካባቢዎችም ተካሂዷል፡፡ ወለቴ፣ አሸዋ ሜዳ፣ ዓለም ገና፣ሰበታ፣ ሱሉልታና ለገጣፎ መሰል የአዲስ አበባ ዙሪያ የኦሮሚያ ከተሞች ህዝባዊ የተቃውሞ ሰልፎችን ያስተናገዱ ናቸው፡፡ በአዲስ አበባ ዙሪያ ባሉ ከተሞች የነበሩት ተቃውሞዎችና አድማዎች በዚያው አቅራቢያ ባሉ እንደ ጀሞና ሀይሌ ጋርመንትን የመሳሰሉ አካባቢዎችም የተቃውሞው ደመና እንዲያጠላባቸው አድርጓል፡፡


በተያያዘ ዜና የአሜሪካ መንግስት ዜጎቹ በኦሮሚያ እና በአማራ ክልል የሚያደርጉት ጉዞ በተመለከተ ጥንቃቄ እንዲያደርጉ አሳሰበ።


የአሜሪካ መንግስት የኮንሱላር ጉዳዮች ከትላንት በስቲያ ባወጣው መግለጫ በሁለቱ ክልሎች አድማ መኖሩን፣ አዲስ አበባን ከሌላ ወደኦሮሚያ ከተሞች ጋር የሚያገናኙ መንገዶች መዘጋታቸውን፣ የትራንስፖርት አገልግሎት መቋረጡን በመጥቀስ ዜጎች ወደእነዚህ አካባቢዎች የሚያደርጉትን የጉዞ መርሃ ግብር ቢቻል ወደሌላ ጊዜ እንዲያስተላልፉ ሲል መክሯል።

 

ይምረጡ
(0 ሰዎች መርጠዋል)
1923 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 807 guests and no members online

Sendek Newspaper

Bole sub city behind Atlas hotel

Contact us