You are here:መነሻ ገፅ»ዜና

ከአስቸኳይ ጊዜ አዋጁ ጋር ተያይዞ የአውሮፓ ኅብረት እና የአሜሪካ ኤምባሲ ሥጋታቸውን አንፀባረቁ

Wednesday, 21 February 2018 11:37

በሰሞኑ በኢትዮጵያ የጣለውን አስቸኳይ ጊዜ አዋጅ ተከትሎ አውሮፓ ህብረት እንደዚሁም በአሜሪካ የኢትዮጵያ ኢምባሲ መግለጫ አውጥተዋል። በአውሮፓ ህብረት ቃል አቀባይ በኩል የተለቀቀው ይሄው መግለጫ በኢትዮጵያ ያሉ ሥጋቶችን በማተት ምክሮችንም ለግሷል።

  የህዝቡን ቅሬታ ለመፍታት በጠቅላይ ሚኒስትር ኃይለማርያም የተጀመረውን አዎንታዊ እንቅስቃሴን ለማስቀጠል አዲሱ መንግስት በሙሉ አቅሙ ሊሰራ የሚገባ መሆኑን መግለጫው አመልክቷል። ጉዳዩ በሚመለከታቸው ኃላፊዎች፣ ተቃዋሚዎች፣ የሚዲያ አካላት፣ ሲቪል ሶሳይቲ መካከል የሚደረግ ገንቢ ውይይትም በሀገሪቱ ዘላቂና አስተማማኝ ሰላም የሚያመጣ መሆኑን መግለጫው ጨምሮ ያትታል።

ሆኖም አስቸኳይ ጊዜ አዋጁ በሀገሪቱ መልሶ መታወጁ ግን ሁኔታዎችን አስቸጋሪ የሚያደርግ መሆኑን ያመለከተው ይሄው መግለጫ በተቻለ መጠንም የአስቸኳይ ጊዜ አዋጁ ጊዜ እንዲያጥር እንደዚሁም በዚሁ አዋጅ ውስጥም በኢትዮጵያ ህገ መንግስት የተቀመጡት የዜጎች ሰብአዊና መሰረታዊ መብቶች እንዲከበሩ የጠየቀ ሲሆን ሁከቶችም ቢሆኑ እንዲወገዱ ጠይቋል።

መግለጫው በማጠቃለያውየአውሮፓ ህብረት ሁሉም የኢትዮጵያ የፖለቲካ ተዋንያን አካላት ለዲሞክራሲያዊና  የተረጋጋች ኢትዮጵያ በጋራ እንዲሰሩ ማበረታቱን ይቀጥላልበማለት ሀሳቡን አጠቃሏል።

በተመሳሳይ ዜና በኢትዮጵያ የተከሰተውን የፖለቲካ አለመረጋጋት እንደዚሁም የኢትዮጵያ መንግስት በተለያየ ምክንያት የታሰሩ ዜጎችን መፍታት መጀመሩን ተከትሎ በተከታታይ ድምፁን ሲያሰማ የነበረው በኢትዮጵያ የአሜሪካ ኢምባሲ ከሰሞኑ የታወጀውን አስቸኳይ ጊዜ አዋጅንም በተመለከተ መግለጫ አውጥቷል። የአስቸኳይ ጊዜ አዋጁን መታወጅ ተከትሎ ኢምባሲው ያወጣው መግለጫ አዋጁ እንደ መሰብሰብና ሀሳብን በነፃነት መግለፅ በመሳሰሉ መሰረታዊ የዜጎች መሰረታዊ መብቶች ላይ ገደብን የሚጥል በመሆኑ በሀሳቡ ላይ ከኢትዮጵያ መንግስት ጋር በፅኑ የማይስማማ መሆኑን ገልጿል። ኢምባሲው በመግለጫው ጨምሮምከተፈጠረው ሁከት ጋር በተያያዘ የኃላፊዎችን ሥጋት የሚረዳ መሆኑን ገልፆ፤ ይሁንና መፍትሄው መብትን መገደብ ሳይሆን የበለጠ ነፃነትን መፍቀድ ነውብሏል።

ይምረጡ
(1 ሰው መርጠዋል)
3159 ጊዜ ተነበዋል

Sendek Newspaper

Bole sub city behind Atlas hotel

Contact us