ዶ/ር አብይ አህመድ የኢህአዴግ ሊቀመንበር ሆነው ተመረጡ

Wednesday, 28 March 2018 12:30

የኢህአዴግ ምክርቤት ዶ/ር አብይ አህመድን አሊ የኢህአዴግ ሊቀመንበር አድርጎ በትላንትናው ዕለት መረጠ፡፡

 

180 አባላት ያሉት የኢህአዴግ ምክርቤት ትላንት ማምሻውን 4 ሰዓት ከ53 ሰዓት ላይ በሰጠው መግለጫ በራሳቸው ፈቃድ የተሰናበቱትን የቀድሞ ጠቅላይ ሚኒስትር አቶ ሀይለማርያም ደሳለኝን የስንብት ጥያቄ በመቀበል የኦህዴድ ሊቀመንበር የሆኑትን ዶ/ር አብይን አህመድን የግንባሩ ሊቀመንበር አድርጎ መርጧል፡፡


አቶ ደመቀ መኮንን የኢሕአዴግ ም/ሊቀመንበር ሆነው እንዲቀጥሉ መርጧል፡፡ ምክር ቤቱ በሰጠው ድምጽ አቶ አብይ አህመድ 108፣ አቶ ሽፈራው ሽጉጤ 59 እና ዶ/ር ደብረፂዮን ገ/ሚካኤል 2 ድምጽ አግኝተዋል፡፡


ከመጋቢት 2 እስከ 10 ቀን 2010 ዓም ሲካሄድ የቆየው የኢህአዴግ ስራ አስፈጻሚ ኮሚቴ ስብሰባ፣ በብሄራዊ ድርጅቶች መካከል የአብዮታዊ ዴሞክራሲያዊ መስመር የአመለካከት አንድነትን በሚያጠናክር መልኩ በጥልቀት ተፈትሾ በመግባባት መጠናቀቁን ግንባሩ ይፋ ማድረጉ የሚታወቅ ነው፡፡


ገዢው ፓርቲ በታህሳስ ወር 2010 ዓ.ም ለ17 ቀናት ያካሄደውን ግምገማ መሰረት በማድረግ አቅጣጫ ማስቀመጡን ተከትሎ፤ በአራቱም ብሄራዊ ድርጅቶች የስራ አስፈጻሚ እና በማዕከላዊ ኮሚቴዎቻቸው የተከናወኑ የግምገማ ሪፖርቶችን በዝርዝር በመፈተሽ፣ ጉድለቶችና ጥንካሬዎያቻቸውን በመለየት፣ በአሁኑ ወቅት እያጋጠሙን ያሉ የአመራር ድክመቶች የወለዳቸው ችግሮች ለማረም የሚያስችል የአመለካከት አንድነት የተፈጠረበትን ሁኔታ መኖሩን አረጋግጫለሁ ማለቱ የሚታወስ ነው፡፡


ግምባሩ ባወጣው መግለጫ እንዳስነበበው፣ “በዚህ ግምገማ የኢህአዴግ ስራ አስፈጻሚ ኮሚቴ እያንዳንዱ ብሄራዊ ድርጅት ሀገሪቱ ያስመዘገበቻቸው ለውጦች እና በሒደት ያጋጠሙን ፈተናዎች በሚመሯቸው ክልሎች እና በሀገር አቀፍ ደረጃ ያላቸውን አስተዋጽኦ በዝርዝር በመፈተሸ ጥንካሬዎቻቸው ጎልብተው እንዲቀጥሉ፣ ጉድለቶች ደግሞ በፍጥነት እንዲታረሙ አቅጣጫ አስቀምጧል” ማለቱን ልብ ይሏል፡፡


በመጨረሻም፤ “ግንባሩና እያንዳንዱ ብሄራዊ ድርጅት በጽኑ መሰረት ላይ እየተገነባ ያለው ልማታዊና ዴሞክራሲያዊ መስመርና ፌደራላዊ ዴሞክራሲያዊ ስርዓትን ከጥቃት ለመከላከል የህዝብን ጥያቄ በአግባቡና በፍጥነት በመመለስ የጀመርነው የህዳሴ ጉዞ ለማስቀጠል እንድንችል አብዮታዊ ዴሞክራሲያዊ መስመራችን ማጠናከርና ማስቀጠል አማራጭ የሌለው ጉዳይ መሆኑ መላው የኢህአዴግ አመራርና አባላት በጽናት ሊታገሉት እንደሚገባ፤ ይታወቅልኝ” ሲል ማሳሰቡም የሚታወስ ነው፡፡


የሥራ አስፈፃሚውን ምክር ሃሳብ መጠናቀቁን ተከትሎ፣ የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) ምክር ቤት ስብሰባ ከባለፈው ማክሰኞ መጋቢት 11 ቀን 2010 ዓም ጀምሮ ሲካሄድ ነበር፡፡


ምክር ቤቱ፣ በኢህአዴግ ስራ አስፈጻሚ ኮሚቴ ተገምግሞ በቀረበለት የስራ አስፈጻሚ ኮሚቴ ሪፖርት ላይ እና ለዕይታ ተብለው በተዘጋጁ አራት ሰነዶች ላይ ሲወያይ ሰንብቶ፣ በመጨረሻም የድርጅታችን የአመራር ክፍተት አሟልቶ ተጠናቋል፡፡ የአመራር ክፍተቱ የተሟላው በኢህአዴግ ፕሮግራም፣ ህገ ደንብና በተለመደው የኢህአዴግ አሰራር መሰረት መሆኑን አያይዞ ይፋ አድርጓል፡፡


ከዚህ በተጨማሪም ምክር ቤቱ በያዝነው ወር መካሄድ የነበረበትን የኢህአዴግ 11ኛው ድርጅታዊ ጉባኤ ለማራዘም አስመልክቶ የቀረበለትን አጀንዳ አጽድቋል፡፡ በቀረበው ማራዘሚያ መሰረት የኢህአዴግ ጉባኤ በመጪው ነሐሴ ወር መጀመሪያ ይካሄዳል፡፡


የቀድሞ ጠቅላይ ሚኒስትር አቶ ኃ/ማሪያም ደሳለኝን መልቀያ ምክር ቤቱ ተቀብሎም አጽድቋል፡፡


በግንባሩ ልምድ መሠረት የግንባሩ ሊቀመንበር የአገሪቱ ጠቅላይ ሚኒስትር ስለሚሆን ዶ/ር አብይ አህመድ በሚቀጥሉት ቀናት ውስጥ በሕዝብ ተወካዮች ምክርቤት ቀርበው ቃለመሀላ በመፈጸም አዲስ ካቢኔ እንደሚያቋቁሙ ይጠበቃል፡፡

 

***         ***        ****

 

 

 

ዶክተር አብይ አህመድ ዓሊ ማን ናቸው?

 

ዶ/ር አብይ አህመድ በአሁኑ ወቅት የኦህዴድ ሊቀመንበር ናቸው። ለአገሪቱ ጠቅላይ ሚኒስትርነት በዕጩነት ከቀረቡ ተወዳዳሪዎች አንዱ መሆናቸውም ይታወቃል። በአንባቢዎቻችን ጥያቄ መሠረት ሙሉ ፕሮፋይላቸውን በዚህ መልኩ አሰናድተነዋል።

 

ሙሉ ስም፡          ዶ/ር አብይ አህመድ ዓሊ


ትውልድ ቦታ፡      አጋሮ ኢትዮጵያ


የትውልድ ዘመን፡ 15/08/1975 (እ.ኤ.አ)

 

የትምህርት ዝግጅት (እ.ኤ.አ.)


2017     በሰላምና በደህንነት ጥናት ፒ.ኤች.ዲ ከአዲስ አበባ ዩኒቨርስቲ ከሰላምና ደህንነት ጥናት ኢንስቲትዩት የዶክትሬታቸው ጥናት ርዕስና ይዘት፤               የሶሻል ካፒታል ሚና በተለምዶ ግጭት አፈታት ውስጥ፣


2013     ማስትሬት ዲግሪ በቢዝነስ አድሚኒስትሬሽን ከአሽላንድ ሊድ ስታር ዩኒቨርስቲ፣


2011     ማስትሬት ዲግሪ በትራንስፎርሜሽናል ሊደርሺፕ ከግሪኒውች ዩኒቨርስቲ ሎንዶን (ተባባሪ ተቋም ኢንተርናሽናል ሊደርሺፕ ኢንስቲትዩት                  አዲስ አበባ) የማስትሬት ጥናታቸው ርዕስና ይዘት፤ ‘Perception and Practice of Servant Leadership in the Oromiya                      Region of Ethiopia’ ለጥናታቸው የናሙና ጥናት አድርገው የወሰዱት የኦሮሚያ ክልል አመራሮችን ነው። 

 

የጥናታቸው ጭብጥ፤ በአመራሩ ዘንድ ያለ ሕዝቡን የማገልገል ብቃትና አረዳድ እና በሕዝቡ በበኩል አመራሩ ላይ ያለ የመምራትና የአፈጻጸም ብቃት የግንዛቤ ልዩነት ላይ የተደረገ ጥናት ነው።


2005     ፖስት ግራጁዌት አድቫንስድ ዲፕሎማ በክሪፐቶሎጂ ከፕሪቶሪያ ደቡብ አፍሪካ አግኝተዋል፡፡


2001     በኮምፒውተር ኢንጅነሪንግ ዲግሪ ከማይክሮ ሊንክ ኢንፎርሜሽን ኮሌጅ የመመረቂያ ፕሮጀክት፤ “A control system based on                      microprocessor”
             ለአበባ ኢንዱስትሪ በሪሞት ሙቀቱን መቆጣጠር የሚያስችል ሲስተም ነው። በአመቱ ከተመረጡ ፕሮጀክቶች አንዱ ነበር።

 

የሥራ ልምድ


2017                         የኦሕዴድ ጽ/ቤት ኃላፊ በም/ፕሬዚደንት ማዕረግ


2016 - 2017              የክልሉ የከተማ ልማትና ቤቶች ቢሮ የቢሮ ኃላፊ በም/ፕሬዚደንት ማዕረግ


2015                         የኢፌዴሪ የሳይንስና ቴክኖሎጂ ሚኒስትር


ከ2015 እስከ አሁን        የኦሕዴድ ሥራ አስፈፃሚ አባል


08/2010                    የኦሕዴድ ማዕከላዊ ኮሚቴ


ከ08/2013 እስከ አሁን   የኢሕአዴግ ማዕከላዊ ኮሚቴ


06/2010 እስከ አሁን     የሕዝብ ተወካዮች ምክር ቤት አባል (ውክልና፤ ከኦሮሚያ ክልል ከጅማ ዞን ከአጋሮ ከተማ)

 

መልካም የሥራ አፈፃፀም


የሕዝብ ውክልና ለሰጣቸው የአጋሮ ከተማ ሕዝብ ያቀረባቸውን ቁልፍ ፍላጎቶች ለመመለስ ተንቀሳቅሰዋል። ከሚጠቀሱላቸው የሥራ ውጤቶች መካከል፣ ለከተማው መሰረተ ልማት ግንባታ የሚውል ያልተቋረጠ የገንዘብ ማሰባሰቢያ መድረክ ፈጥረዋል። በውጤቱም፣ ለሁለተኛ ደረጃ ትምህርት ቤቶች ሁሉን አቀፍ አቅርቦት ፈጽመዋል፤ በከተማው አጠቃላይ ሆስፒታል ተገንብቷል፤ የጋዝ ማደያ ጣቢያዎች ተስፋፍተዋል፤ የወጣቶች ማዕከል ተቋቁሟል።


በተለይ በጅማ ዞን ከሃይማኖት ጋር የተያያዙ ግጭቶች በርካታ ናቸው። ዶክተር አብይ ከበርካታ የሃይማኖት ተቋማት እና ከሀገር ሽማግሌዎች ጋር በጥምረት በዞኑ እርቅ እንዲወርድ ከፍተኛ ሚና ተጫውተዋል። በተለይ በግጭት አፈታቱ ዙሪያ ሁሉንም ወገን ያቀፈ ከአድልዎ የጸዳ የአደራዳሪነት ክህሎታቸውን ከግምት በማስገባት የኢትዮጵያ ሰብዓዊ መብት ኮሚሽን የሰላም አምባሳደርነት እውቅና ሰጥቷቸዋል።

 

09/2013 - እስካሁን፡     የብሔራዊ ሳይንስ እና ቴክኖሎጂ ኢንፎርሜሽን ማዕከል በአስተዳደር መምሪያ ኃላፊ፣


06/2007 - 08/2010፡   የሥራ አፈፃጸም፤ የኢንፎርሜሽን ኔትዎርክ ሴኪሪቲ ኤጀንሲ ዳሬክተርና መስራች


05/1991 - 07/2007፡   ራስን የማብቃት ልምምድ ከከፍተኛ እስከ ዝቅተኛ አመራሩ ድረስ ምሳሌ በመሆን ጭምር አስተዋውቀዋል። ኤጀንሲውን በማነሳሳትና በማንቀሳቀስ ውጤታማና ሊለኩ የሚችሉ ውጤቶችን 

                                  አስመዝግበዋል። ከሚጠቀስላቸው መካከል የቴክኖሎጂ ሽግግር፣ የላቀ የምርምር ክንውን በመፍጠር ለተለያዩ የመንግስት ተቋማት አጋዥ የሚሆኑ ሥራዎችን ሰርተዋል።


1994 - 1995፡              በሀገር መከላከያ ሚኒስቴር ሌ/ኮሎኔል በመሆን አገልግለዋል። በሩዋንዳ ኪጋሊ የኢትዮጵያ ሰላም አስከባሪ አባል ሆነው ሰርተዋል።

 

ተጨማሪ ኃላፊነቶች


2014 - እስካሁን፡    የኢትዮጵያ የክፍያ መንገዶች ኢንተርፕራይዝ ቦርድ ሰብሳቢ


2015 - እስካሁን፡    የኢትዮጵያ ኮንስትራክሽን ዲዛይንና ቁጥጥር ሥራዎች ኮርፖሬሽን ቦርድ ሰብሳቢ፣


2013 - 2016፡       የኦሮሚያ ራዲዮና ቴሌቪዥን ቦርድ ሰብሳቢ


2008 - 2010፡       የኢትዮጵያ ራዲዮና ቴሌቪዥን ኮርፖሬሽን አማካሪ ቦርድ አባል


2009 - 2010፡       የኢትዮ-ቴሌኮም አማካሪ ቦርድ አባል


                            የብሔራዊ ኤሌክትሮኒክ አይዲ አማካሪ ቦርድ አባል


2008 - 2010፡        ኃላፊ በመሆን በተለያዩ ምርምርና ፕሮጀክቶች አገልግለዋል። ከሚጠቀሱት መካከል፣ በኢትዮጵያ ሚዲያ ማስፋፊያ፤ በብሔራዊ ኤሌክትሮኒክስ የመታወቂያ ሲስተም፤
                            ኮምፒውተር ቤዝድ ኮሚኒኬሽን ሲስተምስ በተለያዩ ድርጅቶች እና በኢትዮጵያ የኦቶሜሽን ባንኪንግ ሲስተም አገልግለዋል።

 

ይምረጡ
(0 ሰዎች መርጠዋል)
1375 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 221 guests and no members online

Sendek Newspaper

Bole sub city behind Atlas hotel

Contact us