You are here:መነሻ ገፅ»ዜና

የዓፄ ዮሃንስ አራተኛ ሀውልትና ዘርፈ ብዙ መታሰቢያ ግንባታ ሊከናወን ነው

Wednesday, 23 May 2018 13:38

የአፄ ዮሃንስ አራተኛ ማህበር መታሰቢያ ሀውልትና ልዩ ልዩ ተያያዥነት ያላቸው ተቋማት ሊገነቡ ነው።

የአፄ ዮሃንስ አራተኛ ማህበር በመባል የሚታወቀው ማህበር ይሄንኑ ሥራ ለማከናወን ሀላፊነቱን በመውሰድ እየሰራ ሲሆን ይህንኑ ዘርፈ ብዙ መታሰቢያ የልማት ሥራ በትግራይ ክልል መቀሌ ከተማ አቅራቢያ በምትገኘው አቢይ አዲ ከተማ ለመስራት እንቅስቃሴ የተጀመረ መሆኑን የማህበሩ ሰብሳቢ አቶ መክብብ በላይ ባለፈው ዕሁድ በዚሁ ዙሪያ በተጠራው ማብሰሪያ ስብሰባ ላይ አመልክተዋል።

ይሄው የመታሰቢያ የልማት ሥራ ተንቤን አቢይ አዲ ከተማን የትግራይ ክልል የቱሪዝም ማዕከል እንድትሆን የሚያስችላት መሆኑ ተመልክቷል። አቢይ አዲ ከተማ ለዚህ ታሪካዊ ሁነት ተመራጭ ያደረጓት በርካታ ታሪካዊ ሁነቶች መኖራቸው በዕለቱ ተመልክቷል። ይሄው ፕሮጀክት በከተማዋ ሰው ሰራሽ ሀይቅን መገንባት እንደዚሁም ሙዝየምን መገንባት ጭምር የሚያካትት መሆኑ ታውቋል። ከዚህም በተጨማሪ በንጉሱ መታሰቢያነት የስነ ታሪክና ቅርስ ምርምር ማዕከል እና የባህልና ቱሪዝም ማዕከልን ለመገንባት ታቅዷል።

በቀጣይም ከዚሁ ጋር በተያያዘ ስብሰባ የሚከሄድ ሲሆን በርካታ ምሁራንና ባለሀብቶችን እንደዚሁም የተለያዩ የመንግስት ኃላፊዎችንም ለማሳተፍም እቅድ መያዙ ታውቋል።

በዚህም አንድ ራሱን የቻለ ቋሚ ፋውንዴሽን ለማቋቋም የታሰበ መሆኑን የማህበሩ ሰብሳቢ አቶ መክብብ በላይ ለተሰብሳቢው ጨምረው ገልፀዋል። ከዚሁ የአፄ ዮሃንስ መታሰቢያ ሀውልትና ሙዚየም ጋር በተያያዘ ለሚሰራው ሰፊ መዝናኛ በአቢል አዲ ከተማ 35 ሄክታር መሬት የተፈቀደ መሆኑን አቶ መክብብ ጨምረው አመልክተዋል። ይህንንም ሰፊ ፕሮጀክት እውን ለማድረግ ነሀሴ 16 ቀን 2010 ዓ.ም በአቢል አዲ ከተማ የመሰረት ድንጋይ የሚጣል መሆኑ ታውቋል። የመሰረት ድንጋይ መጣሉንም ተከትሎ በ2011 ዓ.ም ሰፊ የገቢ የማሰባሰብ ስራም የሚሰራ መሆኑ ተመልክቷል። ይህም ገቢ የማሰሰባሰብ ሂደት ዓለም አቀፍ የቴሌቶን ቀንንም ጭምር ያካትታል ተብሏል።¾

ይምረጡ
(0 ሰዎች መርጠዋል)
2327 ጊዜ ተነበዋል

Sendek Newspaper

Bole sub city behind Atlas hotel

Contact us