ከውጪ ንግድ 2 ነጥብ 6 ቢሊዮን የአሜሪካን ዶላር ገቢ ተገኘ

Wednesday, 11 July 2018 12:43

 

·        የማዕድን ዘርፍ ገቢ አሽቆልቁሏል

 

በ2010 በጀት ዓመት አስራ አንድ ወራት ከግብርና ከማኑፋክቸሪንግ እና ከማዕድን ምርቶች ዘርፍ በአጠቃላይ 4 ነጥብ 72 ቢሊዮን የአሜሪካን ዶላር ገቢ ለማግኘት ታቅዶ 2 ነጥብ 58 ቢሊዮን የአሜሪካን ዶላር ገቢ መገኘቱን የንግድ ሚኒስቴር አስታወቀ።

በበጀት ዓመቱ አስራ አንድ ወራት ከግብርና ምርቶች ዘርፍ በአፈፃፀም የተመዘገበው 1 ነጥብ 97 ቢሊዮን የአሜሪካን ዶላር ነው። ይህ አፈፃፀም ከአምናው በጀት ዓመት ተመሳሳይ ወራት ከተገኘው 1 ነጥብ 96 ቢሊዮን የአሜሪካን ዶላር ጋር ሲነፃፀር በ7 ነጥብ 8 ሚሊዮን የአሜሪካን ዶላር በግብርና ምርቶች ዘርፍ ላይ ጭማሪ አሳይቷል።

በተመሳሳይ የማኑፋክቸሪንግ ምርቶች ዘርፍ በአፈፃፀም የተመዘገበው 415 ነጥብ 93 ሚሊዮን የአሜሪካን ዶላር ነው። ይህ አፈፃፀም ከአምናው በጀት ዓመት ተመሳሳይ ወራት ከተገኘው 362 ነጥብ 65 ሚሊዮን የአሜሪካን ዶላር ጋር ሲነፃፀር በ53 ነጥብ 28 ሚሊዮን የአሜሪካን ዶላር በማኑፋክቸሪንግ ምርቶች ዘርፍ ላይ ጭማሪ አሳይቷል።

የማዕድን ዘርፍ ዕቅድ አፈፃፀም ስንመለከት ደግሞ በአፈፃፀም የተመዘገበው 119 ነጥብ 03 ሚሊዮን የአሜሪካን ዶላር ነው። ይህ አፈፃፀም ከአምናው በጀት ዓመት ተመሳሳይ ወራት ከተገኘው 190 ነጥብ 73 ሚሊዮን የአሜሪካን ዶላር ጋር ሲነፃፀር በ71 ነጥብ 69 ሚሊዮን የአሜሪካን ዶላር (37 ነጥብ6 በመቶ) በዘርፉ ላይ ቅናሽ አሳይቷል።

በበጀት ዓመቱ አስራ አንድ ወራት የእቅዳቸውን ከ75 በመቶ በላይ ክንውን ያስመዘገቡ ምርቶች እንደቅደም ተከተላቸው የኤሌክትሪክ ኃይል፣ ሻይ ቅጠል፣ ባህር ዛፍ፣ ጫት እና የቅባት እህሎች ናቸው። ከተያዘላቸው እቅድ ከ50 በመቶ እስከ 75 በመቶ ክንውን ያስመዘገቡ ምርቶች እንደቅደም ተከተላቸው ቡና፣ አበባ፣ ዱቄትና ምግቦች፣ ያለቀለት ቆዳ፣ የተፈጥሮ ሙጫና ዕጣን፣ ሥጋ፣ የተዘጋጀ የፍራፍሬ ውጤቶች፣ አትክልትና ፍራፍሬ እና የጥራጥሬ ሰብሎች ናቸው።

የግብርና ምርቶችን በተመለከተ በበጀት ዓመቱ የተመረተውን ምርት ወደ ገበያ እንዲወጣና የዘመኑ ምርት በተሻለ ጥራትና መጠን ለገበያ እንዲቀርብ፣ ኢፍትሀዊ የሆነ የግብይት ውድድር እንዳይኖር በማድረግ፣ ከክልሎችና ከግብየት ተዋንያን የተጀመረው ጥረት ተጠናክሮ እንዲቀጥል መረባረብ እንደሚያስፈልግ የሚኒስቴሩ ሕዝብ ግንኙነት ክፍል የላከው ዜና ጠቁሟል።

የማኑፋክቸሪንግ ምርቶች አፈፃፀምን ለማሻሻል በዋናነት ዝቅተኛ ደረጃ አፈፃፀም ያስመዘገቡትን ድርጅቶች የሚስተዋሉባቸውን ችግሮች ለማሻሻል ጥረት ማድረግና በአሁኑ ወቅት የዓለም ገበያ የሚጠይቀውን የተወዳዳሪነት መስፈርት ከሟሟላት አኳያ በመስራት የተቀባይ አገራትን ይሁንታ ማግኘት ይገባል።

የማዕድናት ምርቶች አፈፃፀምን በተመለከተ ወርቅን በተመለከተ በህገወጥ መንገድ የሚባክነውን ምርት ለማስቀረት ከሚመለከታቸው ባለድርሻ አካላት ጋር ሥራዎችን በቅንጅት መስራት፣ በዚህ ዘርፍ የተሰማሩትን ኩባንያዎችን ያሉባቸውን ችግሮች በመፍታት በሙሉ አቅማቸው ወደ ስራ እንዲገቡ በጋራ መረባረብ እንደሚያስፈልግ ተጠቁሟል።

በአጠቃላይ በተለይም በአሁኑ ወቅት ለኤክስፖርት አፈፃፀማቸው ቁልፍ ችግር ከሆኑት መካከል አንዱ የኮንትሮባንድ ንግድ፣ ኩባንያዎች/ፋብሪካዎች በሙሉ አቅማቸው ያለመስራት፣ ምርትን በተሻለ ጥራት ያለማቅረብ በመሆኑ ይህንን ለማስወገድ ከሚመለከታቸው ባለድርሻ አካላት ጋር በጋራ ርብርብ ማድረግ እና የገቢ ጉድለት በታየባቸው ምርቶች ላይ ትኩረት በመስጠት በቀጣይ ወር የተሻለ አፈፃፀም ማስመዝገብ ያስፈልጋል ብሏል።

ይምረጡ
(0 ሰዎች መርጠዋል)
118 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 45 guests and no members online

Sendek Newspaper

Bole sub city behind Atlas hotel

Contact us