የንግድ ዘርፉ እየተነቃቃ ነው

Wednesday, 18 July 2018 15:11

በኢትዮጵያ በአሁን ጊዜ የተፈጠረው ሀገራዊ ሠላምና ህዝባዊ አንድነት ለንግዱ ዘርፍ የላቀ አስተዋፅኦ አለው ሲል ንግድ ሚኒስቴር አስታወቀ።

በሀገራችን ዘላቂ ሠላም፣ የልማት ተጠቃሚነት እና ህዝባዊ አንድነቱን በማረጋገጥ ወደ ቀጣይ የልማት እንቅስቃሴ ለመዝመት የሚያስችል ሀገራዊ የሪፎርም ሥራዎች እየተሰሩ ነው። ከሀገሪቱ ህዝባዊ አንድነት በዘለለም ከጎረቤት ሀገራት ጋር ሠላም በመፍጠር ቀጣይነት ያለው የኢኮኖሚ ተጠቃሚነት ለማረጋገጥ መንግሥት ከፍተኛ ስራ እየሰራ ይገኛል። ይህ ሀገራዊ ለውጥና ንቅናቄ በተለይ ለንግዱ ዘርፍ ያለው አስተዋፅኦ የላቀ ነው ያሉት በንግድ ሚኒስቴር የህዝብ ግንኙነትና ኮሙዩኒኬሽን ጉዳዮች ጽ/ቤት ኃላፊ አቶ ወንድሙ ፍላቴ ናቸው።

እንደ አቶ ወንድሙ ገለፃ፤ የሀገራችን ንግድ ከግብርና ባልተናነሰ የኢኮኖሚያችን የጀርባ አጥንት ነው። ዘርፉ የሚነቃቃውና የሚጠበቅበትን ሚና ተጫውቶ በሀገሪቷ ኢኮኖሚ ላይ ለውጥ የሚያመጣው በሀገር ውስጥና ከጎረቤት ሀገራት ጋር የተረጋጋና ቀጣይነት ያለው ሠላም ሲኖር ነው። በሀገር ውስጥ ጤናማ የንግድ እንቅስቃሴ እንዲኖርና የተለያዩ ምርቶችን ወደ ውጪ ልከን ለሀገራችን አስፈላጊ የሆነውን የውጪ ምንዛሪ ማግኘት እንድንችል አሁን የተጀመረው ሀገራዊ ንቅናቄና ለውጥ በጣም ወሳኝ ነው።

አቶ ወንድሙ አክለውም፤ ላለፉት ዓመታት የውጪ ንግድ አፈፃጸማችን ዝቅተኛ የሆነው ሀገሪቷ ውስጥ ከነበረው የሠላም እጦት፣ ከምርት አቅርቦት እጥረት፣ ከምርት ጥራት ችግር፣ ከውጪ ምንዛሪ አቅርቦት እጥረት ጋር በተያያዘ ምክንያት ነው ያሉ ሲሆን፤ የውጪ ምንዛሪ አቅርቦት እጥረትን ለማቃለል የሚያስችል እና በሀገር ውስጥም የተረጋጋና አዳጊ ገበያ እንዲሁም ለላኪዎቻችንና ለነጋዴዎቻችን በቂ የሆነ የውጪ ምንዛሪ ግኝት እንዲኖር መንግሥት የተለያዩ የማሻሻያ እርምጃዎችን እየወሰደ ይገኛል ብለዋል።

በመጨረሻም ንግድ ሚኒስቴር የተጣለበትን ሀገራዊ ተልዕኮ ለመወጣት የሚያስችለውን የሪፎርም ሥራዎች እየሰራ ነው ያሉት አቶ ወንድሙ፤ በተለይም አገልግሎት አሰጣጡን በማዘመንና በማቀላጠፍ የተገልጋዮችን እንግልት በማስቀረት ቀደም ሲል ይነሱ የነበሩ የመልካም አስተዳደር ችግሮችን ለመፍታት እየሰራ ነው ብለዋል። ሲል የዘገበው በኢ.ፌ.ዴ.ሪ ንግድ ሚኒስቴር የህዝብ ግንኙነትና ኮሙዩኒኬሽን ጉዳዮች ጽ/ቤት ነው።

የገበያና ድርጅት ኢንስፔክሽንና ሪጉላቶሪ ዳይሬክቶሬት ዳይሬክተር አቶ ካሳሁን ሙላት በበኩላቸው ጠቅላይ ሚኒስትሩ ስልጣን በያዙ ማግስት በመስሪያ ቤቶች ቀልጣፋ፣ ግልጽ፣ ተደራሽ አገልግሎትና ዴሞክራሲያዊ አሰራር እንዲሰፍን የሰጡትን አቅጣጫ ተከትለን እየሰራን ነው ብለዋል። ንግድ ማኒስቴር በጠቅላይ ሚኒስትሩ የተሰጠውን አቅጣጫ ለመተግበር የሚያስችል ፈጣን እቅድ አዘጋጅቶ ከመደበኛው እቅድ ጋር በማጣጣም እየሰራ ነው ያሉት ዳይሬክተሩ አፈፃጸሙም በየ15 ቀኑ እየተገመገመ ክትትል እንደሚደረግበት ከኢ.ፌ.ዴ.ሪ ንግድ ሚኒስቴር የህዝብ ግንኙነትና ኮሙዩኒኬሽን ጉዳዮች ጽ/ቤት የተገኘ ዘገባ ያስረዳል።¾    

ይምረጡ
(0 ሰዎች መርጠዋል)
113 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 77 guests and no members online

Sendek Newspaper

Bole sub city behind Atlas hotel

Contact us