የጠ/ሚ አብይ አሕመድ፤ አዲስ መንገድ እና የኢሕአዴግ ፖለቲካዊ ዳራ

Wednesday, 20 June 2018 13:05

~ በዘር ተጨፋጭፈን ብንባላ ለልጅ ልጅ የምናተርፈው ከባድ ውርደትና ክህደት ነው!

ጠቅላይ ሚኒስትር አብይ አሕመድ ከትላንት በስቲያ ሰኞ ሰኔ 11 ቀን 2010 ዓ.ም ለሕዝብ ተወካዮች ምክር ቤት አባላት በወቅታዊ ጉዳዮች ላይ ማብራሪያ ሰጥተዋል፡፡

ጠቅላይ ሚኒስትሩ በሰጡት ማብራሪያ የኢሕአዴግን ፖለቲካዊ ዳራ ግልጽነትና ድፍረት በተሞላበት አቀራረብ የተሳሳተ መሆኑን አስመርው አስቀምጠዋል፡፡ በተለይ መንግስታቸው አሸባሪ መሆኑን አምነው፣ በሕዝቡ ምህረት በሥልጣን ላይ መቀጠሉን ይፋ አድርገዋል፡፡ አያይዘውም፣ ሕዝቡ “ለእኛ” ከሰጠውን ምህረት፣ ተፎካካሪ የፖለቲካ ኃይሎችም ሊደርሳቸው ይገባል በማለት፤ ፓርላማውን ሞግተዋል፡፡ አዲስ የፖለቲካ ኢኮኖሚ አቀራረብ ከድርጅታቸውም እንደሚጠበቅ አጽንዖት ሰጥተው አሳስበዋል፡፡

ጠቅላይ ሚኒስትሩ ካቀረቡት ሪፖርትና ከፓርላማ ተወካዮች ለቀረቡላቸው ጥያቄዎች ከሰጡት ምላሽ ገዢ ሃሳቦች ናቸው ያልናቸውን እንደሚከተለው አስተናግደነዋል፡፡

 

ሽብርን በተመለከተ

~በሽብር ወንጀል ጭምር ተከሰው ከማረሚያ ቤት የተፈቱ ሰዎች ኢህአዴግ ባስቀመጠው አቅጣጫ የተፈፀመ እንጂ ህግ መጣስ አይደለም፡፡

~መንግስት አሰቃቂ የሰብዓዊ መብት ጥሰት ጭምር በመፈፀም ራሱም የሽብርተኝነት ተግባር ሲፈፅም ቆይቷል፡፡

~ሽብር ስልጣን ላይ ለመቆየት ኢ-ህገ መንግስታዊ ድርጊት ላይ መሳተፍና ስልጣን ለመያዝ ኢ-ህገ መንግስታዊ ድርጊት ማድረግን ያካትታል፡፡

~ ሰውን ጨለማ ቤት ማስቀመጥ፣ አካልን ማጉደል የእኛ የመንግስት የአሸባሪነት ድርጊት ነው።

~ ሕገመንግሥቱ ጨለማ ቤት አስቀምጣችሁ ግረፉ፤ አሰቃዩ አይልም። አሸባሪ እኛ ነን። ኢህአዴግ ይቅርታ ጠይቋል፤ ህዝቡም ይቅር ብሎናል፤ ህዝቡ እኛን ማሰር ነበረበት፤ በይቅርታ አልፎናል።

~ሰብአዊ መብት ጥሰቶች ከወረዳ እስከ ፌደራል ድረስ በነበሩ እስር ቤቶች ነበር። መንግስት በዚህ ስራ አሸባሪ ነበር። ያለአግባብ ታስረው የነበሩ የይቅርታ አሰጣጦች በህግ የተሰሩ ናቸው። ማንም በህግ ይቅርታ ያገኘ ሰው ታራሚ እንጂ አሸባሪ አይደለም። ይህ ምክር ቤት አሸባሪ ድርጅት እንጂ ግለሰብን ብሎ አያውቅም። ጥላቻ ላይ ተመሰረተ የፖለቲካ አካሂድ ኪሳራ ነው። ዜጎችንም አላስፈላጊ ግጭት ውስጥ እያስገባ ነው።

~ ይህ ምክር ቤት አሸባሪ ድርጅት እንጂ ግለሰብን ብሎ አያውቅም። ጥላቻ ላይ ተመሰረተ የፖለቲካ አካሄድ ኪሳራ ነው። ዜጎችንም አላስፈላጊ ግጭት ውስጥ እያስገባ ነው ።

~ ግንቦት 7 ኦነግ፣ ኦብነግ ውጊያ ፋሽን ያለፈበት ጉዳይ ነው አቁማችሁ ኑ በሀሳብ ብልጫ ውሰዱ።

~ዶክተር ብርሃኑ ነጋ እኔን ገድለው ወይም አስገድለው ስልጣን መያዝ?.. እኔ እሳቸውን ገድዬ ስልጣን ላይ መቆየት?..ሁለቱም ጊዜ ያለፈባቸው ፋሽን ናቸው፤ አይጠቅሙም፡፡

~ ጃንሆይን አፍኖ መግደል መልካም እንዳልሆነ ከመንግስቱ መማር አለብን። ቤተመንግስት የኮሎኔል መንግስቱ መግረፊያ አለ። ይህ የጥላቻ ታሪክ ያብቃ።

~ በግፍ የታሰሩት እየተለቀቁ ነው። የቀረ ካለ እንፈታለን። እስረኛ ባንድ ጀምበር አይለቀቅም። ህግ እና ስርዓት አለው። በዚህ መሰረት ይከወናል።

~ ገለልተኛ የፍትህ ተቋም እንገነባለን። የተሟላ ዲሞክራሲ የለም። የተከማቸ ችግር ስላለ ቀስ እያልን እንፈታለን።

 

ዘረኝነት

~የአፍሪካ መሪዎች ያለቪዛ አፍሪካውያን በነጻ እንዲንቀሳቀሱ ሊያደርጉ ነው፡፡ አማራ በኦሮም፤ ትግራይ በአማራ ክልል በነጻ መንቀሳቀስ ካልቻለ ስለ አፍሪካ አንድነት ለማውራት አንችልም፡፡ አንድነትን እንሰበክ፡፡

~ ድንበር እና ወሰን ማምታታት አለ። አማራ እና ኦሮም፤ አማራ እና ትግራይ ድንበር የላቸውም። ወሰን ነው። ድንበራችን ከኬኒያ ጋር ነው። አንድ አማራ ነቀምት፤ አንድ ኦሮሞ ጅግጅጋ ላይ መኖር ካልቻለ ከባድ ነው። የትም ቦታ የመኖር መብት አለን። የፊዴራሊዝም ስርዓቱ ትላልቅ ችግርን እንጂ ትንንሽ ችግሮችን ማቆም አይችልም፣

~ የእርስ በርስ ጥቃት ዘር ወደመተላለቅ የሚመራ አጉል የፖለቲካ አካሂድ እና የጥቂቶች አላማ ነው። ይሄ እንዳሆን ግን ህዝባችን ልበ ሰፊ ነው

~ እኛ ተቸግረን ለልጆቻችን ችግር፣ ጥላቻ፣ ጸብና ግጭት ማውረስ የለብንም፤ እርቅና ሰላም ነው የሚያስፈልገን፣ ኢትዮጵያውያን ለሰላም የሚከፈል ማንኛውንም ዋጋ ለመክፈል ዝግጁ መሆን አለባቸው

~ሰው ሲፈታ አይናችን የሚቀላ በቀለኞች አንሁን።

~ አማራ በኦሮሞ፤ ትግራይ በአማራ ክልል በነጻ መንቀሳቀስ ካልቻለ ስለ አፍሪካ አንድነት ለማውራት አንችልም፣

~ ድንበር እና ወሰን ማምታታት አለ። አማራ እና ኦሮም፤ አማራ እና ትግራይ ድንበር የላቸውም። ወሰን ነው። ድንበራችን ከኬኒያ ጋር ነው፣

~ አንድ አማራ ነቀምት፤ አንድ ኦሮሞ ጅግጅጋ ላይ መኖር ካልቻለ ከባድ ነው። የትም ቦታ የመኖር መብት አለን፣

~በመግደልና በመገዳደል እኖራለሁ የሚል ሰው የተሸነፈ ሰው ነው።

      ~በዘር ተጨፋጨፍን ብንባላ ለልጅ ልጅ የምናተርፈው ከባድ ውርደትና ክህደት ነው!

~አንዱ ብሔር ሌላውን ብሄር ከክልሌ ውጣልኝ ማለት ኋላቀር አስተሳሰብ ብቻ ሳይሆን ህጋዊም አይደለም! መሬት የመንግሥት እና የህዝብ ሆኖ እያለ ማንም ከመሬት ውጣልኝ ማለት አይችልም።

~ይህ የዘረኝነት እና የጥላቻ አስተሳሰባችን ሊገረዝ ይገባል፡፡

~ ጥቂቶች በስሙ ነግደው ይሆናል እንጂ የትግራይ ህዝብ የተለየ ያገኘው ነገር የለም። ሚስተር ኤክስ አጠፋ ብለን የማያውቁ ሰዎችን ጭምር በዚያ ወንጀል ስም በጥላቻና በቂም ማየት ለኢትዮጵያ አይበጅም። መለየት ያስፈልጋል። መፈረጅና ማጥቃት ተገቢ አይደለም። የትግራይ ህዝብ መታገዝ መደገፍ የሚገባው ህዝብ እንጂ ተደምሮ የሚፈረጅ አይደለም። ደሃ ነው፤ ...ምንም የለውም። ጥፋት እንኳን ቢኖር ይቅርታ ያስፈልጋል፡፡

~ የፊዴራሊዝም ስርዓቱ ትላልቅ ችግርን እንጂ ትንንሽ ችግሮችን ማቆም አይችልም፡፡

~ በምስራቅ አፍሪካ ያለው ድንበር በቅኝ ገዥዎች የተሰራ በመሆኑ "አርቲፊሻል" ነው። በቅኝ ገዥዎች ፍላጎት የተሰራ ነው። የኬኒያ፣ ኦሮሞ እና የቦረና ኦሮሞ በሁለት ሀገር ይኖራሉ። በትግራይም ተመሳሳይ ነው። ተመሳሳይ ባህል ያላቸው ሀገራት ሁለት ሀገር ሆነዋል።

~በአብሮነታችን ለቀጣዩ ትውልድ ፍቅርን እናወርሳለን፡፡ ሰው ሲፈታ አይናችን የሚቀላ በቀለኞች አንሁን፡፡ ኢትዮጵያ በቂ ሀገር ናት፡፡ ጠንካራ ተቋም እናቋቁማለን፡፡

~የአማራ እና የትግራይን፤ የኦሮሞ እና የደቡብ ወሰን ጉዳዮችን በዘላቂነት እንመልሳለን፡፡

 

 

ኢኮኖሚ

~ርዕዮተዓለም ልማታዊ መንግስታት ወደ ካፒታሊስት ስርዓት የሚያደርስ መንገዶች እንጂ ልማታዊ መንግስት በራሱ ውጤት አይደለም፡፡ ፍላጎታችን ገበያ መር ካፒታሊስት ስርዓት መገንባት ነው፡፡ የመንግስት ፍትሃዊ ጣልቃገብነት ባማከለ መንገድ የግል ባለሃብቱን እያሳተፍን እንቀጥላለን፡፡

~የግል አዋጭነት ስላለው የግል ባለሃብቱን እናጠናክራለን፡፡ በመንግስት የተያዙ ሃብቶች ለግሉ እየተሰጡ ይሄዳሉ፡፡ ከ 25 ዓመት በፊት ቡና በመንግስት ብቻ ነበር፡፡ አሁን በግል ሆኗል፡፡ ይቀጥላል፡፡ የመንግስት ሞኖፖሊ ሊቀር ይገባል ሲሉ ከህዝብ ተወካዮች ምክር ቤት ኢኮኖሚው ጋር ተያይዞ ለቀረበላቸው ጥያቄ መልሰዋል፡፡

~ከመንግስት ወደ ግል ዝውውር ሲሰራ በጥናት ላይ ተመስርቶ ነው፡፡ የተሸጡ የመንግስት ሃብቶች ከዚህ ቀደም ያለውድድር የነበሩ ስለሆነ አላደጉም፡፡ አሁን ሁሉም ሃብቶች በውድድር ይሆናሉ፡፡ የቴሌኮም ገቢ ከውጭ ገቢ አላደገም፡፡ የሃብት ብክነትም አለ፡፡ ኔትውርክም ጥራት የለውም፡፡ 12 ሚሊየን ህዝብ ያላት ሶማሊያ እንኳን ትበልጠናለች፡፡ ስለዚህ በውድድር ለግሉ ዘርፍ እንሰጣለን፡፡ በአንዴ ሳይሆን በጥናት ተመስርተን የቴሌኮሚኒኬሽን ጉዳይ እልባት እንሰጣለን፡፡

~ከኃይል አቅርቦት አንጻር ህዘቡ መብራት እያገኘ አይደለም፡፡ መንግስት ብቻውን አይሰራውም፡፡ የግል ባለሃብቱ ሊሳተፍበት ይገባል፡፡ 35 ከመቶ ኃይል በትራንስፖርት ይባክናል፡፡ ስለዚህ ኃይል በአካባቢ እንዲሰራጭ ይደረጋል፡፡ ኃይል በአካባቢ ከሆነ ስርጭቱም ፍትሃዊ ይሆናል፡፡

~የአፍሪካ መሪዎች ኢትዮጵያን ጨምሮ የአፍሪካ አየር መንገድ አንድ እንዲሆን ተፈርሟል፡፡ የኢትዮጵያ አየር መንገድ በአፍሪካ የብዙ ሀገራትን ገዝቷል፡፡ ስለዚህ መንግስት ብቻውን መያዝ የለበትም፡፡ የግል ባለሃብቱም መጠቀም አለበት፡፡ ይህ ለተጨማሪ ትርፍ ይጠቅመናል፡፡ ስራችንንም ያቀላጥፍልናል፡፡

~መርከቦቻችን ቁመው ነው የሚውሉት፡፡ ጎረቤት ሀገራት ይበልጡናል፡፡ ወደ ኋላ መቅረት የለበትም፡፡ የሎጂክስትስ ስራችን ኋላቀር ነው፡፡ ከዓለም 160ኛ ነን፡፡ መርከቦቻችን ቁመው ነው የሚውሉት፡፡ ጎረቤት ሀገራት ይበልጡናል፡፡ ወደ ኋላ መቅረት የለበትም፡፡ የሎጀስቲክስ ዘርፉ ካልተስተካከለ ፈጣን ኢኮኖሚን መሸከም አንችልም፡፡ የውጭ ምንዛሬን ለማስተካከልም የሎጂስቲክስ ዘርፉ ለግል ባለሃብቱ ይሠጣል፡፡

~ የኢኮኖሚ ማሻሻያው ያስፈለገው የውጭ ብድር ለመክፈል፤ የሚዘገዩ ፕሮጀክቶችን ቶሎ ለመጨረስ፤ የስራ እድል ለመፍጠር። የገቢ ስራዓትን ለማዘመን አስፈላጊ በመሆኑ ነው።

~ በትንሽ ብር የጀመርነው ፕሮጀክት ከእጥፍ በላይ እየሆነ ነው። ለዚህም ነው የግሉን ዘርፍ ማሳተፍ የተፈለገው። የመንግስት ሞኖፖሊ ሊቀር ይገባል። ኔትወርክም ጥራት የለውም።

~ 12 ሚሊየን ህዝብ ያላት ሶማሊያ አራት የቴሌኮም ኩባንያ ሲኖራት እኛ ግን 100 ሚሊየን ህዝብ ይዘን ያለን ኩባንያ አንድ ብቻ ነው።

~የትምህርት ፍኖተ ካርታ ተዘጋጅቷል፡፡ በጥናት እየተሰራ ነው፡፡

~የኢንቨስትመንት ፕሮጀክቶች ገቢ በ7 ነጥብ 7 ቢሊየን ወርዷል፡፡ የውጭ ምንዛሬውም ቀንሷል፡፡ በመሆኑም ጥቁር (የጓዳ) ገበያውን እንቆጣጠራለን፡፡

~የሚላኩ ምርቶች እንጨምራለን፡፡ የሀገሪቱ የውጭ እዳ ከ 24 ቢሊየን ዶላር በላይ ደርሷል፡፡ በቀጣይነት የማሻሻያ ስራዎች ይሰራሉ፡፡ ፕራይቬታይዤሽን አንዱ መንገድ ነው፡፡

 

የኢትዮ-ኤርትራ ጉዳይ፣

~ የአልጀርስ ስምምነት በፓርላማው ቀድሞ የጸደቀ ነው። ለአፍሪካ መሪዎችም ደርሷል። ዓለምም ያውቀዋል። መሆን የማይገባው ጦርነት አድርገናል። አስከፊ ጦርነት ነው። ጦርነት እያስታመምን አንኖርም።

~ ጦርነት አቁሙ ሲባል እያለቀሱ ከተመለሱት አንዱ እኔ ነኝ... ስሜቱን አውቀዋለሁ። እናቴ ያሳደገችው የወንድሜን ልጅ ባድሜ ላይ ነው ያጣሁት.... ወንድሜን ገብሬበታለሁ። ብዙ ጓደኞቼን ቀብሬ አልፌያለሁ። ስሜቱን አውቀዋለሁ፤ ነገር ግን የአልጀርሱን ስምምነት ያጸደቃችሁት እናንተ [የህዝብ ተወካዮች ምከር ቤት አባላት] ናችሁ። ቃለጉባኤውን ማየት ይቻላል። እኛ አዲስ ነገር አላመጣንም።

~የባድመ ጉዳይ አዲስ አይደለም። አስፈጽሙ ያላችሁንን ነው እያስፈጸምን ያለነው...

~ የድብቅ ፖለቲካ ካሁን በኋላ በቃ። የሥራ አስፈጻሚው ውሳኔ ለህዝባችን ቶሎ መስማት አለበት። ከህዝባችን የሚደበቅ ነገር የለም።

~ ደቡብ እና ሰሜን ኮርያ አንድ እየሆኑ ነው። ኤርትራ እና ኢትዮጵያም መቀራረብ አለባቸው። ለብሄራዊ ጥቅም እንተጋለን። የኤርትራ ህዝብ ወንድማችን ነው። ህዝብ ጠይቋል። ስለዚህ የተመለሰው የህዝብ ጥያቄ ነው።

 

ሚዲያ

~ ተዘግተው የነበሩ ድረ-ገጾች ተከፍተዋል። እንዳይጽፉ ተከልክለው የነበሩ አምደኞች በነጻነት እንዲጽፉ ለማድረግ ስራ ተሰርቷል።

ሚዲያዎች የህዝብ ድምጽ እንዲሆኑ የተጀመረው ስራ ተጠናክሮ ይቀጥላል። በቀጣይ የህዝብ ድምጽ እንዲሆኑም እንሰራለን።

 

ሙስና

~ መጠኑ ይስፋም ይነስ እንጂ ሌብነት ከጫፍ እስከ ጫፍ አለ። በሃይማኖት ተቋማት፣ በትምህርት ተቋማት፣ በመንግስት ተቋማት አለ። ማሰር የማይችል መንግስት አድርጎ የሚያስበን ሰው አለ፤ ግን ማሰር ከአባቶቻችን ጀምሮ ነበር፤ አዲስ ነገር አይደለም፤ እጃቸውን መሰብሰብ ያለባቸው ግን አሉ።

~ ሃብት የዘረፉ ሰዎች ኢትዮጵያ ውስጥ አሉ። ሌቦች አሉ። ሌቦች እንዳልታወቀባቸው ነገር እየሸረቡ ነው። እርምጃ እንወስዳለን። ስርዓቱ እኩል አይን የለውም። አጣርተን እናስራለን እንጂ አስረን አናጣራም።

~ ሙስና አምስተኛው መንግስት ነው የሚባለው የተደራጀ መዋቅራዊ ቡድን በመሆኑ ነው። መዋቅራዊ በመሆኑ በመገናኛ ብዙኃን ጭምር በመታገዝ ልንታገለው ይገባል።

~ የመንግስት ባለስልጣን በስራ ላይ እያለ ነጋዴ፣ ሀብታም መሆን አይችልም፤ ነጋዴ፣ ሀብታም መሆን ካማረው ቢሮውን ለቆ መሄድ አለበት።

 

ፖለቲካና ሌሎች

~የፖለቲካ ምህዳሩን ለማስፋት አስረኞች ተለቀዋል፡፡ ከውጭ ያሉትም ገብተዋል፤ እየገቡም ነው፡፡ የሚዲያ ነጻነት እንዲረጋገጥ የኢንትርኔት ጸኃፊዎች ነጻነት እየተረጋገጠ ነው፡፡ በቀጣይም ጠንክረን እንሰራለን፡፡ ነጻ ሚዲያ እንፈጥራለን፡፡ የፍትህ ህግ ማሻሻያ አዲስ ማዕቀፍ መርሃግብር ተዘጋጅቷል፡፡ የፍትህ ስራዓቱ ላይ ፍተሸ ይደረጋል፡፡ የኢኮኖሚ አሻጥርን ለማስቀረት ኢኮኖሚው ላይ ይሰራል፡:

~ የዲሞክራሲ ምንጩ ህዝብ ነው፣ ጸረ ዴሞክራሲ ከሆነ ግን መንግስት ህግን ማስከበር ግድ ይላል። ህግ አስከባሪዎችን ጠላት አድርጎ ማሰብ ተገቢ አይደለም።

~ መከላከያንም ማንም ዜጋ አይቶ መገምገም አለበት፤ መከላከያ በትንሽ ገንዘብ ህይወታቸውን የሚሰጡበት ቦታ እንጂ የሚፈራ አጥር አይደለም።

~ በውስጥ ያለ ፍቅር ለአገር ብቻ ሳይሆን በዓለም እንደመጣለን። ወደ ደቡብ ዛሬ ሂደን ነገ እናወያያለን። ኦሮሞ ከሶማሊያ፣ አማራ ከትግራይ ጋርም አለመግባባት አለ። እንፈታለን። እንደመር። እንወያያለን።

~ለብሄራዊ ጥቅም እንተጋለን፡፡ የኤርትራ ህዝብ ወንድማችን ነው፡፡ ህዝብ ጠይቋል፡፡ ስለዚህ የተመለሰው የህዝብ ጥያቄ ነው፡፡ የድበቃ ፖለቲካ ካሁን በኋላ በቃ፡፡ የሥራ አስፈጻሚው ውሳኔ ለህዝባችን ቶሎ መስማት አለበት፡፡

~ለኢትዮጵያ እኛ ብቻ አይደለንም የምንቆረቆር፤ ሁሉም ይቆረቆራል፡፡

~ኤርትራ ያላችሁ ሁሉ ወደ ሀገራችሁ ግቡ፤ እንደራደራለን፡፡

~የግንቦት ሰባት፤ የኦነግ፣ የኦብነግ ሰዎች በይቅርታ እንገናኝ፤ የትጥቅ ትግል አሮጌ ፋሽን ነው፡፡

~የቂም በቀል ፖለቲካ ይቁም፡፡ ኢህአዴግ ይቅርታ ጠይቋል፤ ህዝቡም ይቅር ብሎናል፤ ህዝቡ እኛን ማሰር ነበረት፡፡ በይቅርታ አልፎናል፡፡ ስለዚህ ይቅርታ ነው፡፡ እኛም ይቅር ብለናል፡፡

~ሶማሊያ እና ኢትዮጵያ ወደ አንድ ሀገርነት ልንመጣ ነው፡፡ ትልቅ ሀገር ለመሆን በጋራ እንደመራለን፡፡ ትንንሽ ደሃ ሀገር መሆን የለበትም፡፡¾

ይምረጡ
(3 ሰዎች መርጠዋል)
260 ጊዜ ተነበዋል

Sendek Newspaper

Bole sub city behind Atlas hotel

Contact us