አፍሪካ ለምን?

Wednesday, 08 June 2016 12:21

 

ወሰንሰገድ መሸሻ በላቸው

/ This email address is being protected from spambots. You need JavaScript enabled to view it. /

አፍሪካ ወይም ሌሎች አህጉራት እንዴት እንደተፈጠሩና አፍሪካውያን በተለያዩ ምክንያቶች ለምን ዒላማዎቻቸው እንደምንመቻቸውና እንዴት እንድንውል እንዴት እንድናድር እንዴት እንድንተነፍስ ሽንት ቤት ለመሄድ እንኳን በእነሱ በጎ ፈቃድና ይሁንታ ስር እንድንገባ ያበቁንንና የዳረጉንን ጥቂት ምክንያቶች ገረፍ ገረፍ እያደረግን ማየቱ ባለፈው ሳምንት አካኪኖስ ደረጃ የተሰጠበትን ሊበሏት ያሰቧትን አሞራ ጅግራ ናት ብሎ መብላትንና ቆሎ ይዘው ካሻሮ መጠጋት ሂደት እንዳለበትም ያመላክተናል ብዬ አስባለሁ።

ዓለም ስትፈጠር ከነበረችበት መልካም ሁኔታ በሰው ጣልቃ ገብነት ሙሉ ለሙሉ ተቀይራለች፣ ተጎሳቁላለች። በብዙ ምክንያቶች ሕይወት ያላቸው ፍጥረታት በመሬት ላይ እንዲኖሩ የሚያስችሉ መነሻዎች በመኖራቸው ሰዎችም በምድር ላይ መኖር ከጀመሩ በቢሊዮን የሚቆጠሩ ዓመታትን ወስደዋል።

ለምድር ተፈጥሮ የለገሰቻቸውን ጸጋዎችና በረከቶች ሰዎች ተፈጥሮ በሰጠችው ክህሎትና መብቃት ተጠቅሞ ለራሱ በሚያሳስብ ስግብግብነት ከዘረፋ በከፋ መልኩ አበለሻሽቷታል። የላይኛው የመሬት ክፍል አልበቃው ብሎ  እንደፍልፈል ቁልቁል እየማሰ በጥልቅ ወርዶ ሆድእቃዋን ሁሉ በርብሮ አሟጦታል።

በዚህ አባባል ብዙ ሰዎች አይስማሙም። የተሳሳተ የጨለምተኝነት አስተሳሰብ ያላቸው የደካሞች ትንተና ነው ብለው በመከራከር ሰው ምድርን በሳይንሳዊ ጥበቡ ለራሱ እንድትመቸውና በሚስማማው መልኩ በመለወጥ ከእርጅና ታድጓታል፣ በከንቱ ተሸክማው የነበረውን ሐብቷን ለመጠቀም እንድንችል በአምሳሉ የፈጠረን ፈጣሪ ስልጣን ስለሰጠን የተሰጠንን የበላይነት ስልጣን በመጠቀም ለኑሮ አመቺ እንድትሆን በማድረግ ለዝንተ ዓለም ተወዝፎ የሚኖረውን ሐብቷን ዋጋ እንዲያወጣ በማድረግ በምድር ላይ ላሉት ፍጥረታት ሁሉ በበላይነታችን ተጠቅመው እንዲጠቅሙ ነፍስ ዘርተንባቸዋል የሚሉ ነጥቦችን ያነሳሉ።

ይህን ክርክር መነሻ አድርገን እኛም ወደ ክርክሩ አንገባም፣ አቋም ይዘንም አንጓዝም። መነሻችንም ሆነ መድረሻችን አህጉራት እንዴት እንደተፈጠሩ፣ ሰዎች በዚህ የተነሳ ምን እያደረጉ እንደመጡ፣ ባዶ እርቃኑን ቂጡን ተፈጥሮ በሰጠችው በቅጠል እንኳን የማይሸፍን የነበረው የሰው ልጅ ዛሬ ያችኑ ገላውን በብዙ ሽህ ብሮች የሚገዙ አልባሳትን በአካሉ ላይ ጭኖ መዋል ማደሩን፣ ባጋጠሙት ችግሮችና በተከሰቱበት አደጋዎች ሳቢያ በጋራ መኖርን እንደ ህልውናው መጠበቅ ሲጠቀምበት የኖረ ቢሆንም ግላዊ ፍላጎቶቹ እያሸነፉት በመምጣታቸው ነገሮች ሁሉ መቀየራቸውንና ለራሱ ብቻ መኖር በመጀመሩ ለሁሉም የሚበቃ መሆኑን እያወቀም ቢሆን እኔን ይሻሙኛል የሚላቸውን የማይፈልጋቸውን ሳይቀር ለግሉ ማግበስበስና ይሻሙኛል እምፈልገውን እንዳጣ ያደርጉኛል የሚላቸውን ሁሉ ያለምህረትና ያለርህራሄ ማጥፋትን መርሁ አድርጎ መጓዙን ከብዙ ማእዘናት ፈርጀን በብዙ አቅጣጫ በዳሰሳዊ ቅኝት መልክ እናየዋለን።  

ውቅያኖስ በተፈጥሯዊ ተግባሩ የመሬትን ሙቀት በመቆጣጠር ከፍተኛ ሚና ይጫወታል። አንዳንድ ምሁራን ውቅያኖስ የመሬት ሳምባ ተብሎ መጠራት አለበት ብለው ያምናሉ። ውቅያኖስ ከአካባቢ አየር መጠኑ ከፍተኛ የሆነ ካርበንዳይኦክሳይድ በመውሰድ ከዚህ ከባቢ አየር ካለው ኦክስጅን ከግማሽ በላይ የሚሆነውን ይሰጣል። በእርግጥ የሰው ልጅ ኦክስጅን ወደ ውስጡ እያስገባ ካርበንዳይኦክሳይድን ወደ ውጭ ስለሚተነፍስ ሰው ብዙ ካርበንዳይኦክሳይድ እንዲያስወጣና እራሱን እስከመሳት ወደሚያደርሱ  አስገዳጅ ሁኔታዎች በመግባት አቅሉን ሊያስቱትና ትንፋሹን ሊያዛቡበት ይችላሉ ብለው የሚሞግቱት ጥቂት አይደሉም። ሆኖም ውቅያኖስ ከፍተኛ የምግብ ምንጭ በመሆንና ለመጓጓዣ መገልገያነት በማገዝ ለሰው ልጅ ሕይወት አስፈላጊ ሁኔታና ጠቃሚ የተፈጥሮ ሃብት በመሆንም ያገለግላል።

በዚህ የውቅያኖስ መበከል የመሬት ሳምባ የሆነው ውቅያኖስ ለሰው ልጅ በሚሰጠው አገልግሎት ላይ እክል በመፍጠር በውቅያኖሱ ውሃ ገፅታ ላይ የሚስፋፋው ዘይት ካርበንዳይኦክሳይድ በውቅያኖሱ ውሃ እንዳይመጠጥ ያግዳል። በዚህም የተነሳ ለአያሌ የእንስሳት ዘሮች መጥፋትና ቁጥር መቀነስ አስተዋፅኦ ያደርጋል።

የመሬት ከባቢ አየር መበከል የሰውና የተፈጥሮ ግንኙነት ችግር ውስጥ የገባ የመሆኑ ሌላው ገፅታ ነው። ከባቢ አየር በአቧራ፣ በካርበንዳይኦክሳይድ፣ በሰልፈር፣ በሊድ፣ በናይትሮጅንና ፀረ ተባይ /pestsides/ እና በሌሎችም ነገሮች ከዕለት ወደዕለት እየተመረዘ ነው።

በእያንዳንዱ ዓመት ወደ ከባቢ አየር 200 ሚሊዮን ቶን ካርቦንዳይኦክሳይድ፣ ከ50 ሚሊዮን የሚበልጡ የተለያዩ የካርበን ዓይነቶች፣ 146 ሚሊዮን ቶን የሚሆን ሰልፈርዳይኦክሳይድ፣ 53 ሚሊዮን ቶን ናትሪክ ኦክሳይድ ወዘተ እንደሚጨምር ጥናቶች ያሳያሉ።

የብናኝ ወደ ሃገር ውስጥ መግባትና በአጠቃላይም የከባቢ አየር መበከል ለሰዎችና ለሰዎች ኑሮ በአስፈላጊ ሁኔታዎች ላይ ችግር የሚፈጥሩ መሆኑም ይታወቃል።

በአየሩ ውስጥ የአቧራና የብናኝ መበራከት የጠቅላላው የመሬት መቀዝቀዝን እንዲያውም በበረዶ መሸፈንን ሊያስከትል ይችላል። ይህም በበረዶ አካባቢ ለሚኖሩ አውሮፓውያን አመቺ ስለማይሆን ወደ ተጎሳቆለችው አፍሪካ በስደት ሳይሆን ታማኞቻቸውን ብቻ አቆይተው ሌሎቹን አላስፈላጊ በላተኞች  አካኪኖስ የሚሏቸው ሰዎቿን ሙሉ ለሙሉ በማስወገድ አፍሪካ ለመምጣት ዋናው ምክንያት ይሆናል ተብሎ ይሰጋል።

ሰው በየአመቱ 20 ሚሊዮን ብናኝ ነገሮችን ወደ አየር የጨመረና በከባቢ አየር ውስጥ ካለው ኦክስጅንም ከ10 ሽህ ሚሊዮን ቶን በላይ እየተጠቀመ መሆኑን አጥኝዎቹ የገለፁ ቢሆንም በሌሎች ግምቶቻቸው ደግሞ በአካባቢያችን የካርበንዳይኦክሳይድ መብዛት የመሬትን የአየር ሙቀት የሚያንረው መሆኑንም አክለው አመላክዋል።

የከባቢ አየር የበለጠ እየሞቀ የሚሄድበት ሁኔታ ወደፊት የሚከሰት ሲሆን ይህም በአያሌ የዓለም አካባቢዎች የዝናም ስርጭትን የሚያዛባና ከዚህም ተያይዞ በኢኮኖሚ እንቅስቃሴ ላይ ከፍተኛ ችግር የሚያስከትል መሆኑ ግምታዊ ጥናቶቻቸውም ስለሚያመለክቱ፣ የአለማችን ሙቀት ሲጨምርም የድርቅ ተደጋግሞ መምጣት የሚከሰት መሆኑንም ስለሚገነዘቡ ብዙ ትንፋሽ የሚለቁት አፍሪካውያንም የመወገዳቸውን አስፈላጊነትንም አጥኚዎቻቸው አመላክተዋቸዋል።

ሰው ራሱንና መላውን ሰብአዊ ፍጡርም ሆነ ሕይወት ያላቸውን ነገሮች ሁሉ ከምድር ገፅ እንዲጠፉ ካልፈለገ በስተቀር ማንኛውንም ጎጂ ቆሻሻን በተፈጥሮ ላይ ከመድፋት መቆጠብና ለራሱ ሕልውና አስፈላጊ ተፈጥሮአዊ ሁኔታን እራሱ መፍጠርና መጠበቅ ግዴታው ይሆናል ተብሎ ይታመናል። ሆኖም ያደጉትና የበለፀጉት ሀገራት ለጊዜው የኒውክሊየር ዝቃጮቻቸውን የሚያስወግዱትም አፍሪካ ውስጥ በማራገፍና በመድፋት በመሆኑ አፍሪካውያንን ቀስበቀስ እየጎዱ ለመፍጀት አንዱ መንገድ አድርገውታል።

ገዳይ የሆኑ ኬሚካሎችን በማዳበሪያም ሆነ በሌሎች መልኮች ለአፍሪካ የልማት አጋዥነቱን በማሳመን ዳር እስከዳር እንዲጠቀሙበት እያደረጉ ነው። በእርግጥ ይህን በምድራቸው ላይ እንዲያሰራጩ በትምህርት ድጋፍ በስኮላርሽፕም ሆነ አፍሪካውያኑ በራሳቸው ጥረት ባገኙት ቀዳዳ ወደ ውጭ ሄደው የሚማሩቱም አህጉሪቱን በማጥፋት በሚረዳቸው መልኩ አሰልጥነው ከነቃልኪዳናቸው ስለሚልኳቸው በበረዷማ ሐገራት ላይ በመልካም ጎኑ የተማሩትን ትምሕርት ሳይቀር በአፍሪካ ምድር የአየር ንብረት ና አፈር ላይ የአፍሪካን ተጨባጭ ሁኔታ ሳያካትቱ ያንኑ የተማሩትን የበረዶ እውቀት ቀጥታ በአፍሪካ ምድር በእፅዋቶቹ ልማትም ሆነ በሰብሎቹ ላይ ለመተግበር የአህጉሪቱን ሐብት በማያስፈልግ ወጪ እያባከኑ ለላኳቸው ሪፖርት በማቅረብ ከነሱ የሚያገኙትን ፍርፋሪ ይከጅላሉ።

ከላይ ልናሳይ እንደሞከርነው ተፈጥሮ ከተግባርና ከሌሎችም ማኅበራዊ ሂደቶች የተፈጠረውን ቆሻሻ/ለምሳሌ ከኢንዱስትሪ የሚወጣውን ካርበንዳይኦክሳይድ/ በመቀበልና በማጣራት /ለምሳሌ ዕፅዋት ካርበንዳይኦክሳይድን በመውሰድና ኦክስጅን በመተንፈስ/ የሚያቀርቡት አገልግሎት እንዳይቋረጥ መጣር ይገባል። በተፈጥሮ ላይ የሚደፋው ቆሻሻ ተፈጥሮ ተቀብሎ ከሚያጣራው በላይ እየሆነ የመገኘቱ ጉዳይ ተፈጥሮ የአካባቢም አረም ጭምር እየተበከለ እንዲሄድ የደርጋል። ይህ እንዳይሆን ግን የሚያደርጉ አደገኛ በካዮቹን የበለፀጉት ሐገራት ወደ አፍሪካ እየላኩ በበጀት እየደገፉ በተፈጥሮ ላይ ያስደፉበታል።

አያሌ ትናንሽ ትላትሎች ባክተሪያዎችና ሌሎችም ጥቃቅን ነፍሳት /ለሰው ልጅ በጣም ጎጅ የሆኑት ጭምር/ ከፍተኛ የሆነ የኬሚካልና የአካላዊ ግምት ካለው ሁኔታ ጋር ራሳቸውን በማስተካከል ሊኖሩ የሚችሉ ሲሆን የሰው ሥነ ሕይወታዊ ተፈጥሮ ግን እራሱን በጣም ከፍተኛ ለሆነ የአካባቢ ለውጥ የመስማማት ችሎታቸው ዝቅተኛ ነው። አፍሪካውያኑም አገር በቀል እውቀታቸውን ጥለውና ረግጠው እውቀትን ሳይሆን የፈረንጆቹን ትርኪምርኪ በጉጉት ለመቀበል በሚያደርጉት ጥድፊያ ይህን ዝቅተኛ የሆነ የመቀበል ችሎታ አጥፍተውታል።

ሰው ለረጅም ጊዜ እራሱን ባስተካከለበት ጠበብ ባለ የተፈጥሮ ሁኔታ /ለምሳሌ በተወሰነ የአየር ሙቀት ክልል ውስጥ/ ብቻ ሊኖር የሚችል ነው። በመሆኑም ሰው በአካባቢው መጠነኛ የሆነ የኬሚካልና የአካላዊ ሁኔታዎች ለውጥ ሲያጋጥመው በራሱ ሊኖርና ሊያድግ የሚችል ስንኩል ወይም ደካማ ፍጡር ያፈራል ወይም ጭራሹን ይጠፋል። ይህ በአፍሪካውያኑ ለዘመናት የታየ ነው።

የተፈጥሮ /በተለይም የዓውደ ሕይወት/ ምርታማነት የመቀነስ  ጉዳይ እየተባባሰ የመሄዱ ጉዳይ ሰው አፈርን፣ ውሃንና አየርን እየበከለ እነኝህ ተፈጥሯዊ ነገሮች የሚያካሂዱ ተፈጥሯዊ ተግባርን/ለምሳሌ የባሕር፣ የምድርን ተግባርን/ እያደናቀፈ ይሄዳል። አውሮፓውያኑ የራሳቸውን ጥቅም ብቻ ስሌት ውስጥ በማስገባት የራሳቸውን ባሕርና ምድር እየተንከባከቡ ዕፅዋትና ሌሎችም የካርበንዳይኦክሳይድ ተጠቃሚዎች ሊወስዱ ከሚችሉት መጠን በላይ የሆነ ካርበንዳይኦክሳይድ ወደ አየር እየጨመሩ የአየር ሁኔታን ባጠቃላይ እያበላሹ ነው።

አፈር ባመዛኙ ሕይወት ባላቸው ጥቃቅን ነገሮች የተሞላና ህልውናውም ከውሃ ከአየር መኖር ሊነጠል የማይችል የተፈጥሮ ሃብት ነው። ያለውሃና ያለ አየር አፈር ወደ አቧራነት ይለወጣል። የእነኝህ እጅግ እርስበርሳቸው የሚደጋገፉና የሰው ሕይወት ምንጭ የሕልውናው ቅድመ ሁኔታ እየሆኑ የተፈጥሮ ሃብቶች መበላሸት ምርታማነታቸው ይቀንሳል።

መበላሸታቸውም እላይ እንደተጠቀሰው ባካባቢው የሚገኙ ፍጥረታት ሙሉ በሙሉ ሊጠፉ እንደሚችሉ ይታወቃል። ይህ ጥፋት በተራው የአካባቢውን ሰው ለረሃብ የሚዳርግና የሚያጠፋ ይሆናል። የእነኝህና የሌሎችም ተዛማጅነት ያላቸው የሰውና የተፈጥሮ ግንኙነት ችግሮች ናቸው የአካባቢ ችግር በመባል የሚታወቁት። ይህ ሁኔታም ከቀጠለ የአካባቢ ችግር በሰው ላይ ከፍተኛ ጥፋትና ቀውስ ወደ ሚያደርስ ችግር ሊሸጋገር እንደሚችል የታወቀ ነው። የቀውሱም መፈጠር የሰውን የመኖርና ያለመኖር ጥያቄ ሆኖ የሚቀርብ ታላቅ ጉዳይ ሆነ።

የሰውና የተፈጥሮ ግንኙነት ችግር ዓለምአቀፋዊ ችግር ነው። ይህ ችግር ለመላው የሰው ዘር አደገኛ የሆነና መፍትሔውም በአጠቃላይ የዓለም ሕዝቦችን ትብብርና በጋራ መሥራትን የሚጠይቅ አቢይ ጉዳይ ነው። የመሬት የተፈጥሮ ሃብት መባከን የአየርና የውቅያኖስ ውሃ መበከል የአፈር መከላት ወዘተ… መንስኤያቸው ቢለያይም የሰው ልጅ የጋራ ችግሮችና ሕልውናውን የሚፈታተኑ ጉዳዮች እንደሆኑ የሚዘልቁ ናቸው።

የሕዝብ ቁጥር መናር ሊያስከትል የሚችለውን ችግር ለማጤን የከተሞችን፣ የመንገዶችን፣ የመስሪያና የመዝናኛ ቦታዎችን መስፋፋትና ለግብርና ሥራ የሚውለውን መሬት መቀነሱን እንዲሁም የበርካታ የተፈጥሮ ሃብት ማለቅ ማስከተሉን በገሃድ ታይቷል። ይህ በከፋ ሁኔታ መቀጠሉ ኪሳራነቱ ለአፍሪካውያን ብቻ ሲሆን አውሮፓውያኑ በቅኝ ግዛት ለመያዝ ይቋምጡላቸው ለነበሩት ሰው አልባ ለሚሆኑት ባዶ ምድር ተረካቢ እንደሚሆኑ ስለሚታሰብ የነሱ ጥቂት ሰዎች የተንሰራፋውንና ያልለማውን ብዙ መሬት ስለሚይዙ አትራፊዎች ይሆናሉ። 

በማኅበራዊ እድገትና ከዚህም ተያይዞ ሕብረተሰቡን በእቅድ የማሳደግ መርሕ ተግባራዊ ካልሆነ ግን የዓለም ሕዝብ ቁጥር መናር በብዙ ሐገሮች የሕዝብ እልቂትንና ሌላም አሳዛኝ ማኅበራዊ ችግሮችን በዓለም አቀፍ ደረጃም ቀውስን እንደሚያስከትል ስለሚያምኑበት በዚህ ላይ የተመሰረተ ዘዴና መላ አዘጋጅተዋል።

ባለንበት ዘመን በምድር ላይ ያለውን ምርት የማሳደግ ችሎታ በየወቅቱ የሚያሳየው የእድገት መጠን ከሕዝብ ቁጥር የፈጠነ መሆኑን የዓለም የምግብና የእርሻ ድርጅትም ደጋግሞ ገልጧል። ዛሬ የሰው ልጅ በግብርና መስክ የደረሰበት የቴክኖሎጅ ደረጃ ወይም እድገት ያለአንዳች እንቅፋት ለመላው የዓለም ሕዝብ ምርት ማምረቻ ለማዋል ቢቻል ኖሮ አሁን ያለውን የዓለም ህዝብ የምግብ ፍላጎት ከማርካት አልፎ ዛሬ በምድር ያለውን ሕዝብ ሁለት ወይም ሶስት ጊዜ እጥፍ የሚሆነውን ኃይል መመገብ በተቻለ ነበር።

ተገቢውን ቴክኖሎጅ የመስኖ ስራ ቴክኒክ በመጠቀም መላው የሰብል መሬት /Gross Cropped Area/ ቢለማ ኖሮ ከ50 እስከ 60 ቢሊየን የሚሆን ሕዝብ ለመመገብ የሚችል ምርት ለማምረት እንደሚቻልም በርካታ ሰነዶች ያሳያሉ።

ሰው በማኅበራዊ እድገቱ ውስጥ በአካባቢው ካሉ ነገሮች ፍላጎቱን ለማርካት የሚያስችሉትን ስልቶችና ዘዴዎች የመቀየስ ችሎታ ያለው ፍጡር ነው። የመሬት ሃብት የሰውን ፍላጎት ለማርካት ያለው ችሎታ ኅብረተሰቡ ካለበት ስልተምርትና ከምርት ኃይሎች ጋር /ከቴክኖሎጅና ከእውቀት የእድገት ደረጃው ጭምር/ የተጣመረ ነው።

ሰው እንደማኅበራዊ የእድገት ደረጃው የሚያውቀውን የተፈጥሮ ሃብት በትክክል የመጠቀምና ፍላጎቱንም ለማርካት የሚያስችሉት አዳዲስ የተፈጥሮ ሐብቶች የማግኘት ችሎታ አለው። ይህ ባይሆን ኖሮ የሰው ልጅ ከረጅም ዓመታት በፊት ህልውናውን ባጣ ነበር። መረን የለቀቀ ስግብግብነት በማየሉ ግን የተመረጡ ሰዎችን ለይተው በመቀነስ አብዝሃኞቹን አጥፍተው የጥቂቶቹን ህልውና ብቻ መጠበቅ በሚያስችል እስትራተጅና መዋቅር ውስጥ በመንቀሳቀስ ወደ ዘመናዊው የጥፋት ውሃ እያመሩ ነው።

ሰው በፈጣሪ በአምሳሉ የተፈጠረው የፈጣሪው የእግዚአብሔር ወገን ወዳጅና የባሕርዩ ወራሽ እንዲሆን እንደነበርና ሰው የራሱን ሰላም ራሱ እንደሚቃወምም መጽሐፍ ቅዱስ ያስተምራል።

ክርስቶስ ወደ መሬት ከተመለሰ በኋላ ለአንድ ሽህ ዓመታት የሚፀና የእግዚአብሔር መንግስት  አይመሰርትም የሚሉት በሽህ ያምኑ ሲባሉ ክርስቶስ ወደመሬት እንደሚመለስና ቀጥሎም የሽህ ዓመታት መንግስት እንደሚመሰረት የሚያምኑት ደግሞ የሽህ ዓመታት አማኞች /ፕሬሚሊኒያሌስትስ ይባላሉ። በሌላ በኩል በመሬት ላይ ያሉትን ሰይጣናዊ እምነቶችና ሥራዎች መሪዎቻቸውንም ጭምር ክርስቲያኖች ያስወግዱልናል ብለው የሚያምኑት ፖስት ሚሊኒያሊስትስ ተብለው የሚጠሩ ሲሆን፣  በራሳቸው ጥረት ብቻ የእግዚአብሔርን መንግሥት ለአንድ ሽህ አመታት ጸንቶ የሚቆይ በመሬት ላይ ሊመሠርቱ እሚችሉ መሆናቸውንና ከአንድ ሽህ ዓመታት በኋላ በቤተክርስቲያን መሪነትና የበላይነት ሰላም፣ እኩልነትና መብት በመሬት ላይ ፀንተው እንዲሰፍኑና ክርስቶስ በሚመጣበት ጊዜ የሁሉ ነገር ፍፃሜ እንደሚሆን በፅኑ ያምናሉ። በላቲን ቋንቋ አንድ ሽህ ማለት ሚሊኒየም መሆኑንና የሚሊኒየሙ ምድራዊ መንግሥት በሚል ለዘመናት ትምሕርት ሲሰጥ ኖሯል።

ጥንት ሳይንስ ባልተስፋፋበት በድንጋይ ዘመን ምድር ጠፍጣፋ ናት ተብሎ ይታመን የነበረ ሲሆን የግሪኮች ስልጣኔ በመጠቀበት ዘመን መሬት እንደኳስ የተድበለበች መሆኗ የሚያስማማ አቅጣጫ ይዞ በ16ኛው መቶ አመት ፖላንዳዊው ሊቅ ኮፐርኒከስ ያቀረበው መላምት የምድርን ድቡልቡልነት ይበልጥ እንዲተኮርበት አደረገ። የፖርቱጋሉ ቫስኮ ደጋማ ዓለምን መዞር ለኮፐርኒከስ መላምት ጭብጥ ማጠናከሪያዎችን በማስገኘቱ እንግሊዛዊው የፊዚክስ ሊቅ ኒውተን የኮፐርኒከስን መላምት በማሻሻል በሒሳብ በተደገፈ ማረጋገጫ ምድር ብርቱካን የመሰለ ቅርፅ ያላት መሆኑን ገለፀ።

ምድር በብዙ ተራሮች፣ ኮረፕታዎች፣ ሜዳዎች፣ ሸለቆዎችና የተለያየ ጥልቀት ባላቸው ውቅያኖሶች የተሸፈነ ገፅታ አላት። ምድር ከ4.7 ቢሊየን ዓመታት በፊት በመጀመሪያ መልክ ስትይዝ በብዙ የጋዝ ዓይነቶች የተከበበች እንደነበረችና ሐይድሮጅን፣ ሒሊየም፣ ሚቴን፣ አሞንያ፣ ናይትሮጅንና መጠነኛ ኒዮን፣ አርጎንና ክሪፕቶን የመሳሰሉ ጋዞች ነበሩባት። ሆኖም ከፀሐይ አካባቢ ከተፈጠረው ፀሐያዊ ንፋስ እየተባለ በሚጠራው ጨረራ ከሞላ ጎደል ተጠራርገው ከመጥፋታቸው ባሻገር 4.7 እስከ 3.7 ቢሊየን ዓመት ድረስ ተፈጥሮ የነበረው ኃይለኛ የመሬት ሙቀት ከፀሐያዊ ነፋስ /ከጨረራ/ የተረፉትን ጋዞች ስላተነናቸው በምድር ላይ ምንም ዓይነት አየር ወይም ውሃ እንዳልነበረ በርካታ ጥናቶች አረጋግጠዋል።

የተወርዋሪ ኮከቦች በብዛት ወደ ምድር መዝነብና የጨረቃ ወደ መሬት አካባቢ በኃይል መጠጋት በሙሉም ባይሆን በከፊል መቅለጥ ደረጃ /ሞልተን/ ስቴት ስለደረሰች ካርበንዳይኦክሳይድና እንፋሎት በብዛትና ሐይድሮጅን፣ ናይትሮጅን፣ አሞኒያ ሚቴን፣ ክሎሪን ሌሎች ጋዞች ደግሞ በመጠኑ ተፈጠሩ።

በፀሐይ ጨረር ኃይልና ከእንፋሎት በተገኘው ኦክስጅን አጋዥነት ከጊዜ ብዛት አሞኒያ ወደ ናይትሮጅንና ወደ ውሃ እንፋሎት፣ ሚቴን ወደ ካርበንዳይኦክሳይድና ወደ ውሃ እንፋሎት በመለወጥ የናይትሮጅንና የካርበንዳይኦክሳይድን ብዛት ጨመረ። የምድር ገፅ ክስረት ሙቀት እየቀነሰ ሄዶ ወደ 100 ዲግሪ ሴንቲ ግሬድ አካባቢ ሲቃረብ እንፋሎት ወደ ውሃ ተለውጦ ውቅያኖሶችን ከሰተ።

ስለምድር ስናወሳ ጥቂት ስለተከናወነው ጥናትም በዳሰሳ መልክ ማንሳቱ ተገቢ ሆኖ አግኝቸዋለሁ። ከ3.7 ቢሊየን ዓመት ጀምሮ የተከሰቱት ሁኔታዎች እጅግ ብዙ ቢሆኑም አጥኚዎቹ በሁለት አበይት ክፍሎች ከ3.7-0.6 ቢሊየን ዓመት በዘመነ ቅድመ ሕይወትና ከ0.6 ቢሊየን ዓመት ጀምሮ እስከ አሁን ድረስ ያለውን ዘመነ ትዕይንተ ሕይወት /ፋነሮዞይክ/ በሚል በሁለት ከፍለው ነበር የምድርን ታሪክ ያጠኑት።

በዚህ መሰረትም በምድር ላይ በተካሄዱት ዋና ዋና ሥነ ምድራዊ የለውጥ ሂደቶችና ክስተቶች በየብስ ላይና በውሃ ውስጥ ሕይወት ያላቸው ነገሮች መከሰት መራባትና መባዛት እንዲሁም ባልተጠበቀ ሁኔታ በርካታ ዝርያዎች ማለቅና በምትካቸውም ሌሎች ዘሮች በአዝጋሚም ሆነ በድንገተኛ ለውጥ በምድር አካል መሰራጨት ቻሉ።

አጥኚዎቹ የከፈሏቸው በሁለቱ ዋና ዋና ዘመኖች እንደተከሰቱት ለውጦችና እንደ መረጃዎቹ ብዛት ፕሪካምብሪያን፣ ፖሎዞይክ፣ ሞሶዞይክና ሲኖዞይክ በሚባሉ 4 ክፍለ ዘመናትና በተለያዩ ንዑሳን ክፍለ ዘመናት ከፋፍለው እንዳጠኗቸውና እንደተነተኗቸው ሳይንሳዊ ንፅርኦተ ዓለም በሚለው በ1983 ዓ.ም የመምህራን ድምፅ ልዩ እትም መፅሐፍ በሰፊው ተዘርዝሮ ከቀረበው ቀንጭበን ለማሳየት ሞክረናል።

የዚህ ሁሉ ድምር መጓጓዣዎችን አህጉራት እንዴት ሊፈጠሩ እንደቻሉ ለማየት ስንል የቃኘነው መሆኑን ለአንባብያን መጠቆሙ ተገቢ ነው ብለን ስለምናምን ከዚሁ መፅሐፍና ከሌሎች ሰነዶች እየቃረምን ያገኘነውን ጭብጥ እናቀርባለን።

የምድር ገፅ የምድር ቅርፊት እንደሚባልና እንደአውሮፓ የመሳሰሉት አህጉራት የተመሰረቱበት የምድር ቅርፊትና አትላንቲክና ፓስፊክ ያሉት ውቅያኖሶች የተመሰረቱበት የምድር ቅርፊት እፍጋቱ ቀለል ያለና 2 ነጥብ 5 ግራናይት የድንጋይ ዓይነት ጋር ዝምድና ካላቸው ድንጋዮች መሰራታቸውን ገልፀው የውቅያኖሶቹ የምድር ቅርፊት እፍጋቱ ከበድ ያለና 3.00 ጥቁር ድንጋይ ይዘት ካላቸው ድንጋዮች የተሰሩ ናቸው።

የምድር ቅርፊት መጀመሪያውኑ ሲፈጠር አንዳንድ ቦታ ግራናይት የበዛበት ሆኖ በተረፈው ደግሞ ጥቁር ድንጋይ የሞላበት እንደነበር የሚገልፁ ወገኖች ያሉትን ያህል የምድር ክረስት መጀመሪያውኑ ሲፈጠር በጠቅላላው ባለግራናይት ሽፋን እንደነበርና በሽፋኑ ስር ሬድዮ አክቲቭ በፈጠረው ኃይለኛ ሙቀት የተነሳ ምድር መጠኗንም በመጨመሯ ይህ የግራናይት ሽፋን ለውጡን ለመቋቋም መሰነጣጠቅ ስለጀመረ የተገኙት ፍንካቾች /ብሎክስ/ አህጉራትን ሲሰጡ በየፍንካቾቹም መካከል የነበሩ ስንጥቆች እየሰፉ ሲሄዱ ውቅያኖሶች መሆን እንደቻሉ መግለፃቸውን፣ ሌሎች ወገኖች ደግሞ የምድር ቅርፊት የመጀመሪያ ሽፋኑ ጥቁር ድንጋይ ሲሆን አህጉራቱ ሊገኙ የቻሉት ከጥቁር ድንጋይ ከተፈጠረና ያንጊዜ የምድርን ገፅ አልፎ ሸፍኗት ከነበረው ውሃ ውስጥ ከተከማቹ የድንጋይ ዝቃጮችና /ሴዲመንትስ/ ከላይኛው ምድረ ማእከል አካባቢ ከመጡ የእሳተ ገሞራ ድንጋዮችና በምድር ልዩ ልዩ እንቅስቃሴዎች የተነሳ በተፈጠሩ ሙቀትና የመፋጨት ኃይል ገፋፊነት ወደ ግራናይት በተለወጡበት ጊዜ መሆኑን መጽሐፉ አክሎ በንፅፅሮሽ ገልፆታል።

በአሜሪካ የተሻለ ክፍያ በመጠየቅ አድማ በመካሄዱ ጥቁሮች በሚኖሩባቸው በቺካጎ፣ በሴንሉዊስ፣ በኖክስዊል፣ በኦሀማና በዋሽንግተን ጥቁር አፋኝ ድርጅቶች አቋቁመው 679 ሰዎችን ገድለው ባንድ ጉድጓድ ቀብረዋቸዋል።   

በ1974 የተባበሩት መንግስታት አፍሪካ የሞት ማምረቻ ሐገር እንድትሆን የተዘጋጀ በመሆኑ የሕዝብ ቁጥር መቀነስ አስፈላጊነት ላይ ያተኮረ በሩሜንያ ባካሄደው ስብሰባ ሄንሪ ኪሲንጀር ያጠኑትንና ያቀረቡትን በመመርመር ለመወሰን ስለነበር በጉባኤው የተሰበሰቡት የአፍሪካ ሐገራት መሪዎች ግን ሳይመረምሩ የሕዝባችን ቁጥር እንዲቀንስ አሜሪካ ያቀረበችውን ጥናት ሙሉ ለሙሉ ፍላጎት እንደግፋለን በማለት በፊርማቸው በማረጋገጥ ለህዝቦቻቸው የተዘጋጀውን የሞት ፍጅት ፈቀዱ።

በዚህ የሩሜንያ የተመድ ጉባኤ 13 ሐገሮች ሕንድ፣ ባንግላዴሽ፣ ኮሎምቢያ፣ ኢትዮጵያ፣ ናይጀሪያ፣ ፓኪስታን፣ ኢንዶኔዥያ፣ ሜክሲኮ፣ ቱርክ፣ ግብፅ፣ ፊለፒንስ፣ ብራዚል እና ታይላንድ በሕዝብ ቁጥር መጨመር ላይ ለዓለም በተለይም ለአሜሪካ አደጋ መሆናቸውንና በነዚህ ሐገሮች ላይ ፈጣን እርምጃ እንዲወሰድ ነበር መሪዎቹ ስምምነታቸውን በፊርማቸው ያረጋገጡት።

ከ1962-1978 ዓ.ም ኤችአይቪን ለማምረት ታቅዶና ፕሮጀክት ተቀርፆ 550 ሚሊየን ዶላር ተበጅቶለት የአሜሪካ ልዩ የካንሰር ፕሮግራም በእቅዳቸው መሰረት በ1978 ዓ.ም አጠናቀው በ1974 በተመድ ጉባኤ ባፀደቁትና በተስማሙበት መሰረት 15ሺህ ጋሎን ኤች አይቪን በተዘጋጁ ሁለት የክትባት ፕሮግራሞች ተቀላቅሎ ፈንጣጣን ለመከላከል በሚል ሽፋን የፈንጣጣ ክትባትን የየሐገራቱ መሪዎችም ተቀብለው በዓለም ጤና ድርጅት አማካይነት ለአፍሪካ በማሰራጨት መሪዎቹም በየሐገሮቻቸው ለህዝቦቻቸው በዘመቻና በግዴታ መልክ ህዝባቸውን እያሰለፉ ከተቡት።

ለአፍሪካ የተላከው የፈንጣጣ ክትባት የኤችአይቪ ዝርያ የሆነው በንዑስ ክፍል ዲ የሚመደብ ሲሆን በወንድና በሴት መካከል በሚደረግ የግብረስጋ ግንኘነት በከፍተኛ ደረጃ እንዲተላለፍ ተደርጎ በመዘጋጀቱ አፍሪካውያን ይህን በመፍራት ከግንኙነት በመታቀብ የሕዝብ ቁጥርን መቀነስ የሚለው እቅዳቸውን ሕዝብን በመፍጀት ከግቡ ማድረስ ነው። ኤችአይቪ ንዑስ ዝርያ ንዑስ ክፍል ቢ የመደቡት ደግሞ ተመሳሳይ ፆታ ግንኙነት የሚፈጥሩ ግብረ ሰዶማውያንን ብቻ እንዲያጠቃ ታስቦ የተዘጋጀ ነበር።

በዓለም ጤና ድርጅት በተደረገው የክትባት ፕሮግራም ኤድስ በአፍሪካ በስፋት እንዲሰራጭ ታስቦበትና ለረጅም ጊዜ ጥናት ተደርጎበት መሆኑን በርካታ ማረጋገጫዎች አሉ። በሜሪላንድ ፎርትሪክ የባዮሎጂካል መሳሪያዎች ጥናት ማእከል የመጀመሪያው ዳይሬክተር በነበሩት በሚ/ር ጆርጅ ደብሊው ሜርክ ስራ አስኪያጅነት የሚመራው ሜሪክ የተባለ የመድኃኒት ማምረቻ ኩባንያ ወደ አፍሪካ የተላከውን የክትባት መድኃኒት የሰራ ነው።

የአሜሪካ መከላከያ ድርጅት 10 ሚሊዮን ብር ሰጥቶ ኤችአይቪ እንዲመረት በተካሄደው ምርምር ላይ ተሳትፏል። የአሜሪካ መንግስት በባዮሎጂካዊ መሳሪያ ምርምር ማእከል ኤችአይቪን በሰራበት ሂደት የቪስና ቦቪና ሉኩሚያ ቫይረስን በማዳቀል ተግባርና ኤድስን በአፍሪካ ለመዳረሱና ለመስፋፋቱ የአለም ጤና ድርጅት ዋናውንና የአንበሳውን ድርሻ ወስዷል።

የኮመንዌልዝ ሳይንሳዊና ኢንዱስትሪያዊ ምርምር ድርጅት ተመራማሪ ሳይንቲስቶች ዶ/ር ፖል ሬዴል እና ዶር/ዴቪድ ማክጃነት ከ900 ሜትር በላይ ከፍታ ላይ የሚገኙ የሀሩር ክልል ደኖች መሬት ላይ ከሚወርደው ዝናብ 40 በመቶ የሚበልጥ እርጥበት ከዳመና ውስጥ ይስባሉ። ዝቅ ብለው የሚገኙ ዳመናዎች፣ ጭጋጎችና ጉሞች በደኑ ውስጥ አዘውትረው ስለሚያልፉ የያዙት እርጥበት ወደ ጤዛነት እየተለወጠ ወደ መሬት ይወርዳል። በዚህ መንገድ በሚሊየን ሊትር የሚለካ ውሃ ወደ ወንዞች ይገባሉ። ደኖች በሚመነጠሩበት ጊዜ ግን ወደ አፈር የሚደርሰው እርጥበት በእጅጉ ይቀንሳል።

ደኖች የዕፅዋቶች ስብስብ እንደመሆናቸው አትክልቶች ከኛ የሚወጣውን የተቃጠለ አየር ወስደው ስቶማታ በተባለው ጥቃቅን ሴሎቻቸው ኦክስጅንን ሲተነፍሱ እኛ ደግሞ እነሱ የሚተነፍሱልንን ኦክስጅን በሳንባችን እየሳብን ተጋግዘን እንኖራለን። የተክሎች ስቶማታ ለተክሎች የሚጠቅመውን ያህል ከእፅዋቱ ውስጥ የሚገኘውን 95 በመቶ የሆነውን የውሃ መጠን፣ ሙቀት በሆነ ጊዜ በከፍተኛ መጠን በማትነን ለድርቅ ሲዳርጋቸው ቆይቷል። ሆኖም ይህን የትነት መጠን የሚቆጣጠር ዘረመል ወይም ጅን ያገኙት የፊንላንድና የካሊፎርኒያ ተመራማሪዎች እንዳብራሩት አትክልቶቹ በሚተነፍሱበት ጊዜ ከሚያወጡት ኦክስጅን ጋር አብሮ የሚወጣውን የውሃ መጠን በከፍተኛ ደረጃ በመቀነስ ደረቅ የአየር ሁኔታን እንዲቋቋሙ ስለሚያስችላቸው ከሰው ልጅ ጋር በጋራ የሚጠቀሙትን የከርሰ ምድር ውሃ ለ20 ዓመታት ስለሚቆጠብላቸው ሰዎች ለቀጣዩ 20 ዓመታት በዚህ መንገድ የሚቆጠብላቸውን ውሃ ያለ አሳብ ይጠቀሙበታል ብለዋል። ምግባቸውን እንዳይሻሙባቸው አላስፈላጊ በላተኞች የሚሏቸውን አፍሪካውያን በክትባት ስም እየፈጁ ቀስበቀስ በመቀነስ ከተቻለ ጨርሶ ማጥፋት ላይ እየሰሩ ሲሆን አሁን ደግሞ  እፅዋት ውሃ እንዳይሻሙባቸው ይታገላሉ።

ሰው ምግብ ስለሚሻማቸው ብቻ ሰው የሚሰራውን የሚሰሩና በግድጋዳና በጣራ ላይ የሚራመዱ፣ ወታደራዊ ግዳጆችን መወጣትና መዋጋት የሚችሉ፣ ማሰብ የሚችሉ፣ ሾፌር፣ ትርኢት አቅራቢ ሮቦቶችን እያመረቱ ነው። በሀይድሮጅን የሚንቀሳቀሱ መኪኖች በሎስአንጀለስ ከተማ ሮድ ቱር-80 በተሰኘ የ13 ቀን ጉዞ ከሜይን ከተማ በማሽከርከር ፈትሸዋታል።

አፍሪካውያን አገራቸውን የሚወክል መሪ አይኖራቸውም አፍሪካውያንን ለመግዛትና ለመምራት በአምላክ የተመረጥነው እኛ ነን እያለ በኩራት ይናገር የነበረው በነጭነቱ የሚኩራራው ከ1965- 1979 ሮዴሽያን/ዚምባብዌን በቅኝ የገዛው ዘረኛው ኢያን እስሚዝ ነበር።

መሬት በራሷ ተፈጥሯዊ ሂደትና ሰዎች በሚፈጥሩባት ችግር የተነሳ ገፅታዋን እየቀያየረች እንድትኖር በመደረጉ ስምጥ ሸለቆ እየሰፋ አዳዲስ ባህሮች እየተተካበት አፍሪካን ለሁለት የመሰንጠቅ አደጋ ይዳርጋታል። ስምጥ ሸለቆ ከውቅያኖሶች ወለል ጋር የተቃረበ የመሬት ክፍል በመሆኑ በየክፍታክፍተቱና በመሬት ላይ ባሉ ሶስት ደረጃ አካሎቹ ውስጥ የተማገሩና የተዋቀሩ አለቶች በሚያደርጉት ፍትጊያና እንቅስቃሴ በሚፈጠር ውስጣዊ ሙቀትና ፈሳሻዊ ባህሪ በእሳተ ገሞራነት የመሬት ገፅታ እንደሚቀየር ስለተገነዘብን የኢትዮጵያ ስምጥ ሸለቆ ኢትዮጵያን ለሁለት ከፍሎ የሚኖር ከመሆኑና በተለይም አፋር ላይ መሰረቱን ተክሎ በስፋት የተቀመጠ በውቅያኖስና በባሕር እየተገፋና ውስጥ ውስጡን እየተሸረሸረ በመሆኑ በመሬት ውጫዊ አካል ላይ ከሚከሰቱት ተፈጥሯዊና ሰው ሰራሽ ችግሮች ጋር ተደማምሮ ስጋቱን አባብሰውታል ይላሉ ኢትዮጵያውያን ሳይንቲስቶችን ጨምሮ እየገለፁ ነው።

የመሬት አቀማመጥ አሁን ባለበት ሁኔታ እንዳልነበረ ከሚሊዮን ዓመት በኋላ የነበረውን ወደኋላ ተመልሰው የሚያጠኑ የዘመኑ ሳይንቲስቶች በርካታ ማረጋገጫዎችን እየሰጡ ነው። ከሚሊዮን ዓመታት  በፊት የደቡብና የሰሜን አሜሪካ ምስራቃዊ ግዛቶች ከአፍሪካ ምእራባዊ ግዛቶች /ሐገሮች በድንበር አዋሳኝ ሆነው የተያያዙ መሬቶች የነበሩና በድንበር ገጠምነት የሚታወቁ ቢሆንም በአትላንቲክ ውቅያኖስ መፈጠር ሳቢያ ቀስበቀስ ወደ ሁለት ተከፍለው አትላንቲክም እየሰፋ እኒህ አዋሳኝ አህጉራትም እየተራራቁ ዛሬ ካሉበት ደረጃ ላይ መድረሳቸው ተመልክቷል።

የደቡብ አሜሪካዎቹ ካራካስ ቬኑዚዌላ፣ ፓራጓይ፣ አርጀንቲና፣ የብራዚሉ ሪዮዲጀኔሮና ሳኦፓውሎ፣ ሳልቫዶርና ሌሎች ከተሞች የሰሜን አሜሪካዎቹ ኮሎምቢያ፣ ሚያሚ፣ ዋሽንግተንና ኒውዮርክ ከሌሎች የሰሜን አሜሪካ ከተሞች ጋር ሆነው ከአፍሪካውያኑ ደቡብ አፍሪካዋ ኬፕታውን፣ ናሚቢያ፣ አንጎላ፣ ኮንጎ፣ ጋቦን፣ ካሜሩን፣ የናይጀሪያዋ ሌጎስ፣ ቤኒን፣ ጋና፣ ኮትዲቯር፣ ጊዩኒያ፣ ሞሪታንያ፣ ሞሮኮ፣ ዳካርና ኮናክሪ ከሌሎች ያልተጠቀሱ በርካታ ከተሞች ጋር በመሬት ድንበርተኛ ሆነው ሦስቱ አህጉሮች በድንበር ተዋሳኝነት በጉርብትና ተያይዘው የነበሩ ሲሆን ከሚሊዮን ዓመት በፊት በተነሳ የመሬት ውስጥ ሙቀት በእሳተገሞራ ሳቢያ ተሰንጥቀው አትላንቲክ ውቅያኖስ በተለያዩበት ቦታ እየሰረገ በመግፋት ይበልጥ እንዲራራቁ አድርጓቸዋል።

ይህንን በመሰለ ክስተት አፍሪካን ከሰሜን ምስራቅ ወደ ደቡብ ምእራብ ቁልቁል የሚቆራርጠው የስምጥ ሸለቆ ወደ ሁለት አህጉርነት ለመቀየር የሚያስችል ባሕሪ እንዳለውና በእሳተገሞራ መነሻነት እንድትሰነጠቅ እንደሚያደርግ /ኢትዮጵያና ኬንያን ጨምሮ/ ሳይንቲስቶቹ አሳስበዋል። በጥልቁ የውቅያኖስ ወለል ላይ የሚፈጠር የመሰንጠቅ ክፍተት በአህጉሪቱ ሀገራት ላይ የመገነጣጠልና የመለያየት አደጋ እንደሚከሰት ከነበሩ ጥንታዊ ተሞክሮዎች በመነሳት ከሚሊዮን አመት በፊት አንድ ላይ ተጣብቀው የተሰፉት አሜሪካና አፍሪካ ሁለት ቦታ ተሰንጥቀው መለያየታቸውን የጥናት ቡድኑ ገልጧል።

የዛሬ ሃያ ሽህ ዓመት መሬት ደረቷ ላይ የተጋገረው ከባድ የበረዶ ክምር ጭነት በግዙፍ ኃይሉ  ከሰሜን ወደ ደቡብ እየጠረገ፣ ደኖችን፣ ተራራና ሜዳዎችን እየቀበረ ምድረበዳ አድርጓቸዋል። በምድር ቅዝቃዜው ከልክ በላይ አለፈ። በበረዶው ክብደት የተነሳ በተለያዩ የዓለም ክፍሎች በርካታ ስፍራዎች ተደረማምሰዋል። የበረዶ ክምር የሰራው ውሃ ከውቅያኖሶቹ የሄደ ስለነበር በዓለም ዙሪያ ያለው የባሕር ወለል በ350 ጫማ ወርዶ ሰፋፊ የአህጉር ዳርቻዎች ምድረበዳ ሁነው ነበር። ካሁን በፊት በተከሰተ የበረዶ ዥረት በአውሮፓና በሰሜን አሜሪካ 11 ሚሊዮን ማይል ካሬ መሬት በበረዶ ተሸፍኖ የነበረ ሲሆን የዛሬ 14 ሽህ ዓመትም እንደዚሁ ሆኗል። የአሜሪካ መንግስት ከአስራ አንድ ሽህ ዓመት በፊት የተከሰተውን ተደጋጋሚ የበረዶ ዥረት ሁኔታ ለማጥናት የዓለም ካርታና በፕሌይስቶሲን ዘመን የሆነውን የአየር መዛባት አብጠርጥረው አጥንተዋል። የበረዶው ዥረት ዕፅዋትም እንሰሳትንም ፍጥረታትን ሁሉ ፈጀ። የተረፉ ካሉም ተሰደዱ። ይህ ችግር በተደጋጋሚ እንደሚከሰት ስለተገነዘቡና ጨርሶ ከጥቅም ውጪ ሆኖ እንደማይበጃቸው ስለሚያስቡ ለግል ጥቅማቸው ያራቆቷትን አፍሪካ የወደፊት ማረፊያ ወደባቸው እንድትሆን ሽተዋል። እናም ቀስበቀስ ሰዎቹን ለመጨረስ ቆርጠዋል።

ይምረጡ
(0 ሰዎች መርጠዋል)
169 ጊዜ ተነበዋል

Sendek Newspaper

Bole sub city behind Atlas hotel

Contact us