በበርሚንግሀም የአለም ሻምፒዮና ገንዘቤ ዲባባ በሁለት ርቀቶች ትወዳደራለች

Wednesday, 21 February 2018 12:18

 

በየሁለት አመቱ የሚካሔደው የአለም የቤት ውስጥ አትሌቲክስ ሻምፒዮና በቅርቡ በእንግሊዝ በርሚንግሀም ከተማ ለአራት ቀናት ይካሔዳል። በሻምፒዮናው የምትሳተፈው ኢትዮጵያም በሶስት ርቀቶች የሚወዳደሩ የብሔራዊ ቡድን አትሌቶችን ይፋ አድርጋለች። ገንዘቤ ዲባባ በሁለት ርቀቶች እንደምትወዳደር ታውቋል።


የበርሚንግሀም የአለም አትሌቲክስ ሻምፒዮና ከአንድ ሳምንት በኋላ ይካሔዳል። ውድድሩ በፈረንጆቹ ማርች 1 እስከ 4 ቀን የሚቆይ ነው። በውድድሩ ላይ ኢትዮጵያ ከ800፣ በ1,500 እና 3,000 ሜትር የሚወዳሩ አትሌቶችዋን አስታውቃለች።


የኢትዮጵያ አትሌቲክስ ፌደሬሽን በወቅታዊ ውጤታቸው መሰረት የተመረጡ አትሌቾችን ይፋ አድርጓል። ገንዘቤ ዲባባ በሁለት ርቀቶች የምትወዳደር አትሌት ናት። ወጣቷ አትሌት ዳዊት ስዩምም በተመሳሳይ ለሁለት ሜዳልያዎች መመረጥ ችላለች።


በ800 ሜትር ርቀት በሴቶች ሀብታም አለሙ ብቻ የሰአት መስፈርቱን በማማሏት የተመረጠች አትሌት ናት። ሀብታም በለንደኑ የአለም አትሌቲክስ ሻምፒዮና የተሳተፈችው ሀብታም አለሙ ‹በርሚንግሀም ላይ ከለንደኑ የተሻለ ውጤት እንደምታመጣ ተስፋ ተጥሎባታል። በቅርቡ ባደረገቻቸው ሁለት ውድድሮች ያሳየችው ብቃትም እንድትጠበቅ የሚያደርጉ ናቸው።


በወንዶች ደግሞ መሐመድ አማን ብቸኛው የ800 ሜትር ተሰላፊ ነው። መሐመድ ባለፉት ሁለት አመታት ወዲህ በጥሩ ብቃት ባለመገኘቱ ከውድድሮች ርቆ ቆይቷል። ባለፈው አመት በለንደን የአለም ሻምፒዮና ውጤታማ መሆን ባለመቻሉ ርቀቱን ለመቀየር ማቀዱን አስታውቆ እንደነበር ይታወሳል።


በ2013 የሞስኮ የአለም ሻምፒዮና በ800 ሜትር የወርቅ ሜዳልያ ባለቤት የሆነው መሐመድ በቅረብ ጊዜያት በውድድሮች ላይ በመሳተፍ አቅሙን ሳይፈትሽ በበርሚንግሀም የአለም ሻምፒዮና ላይ የሚያደርገው ፉክክር እንደሚከብደው ይጠበቃል።


በ1,500 ሜትር ርቀት በሴቶች ገንዘቤ ዲባባ፣ ዳዊት ስዩምና ጉዳፍ ጸጋዬ ተመርጠዋል። በርቀቱ የአለመ ክብረወሰን ባለቤት የሆነችው ገንዘቤ ዲባባ የአሸናፊነት ግምት ከተሰጣቸው አትሌቶች መካከል አንዷ ናት። አትሌቷ በቅርቡ በሁለት የተለያዩ መድረኮች በርቀቱ አሸናፊ መሆኗን ተከትሎ በበርሚንግም የአለም ሻምፒዮናም የወርቅ ሜዳልያ እንደምታሸንፍ ግምት ተሰጥቷታል።


ገንዘቤ ዲባባ በበርሚንግሀም የአለም ሻምፒዮና ከ1,500 ሜትር በተጨማሪ በ3000 ሜትር ርቀትም ትወዳደራለች። አትሌቷ በርቀቱ ያለፈው ጊዜ ሻምፒዮን በመሆኗም ያለ ሚኒማ የመወዳደር መብት አላት። በርቀቱም የወቅቱ ምርጥ ሰአት ባለቤት በመሆኗም እንድምታሸንፍ ይጠበቃል።


ገንዘቤ በበርሚንግሀሙ የአለም የቤት ውስጥ ሻምፒዮና ሁለት የወርቅ ሜዳልያ በማሸነፍ ባለፈው አመት በለንደኑ የአለም ሻምዮና ያስከፋችውን የስፖርቱን አፍቃሪ ልታስደስት ትችላለች። ይሁንና አትሌቷ አሁንም የትልቅ ውድድር ትልቅ አትሌት መሆኗን ለማመስከር እንደ ኦሊምፒክና የአለም ሻምፒዮና ባሉ መድረኮች ላይ አሸናፊ መሆን ይጠበቅባታል።


‹‹በበርሚንግሀም የአለም አትሌቲክስ ሻምፒዮና ሁለተ የወርቅ ሜዳልያዎችነ ለማስመዝገበ ከፍተኛ ዝግጅት አድርጌያለሁ›› ስትል የተናገረችው ገንዘቤ ዲባባ፤ ዝግጅቷን በአዲስ አበባ ስተደርግ ቆይታለች።


በወንዶች የ1,500 ሜትር ርቀት ኢትዮጵያ ለበርሚንግሀም የአለም የቤት ውስጥ ሻምፒዮና ሁለት አትሌቶችን ብቻ ነው የምታሰልፈው። እነርሱም በርቀቱ የረጅም ጊዜ ልምድ ያለው አማን ወጤ አንደኛው ነው። ሌላው ደግሞ በአንጻሩ ብዙም ልምድ የሌለው ሳሙኤል ተፈራ ነው።


በ3,000 ሜትር ሴቶች ከገንዘቤ በተጨማሪ የተመረጡት አትሌቶች ዳዊት ስዩምና ፋንቱ ወርቄ ለአትዮጵያ የሜዳልያ ውጤት እንደሚያስመዘግቡ ተስፋ ተጥሎባቸዋል። ዳዊት ስዩም በ1,500 ሜትር ርቀትም የምትወዳደር መሆኗ ይታወቃል።


በተመሳሳይ የ3,000 ሜትር ርቀት በወንዶች ሶስት አትሌቶች የተመረጡ ሲሆን፤ በርቀቱ ሜዳልያ እንደሚገኝ ይጠበቃል። ሰለሞን ባረጋ፣ ሀጎስ ገብረእግዚአብሔር እና ዮሚፍ ቀጀልቻ በርቀቱ የወቅቱ ምርጥ ሰአት ባለቤት ናቸው። ሶስቱም አትሌቶች በተቀራራቢ ብቃት ላይ የሚገኙ ሲሆን እርስ በእርስ የሚያደርጉት ፉክክር ከወዲሁ የሚያጓጓ ሆኗል።


ከቅርብ ጊዜ ወዲህ በመካለኛ ርቀት አስደናቂ ብቃ ማሳየት የቻለው ሰለሞን ባረጋ በበርሚንግሀም የአለም የቤት ውስጥ ሻምፒዮና ከሚጠበቁ አትሌቶች መካከል አንዱ ነው። በለንደኑ የአለም አትሌቲክስ ሻምፒዮና በ5,000 ሜትር በማጣሪያው ለሞ ፋራህ ፈታኝ አትሌት ሆኖ በመቅረቡ የአለምን ትኩረት መሳቡ ይታወሳል።


በለንደኑ የአለም አትሌቲክስ ሻምዮፒና በ5,000 ሜትር ፍጻሜ ሙክታር ኢድሪስ ሲያሸንፍ የማይረሳ ፉክክር ያደረገው ዮሚፍ ቀጀልቻም በርሚንግሀም ላይ ለአሸናፊነት ይጠበቃል።


ለሻምፒዮናው የተመረጡ የኢትዮጵያ ብሔራዊ ቡድንን የሚወክሉ አትሌቶች እንደቀድሞው ተሰባስበው ልምምድ እንዳልሰሩ ታውቋል። አትሌቶቹ በግላቸው አሰልጣኝ የግል ዝግጅት በማድረግ ነው የቆዩት። በውድድሩ ለመሳተፍ የሚያችላቸውን ሰአት ማስመዝገብ የቻሉ አትሌቶች ተለይተው መመረጣቸውን ነው የኢትዮጵያ አትሌቲክስ ፌዴሬሽን በቅርቡ ያስታወቀው።

ይምረጡ
(0 ሰዎች መርጠዋል)
63 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 571 guests and no members online

Sendek Newspaper

Bole sub city behind Atlas hotel

Contact us