መብራት አለመኖሩ ወንጀለኞችን አበራክቷል

 

ከሃያት ጎሮ እና ከሃያት ቦሌ አራብሳ እንዲሁም በፍጥነት መንገዶች መግቢያ መስመሮች የመንገድ መብራት መስመሮች በአግባቡ ተዘርግተው ሙከራም ተደርጎባቸው ነበር። ነገር ግን እነዚህ መስመሮች መብራት እስከ አሁን ድረስ አልተለቀቁላቸውም። ኮንዶሚኒየሞቹ አዲስ እንደመሆናቸው መጠን የተወሰኑ ነዋሪዎች ከመግባታቸው ውጪ አብዛኞቹ ባዶ ናቸው። በእነዚህ መስመሮች የመብራት ኃይል አለመዘርጋቱ አካባቢውን የወንጀለኞች መፈልፈያ አድርጎታል። በተለይ መሸት ሲል በዚያ መስመር የሚያልፉ ሰዎች በዝርፊያ እና ለድብደባ እየተጋለጡ ይገኛሉ። ጨለማን ተገን በማድረግ በርካታ ወንጀሎች እየተፈፀሙ ይገኛሉ። በአካባቢው ያለው ህዝብ ቁጥር አነስተኛ በመሆኑ እና እንቅስቃሴውም ውስን በመሆኑ ማንም ለማንም ሊደርስ እና ከአደጋ ሊታደገው አይችልም። ከዚህ በተጨማሪም የመብራት አለመኖሩ በአካባቢ የመኪና አደጋዎች እንዲፈጠሩ አንዱ ምክንያት እየሆነ ነው።

 

የመንገድ መብራት ዝርጋታው በአዲስ አበባ መንገዶች ባለስልጣን፤ በአዲስ አበባ ማዘጋጃ ቤት እና በኢትዮጵያ ኤሌክትሪክ አገልግሎት ቅንጅት እንደሚሰራ ነው የሚታወቀው። አሁን ባለው መረጃ ማዘጋጃ ቤት ክፍያውን ባለመክፈሉ የኤሌክትሪክ ሃይሉ እንዳልተለቀቀ ነው። መሰራት ያለበት አብዛኛው ነገር ተሰርቶ ጥቂት ነገሮች ሲቀሩ ስራው ችላ በመባሉ በርካታ ችግሮች እየተፈጠሩ ስለሆነ የሚመለከተው አካል መፍትሔ ሊሰጠን እና ከእነዚህ ችግሮች ሊታደገን ይገባል።

                             

መምህር ሲሳይ አለሙ - ከቦሌ አራብሳ        

ይምረጡ
(0 ሰዎች መርጠዋል)

Sendek Newspaper

Bole sub city behind Atlas hotel

Contact us