በእንቅርት ላይ ጆሮ ደግፍ የሆነ ጭማሪ

 

በሀገራችን የትራንስፖርት ታሪፍ ላይ ሰሞኑን ጭማሪ መደረጉ ተነግሯል፤ እኛም በተግባር እያየነው ነው። መሰል የታሪፍ ማስተካከያዎች ከዚህ ቀደምም በተደጋጋሚ ሲደረጉ ስለነበረ አዲስ አይደለም። የአሁኑ የዋጋ ጭማሪም ከነዳጅ ዋጋ ጋር የማይገናኝ እና በትራንስፖርት ባለንብረቶች ጥያቄ መሠረት የተደረገ እንደሆነ እየሰማን ነው። ጭማሪው ከማንም ይምጣ ከማንም ተገልጋዩ ከመቀበል ውጪ ሌላ አማራጭ የለውም። ነገር ግን በዚሁ የዋጋ ጭማሪ ላይ ሁለት መሠረታዊ ስህተቶችን አስተውያለሁ። የመጀመሪያው ሁሉም ነገር ዋጋው በናረበትና ኑሮ በተወደደበት ወቅት መሆኑ ተገልጋዮችን የባሰ አጣብቂኝ ውስጥ የከተተ ነው የሆነው። በተጨማሪ ደግሞ የዋጋ ጭማሪው ከዚሁ በፊት ከተለመደው ጭማሪ በተለየ መልኩ በአንድ ጊዜ በከፍተኛ ደረጃ የተደረገ ጭማሪ ነው። እነዚህ ሁለት ነገሮች ተደማምረው የተጠቃሚውን ችግር ማባባሰ ይመስለኛል። ጭማሪው ተግባራዊ ከመደረጉ አስቀድሞ የማህበረሰቡን ችግር ያገናዘበ መሆን አለመሆኑን ጥናት ማድረግ ያስፈልግ ነበር። ይህን ጭማሪ ማድረግ ያስፈለገው ጥናት ተደርጎ እንደሆነም ተገልጿል። ነገር ግን ጥናቱ ከተደረገ ቆየት ያለ ሆኖ ሳለ እንዲህ ባለው ፈታኝ ጊዜ ላይ ተግባራዊ መደረጉ ህዝቡን ለባሰ ችግር ያጋለጠ ነው።

                              አቶ ሲሳይ አማረ- ከ6 ኪሎ   

ይምረጡ
(0 ሰዎች መርጠዋል)

Sendek Newspaper

Bole sub city behind Atlas hotel

Contact us